یوحنا 21:16 - مُقادِّس کیتاب

¹⁶ عیسی ایکینجی گِزِک اُندان یِنه:‏ ‏«‏اِی یونانینگ اُغلی شمعون، سِن، حاقیقاتدان هِم، مِنی سُییَرسینگمی؟»‏ دییّپ سُرادی.‏ اُل هِم عیسی:‏ ‏«‏هاووا، اِی آقام، سِنی سُییَندیگیمی اُزونگ بیلیَنسینگ»‏ دییّپ جُغاپ بِردی.‏ عیسی اُنگا:‏ ‏«‏قُیونلاریمی باق»‏ دییدی.‏

یوحنا 21:16 ပူးပေါင်းရင်းမြစ်များ

مَتّیٰ 2:6

‏”‏اِمّا سِن، اِی یهودا یوردونداقی بِیت‌لِحِم!‏ یهودا حُکومدارلارینگ ایچینده آصلا اینگ کیچیسی دَلسینگ.‏ چونکی سِندِن بیر حُکومدار چیقار، خالقیم اسرائیل‌ینگ چُپانیدیر اُل.‏“‏»‏

مَتّیٰ 25:32

هِمّه میلِّتلِر اُنونگ حوضوریندا ییغنانارلار، چُپانینگ قُیونلاری گِچیلِردِن سایلایشی یالی، اُل هِم اُلاری بیری-بیریندِن سایلار.‏

مَتّیٰ 26:72

پِطرُس یِنه-ده اینکَر اِدیپ:‏ ‏«‏مِن اُل آدامی تانییامُق»‏ دییّپ قاسام ایچدی.‏

لوقا 19:10

اینسان اُغلی ییتِنلِری آغتارماغا و نِجات بِرمَگه گِلِندیر»‏ دییدی.‏

یوحنا 18:17

قاپچی آیال پِطرُسا:‏ ‏«‏سِن هِم بو آدامینگ شَگیرتلِریندِن-اَ دَلسینگ؟»‏ دییّپ سُرادی.‏ اُل:‏ ‏«‏یُق»‏ دییّپ جُغاپ بِردی.‏

یوحنا 18:25

شمعون پِطرُس اُل یِرده چُیونیپ دوردی.‏ اُندان:‏ ‏«‏سِن هِم اُنونگ شَگیرتلِریندِن-اَ دَلسینگ؟»‏ دییّپ سُرادیلار.‏ اِمّا اُل:‏ ‏«‏یُق»‏ دییّپ اینکَر اِتدی.‏

یوحنا 21:17

عیسی یِنه-ده اُندان:‏ ‏«‏اِی یونانینگ اُغلی شمعون، مِنی سُییَرسینگمی؟»‏ دییّپ، اوچونجی گِزِک سُرادی.‏ عیسانینگ ‏«‏مِنی سُییَرسینگمی؟»‏ دییّپ اوچونجی گِزِک سُرانی اوچین، پِطرُس ناراحات بُلدی.‏ اُل عیسی:‏ ‏«‏اِی آقام، سِن هِمّه زادی بیلیَنسینگ، سِنی سُییَنیمی-ده بیلیَنسینگ»‏ دییدی.‏ عیسی اُنگا:‏ ‏«‏قُیونلاریمی اییمله.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

۱ پِطرُس 2:25

سیز قُیونلار یالی آزاشیپدینگیز، اِمّا ایندی جانینگیزینگ چُپانینا هِم قاراوولچیسینا دُلانیپ گِلدینگیز.‏

۱ پِطرُس 5:2

چُپانلارینگ اُز سوروسینه باغیشی یالی، سیز هِم خودایینگ اُزونگیزه اینانانلاری بارادا فیکر اِدینگ.‏ مونی مِجبورلیق بیلِن دَل-ده، یورِگینگیز بیلِن اِدینگ.‏ اُلاردان پِیدالانماق اوچین دَل-ده، عشق و مِیل بیلِن قاراوولچیلیق اِدینگ.‏

آیانلیق 7:17

چونکی تاختینگ اُرتاسیندا دوران قوزی اُلاری باقار و اُلاری یاشاییش سووونینگ چِشمه‌لِرینه اَکیدِر.‏ و خودای اُلارینگ گُزیاشلارینینگ هِر دامجاسینی سوپورِر.‏»‏