یوحنا 18:37 - مُقادِّس کیتاب

³⁷ پیلاتُس اُنگا:‏ ‏«‏دییمِک، سِن پادیشاه-دا؟»‏ دییدی.‏ عیسی اُنگا:‏ ‏«‏پادیشاهدیغیمی اُزونگ آیدیپ دورسونگ.‏ مِن حاقیقاتا شاهاتلیق اِتمِک اوچین دُغدیم، شُنونگ اوچین هِم دونیَه گِلدیم.‏ حاقیقاتینگ طارافداری بُلان هِر بیر آدام مانگا قولاق آسار»‏ دییّپ جُغاپ بِردی.‏

یوحنا 18:37 ပူးပေါင်းရင်းမြစ်များ

مَتّیٰ 26:64

عیسی اُنگا:‏ ‏«‏سِن اُزونگ شونی آیدیارسینگ، یُنه سیزه شونی آیدایین، موندان سُنگ سیز اینسان اُغلونینگ قودراتلی‌گویچلینینگ ساغیندا اُتورانینی و آسمانینگ بولوتلاریندا گِلیَنینی گُرِرسینگیز!‏»‏ دییدی.‏

مَتّیٰ 27:11

عیسانی حاکیمینگ حوضورینا گِتیردیلِر.‏ حاکیم اُندان:‏ ‏«‏سِن یَهودیلِرینگ پادیشاهسیمی؟»‏ دییّپ سُرادی.‏ عیسی هِم:‏ ‏«‏اُز آیدیشینگ یالیدیر»‏ دییّپ جُغاپ بِردی.‏

مَرقُس 14:62

عیسی:‏ ‏«‏مِندیرین!‏ سیز اینسان اُغلونینگ قودراتلی‌گویچلینینگ ساغیندا اُتورانینی و آسمانینگ بولوتلاریندا گِلیَنینی گُرِرسینگیز»‏ دییدی.‏

مَرقُس 15:2

پیلاتُس عیسادان:‏ ‏«‏سِن یَهودیلِرینگ پادیشاهسیمی؟»‏ دییّپ سُرادی.‏ عیسی:‏ ‏«‏اُز آیدیشینگ یالیدیر»‏ دییّپ جُغاپ بِردی.‏

لوقا 22:70

اُلارینگ هِمّه‌سی:‏ ‏«‏اُندا سِن خودایینگ اُغلی-دا؟»‏ دییّپ سُرادیلار.‏ عیسی اُلارا:‏ ‏«‏مِنینگ کیمدیگیمی اُزونگیز آیدیپ دورسونگیز»‏ دییّپ جُغاپ بِردی.‏

لوقا 23:3

پیلاتُس اُندان:‏ ‏«‏سِن یَهودیلِرینگ پادیشاهسیمی؟»‏ دییّپ سُرادی.‏ عیسی اُنگا:‏ ‏«‏اُز آیدیشینگ یالیدیر»‏ دییّپ جُغاپ بِردی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 1:17

چونکی شِریغات موسانینگ اوستو بیلِن بِریلدی، اِمّا مِرحِمِت و حاقیقات بُلسا عیسی مسیحینگ اوستو بیلِن گُروندی.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 3:32

اُل گُرِنینه، اِشیدِنینه شاهاتلیق اِدیَر، یُنه اُنونگ شاهاتلیغینی هیچ کیم قابول اِتمِیَر.‏

یوحنا 7:17

خودایینگ ایسلِگینی بِرجای اِتمِک ایسلِیَن آدام مِنینگ تَعلیم بِریَنلِریمینگ خودایداندیغینا یا-دا اُزومدِندیگینه گُز یِتیرِر.‏

یوحنا 8:14

عیسی اُلارا:‏ ‏«‏مِن اُز-اُزومه شاهاتلیق اِدیَن هِم بُلسام، مِنینگ شاهاتلیغیم اِعتِبارلیدیر.‏ سِبَبی مِن نیرِدِن گِلیپ، نیرَه باریانیمی بیلیَرین، یُنه مِنینگ نیرِدِن گِلِنیمی یا نیرَه باریانیمی سیز بیلمِیَرسینگیز.‏

یوحنا 8:45

اِمّا مِن حاقیقاتی آیدیاندیرین.‏ شُنونگ اوچینِم سیز مانگا ایمان گِتیرمِیَرسینگیز.‏

یوحنا 8:46

سیزینگ هایسینگیز مانگا گونَه یاپیپ بیلِرسینگیز؟ اِگِر مِن حاقیقاتی آیدیان بُلسام، اُندا نَمه اوچین سیز مانگا ایمان گِتیرمِیَرسینگیز؟

یوحنا 8:47

کیم خودایا دِگیشلی بُلسا، خودایینگ سُزلِرینی دینگلِیَندیر.‏ سیز دینگلِمِیَرسینگیز، سِبَبی سیز خودایا دِگیشلی دَلسینگیز.‏»‏

۱ تیموتاوس 6:13

هِمّه زادا یاشاییش بِریَن خودایینگ حوضوریندا و حاکیم پُنتیوس پیلاتُسینگ اُوونده دینگه قاوی ایقرار اِدِن عیسی مسیحینگ حوضوریندا سانگا شولاری تابشیریارین:‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ یوحنا 2:21

مِن سیزه حاقیقاتی بیلمِیَندیگینگیز اوچین دَل-ده، اُندان باشغا، حاقیقاتی بیلیَندیگینگیز اوچین یازیارین، سِبَبی هیچ بیر یالانینگ حاقیقات بیلِن بیرلیکلیگی یُقدور.‏

۱ یوحنا 3:14

بیز اُزومیزینگ اُلومدِن یاشایشا قاوشاندیغیمیزی بیلیَریس، سِبَبی دُغانلاریمیزی سُییَریس.‏ دُغانینی سُیمِیَن آدام اُلومینگ پِنجِسینده قالیاندیر.‏

۱ یوحنا 3:19

شُندا بیز اُزومیزینگ حاقیقاتا دِگیشلیدیگیمیزی بیلِریس و خودایینگ حوضوریندا بیزینگ وِجدانیمیز آسودا بُلار.‏ اِگِر وِجدانیمیز بیزی مَحکوم اِتسه، خودای اُندان بِییکدیر، اُل هِمّه زادی بیلیَندیر.‏

۱ یوحنا 4:6

بیز بُلسا خودایا دِگیشلیدیریس.‏ کیم خودایی تانییان بُلسا، بیزه قولاق آسار.‏ کیم خودایدان بُلماسا، بیزه قولاق آسماز.‏ حاقیقی روح بیلِن یالان روحی، اینه، بیز شِیدیپ سایلایاریس.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

آیانلیق 1:4

آسیا وِلایاتینداقی یِدی کِلیسایا مِن یوحنادان سالام!‏ اُزال بُلان، حَضیر هِم بار، گِلِجِکده هِم بُلجاق خودایینگ و اُنونگ تاختینینگ اُووندَکی یِدی روحونینگ مِرحِمِتی و پاراحاتلیغی سیزه یار بُلسون!‏

آیانلیق 3:14

‏«‏لائودیکیه‌دَکی کِلیسانینگ پِریشده‌سینه شونی یاز:‏ ‏«‏اِمین و حاقیقی شاهات، خودایینگ یارادانلارینینگ باشی، اَمین دییّپ آدلاندیریلیان شِیله دییَّر:‏