یوحنا 17:24 - مُقادِّس کیتاب

²⁴ اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

یوحنا 17:24 ပူးပေါင်းရင်းမြစ်များ

مَتّیٰ 25:21

آقاسی اُنگا:‏ ‏”‏بِرِکِلّا، یاخشی هِم صادیق خیدماتکَر!‏ سِن کیچیجیک ایشده صادیق بُلانینگ اوچین، ایندی بِییک ایشلِرده هِم سانگا اینانارین.‏ گِل، آقانگ شاتلیغینا اُرتاق بُل!‏“‏ دییَّر.‏

مَتّیٰ 25:23

آقاسی اُنگا:‏ ‏”‏بِرِکِلّا، یاخشی و صادیق خیدماتکَر!‏ سِن کیچیجیک ایشده صادیقلیغینگی گُرکِزدینگ، ایندی مِن سِنی بِییک ایشلِرینگ باشینا قُیارین.‏ گِل، آقانگ شاتلیغینا اُرتاق بُل!‏“‏ دییَّر.‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

مَتّیٰ 26:29

سیزه شونی آیدایین:‏ آتامینگ پادیشاهلیغیندا تَزه‌سینی ایچجِک گونومه چِنلی اوزوم شِرابینی قایتادان ایچمِرین»‏ دییدی.‏

لوقا 12:37

آقاسی اُوریلیپ گِلِنده، اُنونگ اُیا گُرجِک خیدماتکَرلِری نَهیلی خوشواقتدیر!‏ سیزه دُغروسینی آیدیارین، آقاسی بیلینی قوشاپ، خیدماتکَرلِرینی ساچاق باشیندا اُتوردار.‏ یانینا گِلیپ، اُلارا اُزی خیدمات اِدِر.‏

لوقا 23:43

عیسی هِم اُنگا:‏ ‏«‏سانگا دُغروسینی آیدیارین، سِن شو گون مِنینگ بیلِن بیله جِنِّتده بُلارسینگ»‏ دییدی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 12:26

کیم مانگا خیدمات اِتمِک ایسلِیَن بُلسا، ایزیما دوشسین.‏ مِن نیرِده بُلسام، مِنینگ خیدماتکَریم-ده شُل یِرده بُلار.‏ مانگا خیدمات اِدِن آدامی آتام حُرماتلار.‏

یوحنا 14:3

گیدیپ، سیزینگ اوچین یِر تاییار اِدِنیمدِن سُنگرا، یِنه گِلیپ، سیزی اُز یانیما آلیپ گیدِرین.‏ مِنینگ بُلیان یِریمده سیز هِم بُلارسینگیز.‏

یوحنا 15:9

آتامینگ مِنی سُیشی یالی، مِن-ده سیزی سُیدوم.‏ مِنینگ سُیگیمده قالینگ.‏

یوحنا 17:2

سِن اُغلا هِمّه اینسانلارینگ اوستوندِن ایختییار بِردینگ.‏ دِگمه، اُغول هِم سِنینگ اُنگا تابشیران هِمّه اینسانلارینگا اِبِدی یاشاییش بِرسین.‏

یوحنا 17:22

مانگا بِرِن بِییکلینگی اُلارا-دا بِردیم.‏ بیزینگ بیر بُلشومیز یالی، اُلار-دا بیر بُلسون.‏

یوحنا 17:5

اِی آتام، دونیَه دُرِمِزدِن اُوال هِم مِن سِنینگ یانینگداقام بِییکلیگیم باردی.‏ ایندی شُل بِییکلیک بیلِن مِنی یِنه-ده اُز حوضورینگدا بِییکلِندیر.‏

یوحنا 6:37

آتامینگ مانگا بِرِن آداملارینینگ باری مِنینگ یانیما گِلِر، مِن اُز یانیما گِلِنلِری آصلا کُومارین.‏

یوحنا 6:39

مِنی ایبِرِنینگ ایسلِگی بُلسا، اُنونگ اُزومه بِرِنلِرینینگ هیچ بیرینی ییتیرمَن، اُلاری آخیرات گون قایتادان دیرِلتمِگیمدیر.‏

یوحنا 8:58

عیسی اُلارا:‏ ‏«‏سیزه دُغروسینی آیدیارین، ابراهیم دُغولمازیندان اُنگ مِن باردیرین»‏ دییدی.‏

۱ قُرِنتُس‌لار 13:12

حَضیر هِمّه زادی توتوق آینادان گُریَن یالی گُریَریس.‏ اِمّا سُنگرا هِمّه زادی یوزبه-یوز گُرِریس.‏ مِن حَضیر آزاجیق بیلیَرین، یُنه شُندا خودایینگ مِنی کَمیل تانیشی یالی کَمیل تانییارین.‏

۲ قُرِنتُس‌لار 3:18

بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس.‏ خودایینگ روحی هِمَّه‌میزی گیتدیگیچه نورلاندیریپ، بیزی اُز صوراتینا اویتگِدیَر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

۲ قُرِنتُس‌لار 5:8

هاووا، بیز شِیله خاطیرجِمدیریس.‏ بیز مسیحینگ یانیندا مِسکِن توتوپ بیلِریمیز یالی، بِدِندِن آیریلانیمیزی قاوی گُریَریس.‏

فیلیپیلِر 1:23

مِن ایکی داغینگ آراسیندا قالدیم:‏ مِن دونیَه‌دِن وافات اِدیپ، مسیحینگ یانیندا بُلماق ایسلِیَرین.‏ بو خاص قاویدیر.‏

۱ تِسالونیکیلِر 4:17

سُنگرا بُلسا بیز، یَعنی دیریلِر، اُلار بیلِن بیله مسیحی آسماندا قارشیلاماق اوچین، بولوتلار ایچینده آلنیپ گُتِریلِریس و هِمیشه مسیح بیلِن بُلاریس.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏

آیانلیق 21:22

مِن بو شَهرده عیباداتخانا گُرمِدیم.‏ چونکی قودراتلی-گویچلی خودای و قوزی شَهرینگ عیباداتخاناسیدیر.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏