یوحنا 17:8 - مُقادِّس کیتاب

⁸ چونکی مانگا آیدان سُزلِرینگی مِن اُلارا یِتیردیم.‏ اُلار سُزلِرینگی قابول اِدیپ، مِنینگ، حاقیقاتدان-دا، سِندِن گِلِندیگیمی بیلدیلِر.‏ مِنی سِنینگ ایبِرِندیگینگه ایمان گِتیردیلِر.‏

یوحنا 17:8 ပူးပေါင်းရင်းမြစ်များ

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

یوحنا 12:49

سِبَبی مِن اُز-اُزومدِن کِپلِمِدیم.‏ مِنی ایبِرِن آتا نَمه آیتمالیدیغیمی، نَهیلی سُزلِمِلیدیگیمی مانگا اُزی تابشیردی.‏

یوحنا 14:10

مِن آتادادیغیما، آتانینگ هِم مِندِدیگینه سِن ایمان گِتیرمِیَرسینگمی؟ سیزه آیدیان سُزلِریمی مِن اُز-اُزومدِن آیتمایارین.‏ تِرسینه، مِنده یاشایان آتام مِنینگ اوستوم بیلِن اُز ایشلِرینی اِدیَر.‏

یوحنا 15:15

موندان بِیلَک مِن سیزه قول دییمِرین، سِبَبی قول آقاسینینگ نَمه اِدیَنینی بیلیَن دَلدیر.‏ مِن سیزه دُست دییَّرین، سِبَبی آتامدان اِشیدِن هِمّه زاتلاریمی سیزه آیتدیم.‏

یوحنا 16:27

چونکی آتامینگ اُزی سیزی سُییَر، سِبَبی سیز مِنی سُیوپ، مِن خودایدان گِلِندیگیمه ایناندینگیز.‏

یوحنا 16:30

سِنینگ هِمّه زاتلاری بیلیَندیگینگه بیز ایندی دوشوندیک.‏ سانگا سُراق بِرمِگینگ گِرِگی یُق.‏ ایندی بیز سِن خودایدان گِلِندیگینگه اینانیاریس»‏ دییدیلِر.‏

یوحنا 17:14

مِن اُلارا سِنینگ سُزلِرینگی یِتیردیم، دونیَه بُلسا اُلاری ییگرِندی.‏ چونکی مِنینگ دونیَه‌دِن بُلمایشیم یالی، اُلار-دا دونیَه‌دِن دَلدیرلِر.‏

یوحنا 17:18

سِنینگ مِنی دونیَه ایبِریشینگ یالی، مِن هِم اُلاری دونیَه ایبِردیم.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

یوحنا 3:17

خودای اُغلونی دونیَه‌دَکیلِری مَحکوم اِتمِک اوچین دَل-ده، اُندان باشغا اُنونگ اوستو بیلِن نِجات تاپسین دییّپ دونیَه ایبِردی.‏

یوحنا 3:33

اِمّا اُنونگ شاهاتلیغینی قابول اِدِن کیشی خودایینگ حاقدیغینی تاصدیقلایاندیر.‏

یوحنا 6:68

شمعون پِطرُس اُنگا:‏ ‏«‏آقام، بیز سِنی تِرک اِدیپ، باشغا کیمه بارایلی؟ اِبِدی یاشاییش سُزلِری دینگه سِنده بار آخیرین.‏

یوحنا 8:42

عیسی اُلارا شِیله دییدی:‏ ‏«‏اِگِر آتانگیز خودای بُلسا، اُندا مِنی سُیِردینگیز، سِبَبی مِن خودایدان گِلدیم، اُز-اُزومدِن گِلمِدیم، مِنی اُل ایبِردی.‏

۱ قُرِنتُس‌لار 11:23

چونکی مِن عیسادان آلان تَعلیماتیمی سیزه تابشیردیم.‏ تانگری عیسی اُزونه خایینلیق اِدیپ توتولان گیجه‌سی اِلینه چُرِک آلیپ، شوکور اِتدی.‏ سُنگرا چُرِگی بُلوپ:‏ ‏«‏بو سیزینگ اوچین بِرلِن بِدِنیمدیر.‏ مونی مِنی یادلاماق اوچین بِرجای اِدینگ»‏ دییدی.‏

۱ قُرِنتُس‌لار 15:1

ایندی بُلسا، اِی عزیزلِر، سیزه واغیظ اِدِن خوش خاباریمی یادلاپ گِچمِکچی.‏ سیز اُنی قابول اِدیپ، اُندا قاییم دورسونگیز.‏

۱ تِسالونیکیلِر 2:13

سیز خودایینگ خوش خابارینی بیزدِن اِشیدیپ قابول اِدِنینگیزده، مونی اینسان سُزی حُکمونده دَل، شِیله بُلسا، حاقیقاتدان-دا، خودایینگقی دییّپ قابول اِتدینگیز.‏ سیز ایماندارلاردا ایشلِیَن سُزدیر.‏ شُنگا گُرَه-ده، بیز سیزینگ اوچین خودایا قاتی کَن شوکور اِدیَریس.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۱ یوحنا 4:14

بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس.‏

آیانلیق 1:1

بو کیتاپ عیسی مسیحینگ بِرِن آیانیلیغیدیر.‏ خودای یاقین واقتدا بُلمالی واقالاری اُز خیدماتکَرلِرینه اَشکَر اِتمِک اوچین، بو آیانیلیغی عیسی مسیحه بِردی و عیسی مسیح هِم اُنی خودایینگ پِریشده‌سینینگ اوستو بیلِن اُز خیدماتکَری یوحنا اَشکَر اِتدی.‏