یوحنا 17:26 - مُقادِّس کیتاب

²⁶ مانگا بُلان سُیگینگ اُلاردا-دا بُلسون، مِن هِم اُلاردا بُلایین دییّپ، سِنینگ آدینگی اُلارا تانیتدیم و تانیتماغی دُوام اِدِرین.‏»‏

یوحنا 17:26 ပူးပေါင်းရင်းမြစ်များ

یوحنا 14:20

شُل گون مِن آتامدادیغیما، سیز مِندِدیگینگیزه و مِن هِم سیزدِدیگیمه گُز یِتیرِرسینگیز.‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 15:15

موندان بِیلَک مِن سیزه قول دییمِرین، سِبَبی قول آقاسینینگ نَمه اِدیَنینی بیلیَن دَلدیر.‏ مِن سیزه دُست دییَّرین، سِبَبی آتامدان اِشیدِن هِمّه زاتلاریمی سیزه آیتدیم.‏

یوحنا 15:4

مِنده یاشانگ، مِن هِم سیزده یاشایین.‏ اوزوم باغیندان آیریلان شاخا اُز-اُزوندِن میوه بِریپ بیلمِیشی یالی، مِندِن آیریلسانگیز، سیز هِم میوه بِریپ بیلمِرسینگیز.‏

یوحنا 15:9

آتامینگ مِنی سُیشی یالی، مِن-ده سیزی سُیدوم.‏ مِنینگ سُیگیمده قالینگ.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 17:6

‏«‏دونیَه‌دِن اُزومه بِرِن آداملارینگا سِنینگ آدینگی آیان اِتدیم.‏ اُلار سِنینگکیدی و سِن اُلاری مانگا بِردینگ، اُلار سِنینگ سُزونگی بِرجای اِتدیلِر.‏

یوحنا 17:8

چونکی مانگا آیدان سُزلِرینگی مِن اُلارا یِتیردیم.‏ اُلار سُزلِرینگی قابول اِدیپ، مِنینگ، حاقیقاتدان-دا، سِندِن گِلِندیگیمی بیلدیلِر.‏ مِنی سِنینگ ایبِرِندیگینگه ایمان گِتیردیلِر.‏

یوحنا 6:56

مِنینگ بِدِنیمی اییّپ، قانیمی ایچیَن مِنده یاشار، مِن هِم اُندا.‏

یوحنا 8:50

مِن اُزومه بِییکلیک آغتارمایارین، اِمّا مونی آغتاریان و حُکوم چیقاریان بیری بار.‏

رومیلار 8:10

اِگِر عیسی مسیح قالبینگیزدا مِسکِن توتان بُلسا، اُندا گونَه سِبَپلی اُلمِلی بُلسانگیز-دا، روح سیزه یاشاییش بِرِر، سِبَبی سیز خودایینگ حوضوریندا آقلانانسینگیز.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

۱ قُرِنتُس‌لار 12:12

بِدِن بیر بُلسا-دا، ‌اعضالاری کَندیر.‏ ‌اعضالاری کَن بُلسا-دا، اُلار هِمّه‌سی بیر بِدِنی عِمِله گِتیریَرلِر.‏ مسیح باباتدا هِم شِیلِدیر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

اِفِسُسلار 1:6

عزیز اُغلونینگ اوستو بیلِن بیزه بُلدان-بُل اِلی آچیق بِییک مِرحِمِتی اوچین خودایا اُوگولِر بُلسون!‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 5:30

سِبَبی بیز مسیحینگ بِدِنینینگ بُلوملِریدیریس.‏

اِفِسُسلار 5:32

بو سیر قاتی اولودیر، یُنه مِن موندا مسیح و کِلیسا بارادا گورّونگ اِدیَرین.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 2:10

سیز هِم هِر بیر گویجونگ و ایختییارلیغینگ باشی بُلان مسیحده کِمالّیغا قاووشدینگیز.‏

کولُسیلِر 3:11

بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

عِبرانیلار 2:12

اُل خودایا شِیله دییَّر:‏ ‏«‏سِنینگ آدینگی دُغانلاریما و آیال دُغانلاریما آیدارین، و جِماغاتینگ اُرتاسیندا سانگا اُوگی دییِرین.‏»‏

۱ یوحنا 3:24

خودایینگ حُکوملِرینی بِرجای اِدیَن آدام خودای بیلِن، خودای هِم اُنونگ بیلِن یاشایاندیر.‏ خودایینگ بیزینگ بیلِن یاشایاندیغینی اُنونگ هِر بیریمیزه بِرِن روحوندان بیلیَریس.‏