یوحنا 18:11 - مُقادِّس کیتاب

¹¹ عیسی پِطرُسا:‏ ‏«‏قیلیجینگی جایینا سال.‏ آتامینگ مانگا بِرِن عاذاپ کَسه‌سیندِن ایچمَیینمی؟»‏ دییدی.‏

یوحنا 18:11 ပူးပေါင်းရင်းမြစ်များ

مَتّیٰ 20:22

اِمّا عیسی:‏ ‏«‏سیز نَمه دیلِیَنینگیزی بیلمِیَرسینگیز.‏ سیز مِنینگ ایچجِک دِردلی کَسَمدِن ایچیپ بیلِرسینگیزمی؟»‏ دییدی.‏ اُلار عیسی:‏ ‏«‏مونی ایچیپ بیلِریس»‏ دییّپ جُغاپ بِردیلِر.‏

مَتّیٰ 26:39

عیسی بیرآز اُوه یُرِدی-ده، یِره یوزین دوشوپ:‏ ‏«‏اِی آتام، مومکین بُلسا، بو عاذاپ کَسه‌سینی مِندِن داشلاشسین، یُنه مِنینگ خاییشیم دَل، سِنینگ ایسلِگینگ بُلسون!‏»‏ دییّپ، دُغا اِتدی.‏

مَتّیٰ 26:42

عیسی ایکینجی گِزِک گیدیپ، دُغا اِتدی:‏ ‏«‏اِی آتام، مِن ایچمِسِم، بو کَسه‌نینگ گِچمِگی مومکین دَل بُلسا، اُندا سِنینگ ایسلِگینگ بُلسون.‏»‏

لوقا 12:30

بو زاتلارینگ بارینی بو دونیَه‌نینگ آداملاری آغتاریاندیر.‏ آتانگیز بولارینگ هِمّه‌سینینگ سیزه گِرِکدیگینی بیلیَر.‏

لوقا 22:42

‏«‏اِی آتام!‏ اِگِر ایسلِسِنگ، بو عاذاپ کَسه‌سینی مِندِن داشلاشدیر!‏ یُنه مِنینگ خاییشیم دَل، سِنینگ ایسلِگینگ بُلسون!‏»‏ دییّپ، دُغا اِتمَگه دوردی.‏

یوحنا 15:10

مِن آتامینگ حُکوملِرینی بِرجای اِدیپ، اُنونگ سُیگوسینه وِفالی بُلشوم یالی، سیز هِم حُکوملِریمی بِرجای اِتسِنگیز، مِنینگ سُیگیمه وِفالی بُلارسینگیز.‏

یوحنا 17:24

اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

یوحنا 18:36

عیسی اُنگا:‏ ‏«‏مِنینگ پادیشاهلیغیم بو دونیَه‌دِن دَل.‏ اِگِر مِنینگ پادیشاهلیغیم بو دونیَه‌دِن بُلسادی، اُندا خیدماتکَرلِریم مِنی یَهودیلِرینگ اِلینه بِردیرمِجِک بُلوپ اوروشاردیلار.‏ اِمّا مِنینگ پادیشاهلیغیم باشغا یِردِندیر»‏ دییدی.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

۲ قُرِنتُس‌لار 10:4

چونکی بیزینگ جِنگ یاراغلاریمیز اینسان یاراغلاری دَل-ده، خودایینگ گویچلی یاراغلاریدیر.‏ بیز اُلار بیلِن قلعه‌لِری ییقیپ، هِر یالان فیکری پوچا چیقاریاریس.‏

۲ قُرِنتُس‌لار 6:7

حاقیقات سُزی بیلِن و خودایینگ گویجینینگ اوستو بیلِن بِلّی اِدیَریس.‏ تاقوالیق یاراغیمیز بیلِن اُنی هِم ساغ، هِم-ده سُل اِلیمیزده گُتِریَریس.‏

عِبرانیلار 12:2

گِلینگ، گُزومیزی ایمانیمیزینگ چِشمه‌سی و کَمیلِّشدیرییَنچیسی، یَعنی عیسی تیکِیلینگ.‏ اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.‏