یوحنا 17:11 - مُقادِّس کیتاب

¹¹ مِن بو دونیَه‌ده موندان کَن قالمارین، اِمّا اُلار هِنیز دونیَه‌دِدیرلِر.‏ مِن سِنینگ یانینگا دُلانیپ باریارین.‏ اِی مُقادِّس آتام، مانگا بِرِن آداملارینگی اُز قودراتلی گویجونگ بیلِن قُرا.‏ مانگا-دا شُل گویجی سِن بِردینگ.‏ شُندا اُلار هِم بیزینگ یالی بیر بُلسونلار.‏

یوحنا 17:11 ပူးပေါင်းရင်းမြစ်များ

مَتّیٰ 10:16

‏«‏سِراِدینگ، مِن سیزی قورتلارینگ آراسینا قُیونلار یالی یُلّایارین.‏ شُنونگ اوچین ییلان یالی زِرِنگ، کِپدِری کیمین سادا بُلونگ.‏

مَتّیٰ 5:48

شِیلِلیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏

مَتّیٰ 6:9

شُنونگ اوچین، شِیله دُغا اِدینگ:‏ اِی آسمانداقی آتامیز!‏ آدینگ مُقادِّس بُلسون!‏

یوحنا 13:1

پِسَح بایرامی یاقینلادی.‏ عیسی بو دونیَه‌دِن آیریلیپ، آتاسینینگ یانینا گیتمِلی ساغادینینگ گِلِندیگینی بیلیَردی.‏ عیسی بو دونیَه‌ده اُزونینگکیلِری هِمیشه سُیدی، اُلاری آخیرقی گونه چِنلی سُیدی.‏

یوحنا 13:3

عیسی آتاسینینگ هِمّه زادی اُز ایختییارینا بِرِندیگینی، اُزونینگ خودایدان گِلیپ، خودایا گیتجِکدیگینی بیلیَردی.‏

یوحنا 14:20

شُل گون مِن آتامدادیغیما، سیز مِندِدیگینگیزه و مِن هِم سیزدِدیگیمه گُز یِتیرِرسینگیز.‏

یوحنا 16:28

مِن آتامینگ یانیندان قایدیپ، دونیَه گِلدیم.‏ ایندی بُلسا دونیَه‌نی تِرک اِدیپ، آتامینگ یانینا باریارین.‏»‏

یوحنا 16:33

بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 17:25

‏«‏اِی عادالاتلی آتا، دونیَه سِنی تانیمییار، اِمّا مِن سِنی تانییارین.‏ بو آداملار هِم مِنی سِنینگ ایبِرِندیگینگی بیلیَرلِر.‏

یوحنا 17:6

‏«‏دونیَه‌دِن اُزومه بِرِن آداملارینگا سِنینگ آدینگی آیان اِتدیم.‏ اُلار سِنینگکیدی و سِن اُلاری مانگا بِردینگ، اُلار سِنینگ سُزونگی بِرجای اِتدیلِر.‏

یوحنا 7:33

عیسی:‏ ‏«‏مِن یِنه آز سالیم سیزینگ یانینگیزدا بُلوپ، سُنگرا اُزومی ایبِرِنینگ یانینا گیدِرین.‏

رِسول‍لار 3:21

خودایینگ اُز مُقادِّس پیغامبارلارینگ اوستو بیلِن اُوالدان سُز بِرشی یالی، هِمّه زادی تَزه‌لِمِگینگ واقتی گِلِر.‏ اِمّا شُل واقت گِلیَنچَه، عیسانینگ آسماندا قالماغی گِرِک.‏

رومیلار 12:5

بیز باباتدا هِم شِیله:‏ کَن بُلساق-دا، مسیحینگ اوستو بیلِن بیر بِدِندیریس، اُنونگ ‌اعضالاری حُکمونده بیری-بیریمیزه باغلیدیریس.‏

رومیلار 9:17

خودای مُقادِّس یازغیلاردا مصرینگ فِرعونینا:‏ ‏«‏مِن اُز گویجومی سِنده گُرکِزیپ، آدیمی هِمّه دونیَه اِعلان اِتمِک ماقصادی بیلِن سِنی پادیشاه اِتدیم»‏ دییّپ آیدیپدی.‏

۱ قُرِنتُس‌لار 1:10

اِی عزیزلِر، مِن سیزه تانگریمیز عیسی مسیحینگ آدیندان یالباریارین:‏ بیری-بیرینگیز بیلِن راضیلاشیقلی بُلونگ.‏ آرانگیزدا بُلونیشیکلِره یُل بِرمَنگ، فیکرلِرینگیز و ایسلِگلِرینگیز بیر بُلسون.‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

فیلیپیلِر 2:9

شُنگا گُرَه خودای اُنی خاص بِیگِلتدی:‏ اُنگا هِمّه آددان اوستون بیر آدی بِردی،

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 9:24

چونکی مسیح اینسان اِلی بیلِن بِجِرلِن و یُنه بیر گُرنوشی بُلان اینگ مُقادِّس اُتاقا گیرمِدی.‏ اُل بیزینگ اوچین شو واقت خودایینگ حوضوریندا حَضیر بُلوپ، آسمانداقی مُقادِّس اُتاقا گیردی.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

۱ پِطرُس 1:5

سیز ایمانینگیزینگ اوستو بیلِن خودایینگ قودراتی بیلِن تا نِجات تاپیانچانگیز قُریلیانسینگیز.‏ بو نِجات آخیرقی گونلِرده آیان بُلماغا تاییاردیر.‏

۱ یوحنا 3:12

شِیطانا دِگیشلی بُلوپ، اُز دُغانی هابیلی اُلدورِن قابیل یالی بُلمایلینگ.‏ قابیل اُنی نَمه اوچین اُلدوردی؟ سِبَبی اُز اِدِن ایشلِری تِلِکه‌لیکدی، دُغانینینگقی بُلسا دُغرودی.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

یهودا 1:1

عیسی مسیحینگ خیدماتکَری و یعقوبینگ دُغانی بُلان مِن یهودادان خودایینگ خالقی بُلماغا چاغیریلانلارا دُغایی سالام!‏ بو نامه‌نی آتامیز خودای طارافیندان سُیلوپ، عیسی مسیحینگ اوستو بیلِن قُریلیان سیزه یازیپ یُلّایارین.‏

یهودا 1:24

ایماندا بودریمِز یالی، خودای سیزی قُریماغی و شاتلیقدان دُلدوریپ، اُز اولی و بِییک حوضورینا سیزی عایپسیز گِتیرمِگی باشاریاندیر.‏

آیانلیق 15:4

اِی خودای، سِندِن قُرقماجاق و آدینی بِییکلِندیرمِجِک بارمی نَمه؟ چونکی مُقادِّس یِکِجه سِنسینگ!‏ هِمّه میلِّتلِر حوضورینگا گِلِرلِر و سانگا عیبادات اِدِرلِر.‏ چونکی عادالاتلی ایشلِرینگ آیان بُلدی.‏»‏

آیانلیق 19:12

اُنونگ گُزلِری اُد یالی یانیاردی، باشیندا هِم بیرتُپار تاجی باردی.‏ اُنگا بیر آد یازیلیپدی، یُنه بو آدی اُزوندِن باشغا هیچ کیم بیلیَن دَلدیر.‏

آیانلیق 4:8

بو دُرت جانلی جاندارلارینگ هِر بیرینینگ آلتی قاناتی باردی.‏ اُلارینگ هِمّه یِری، حتّیٰ قاناتلارینینگ آشاغی-دا گُزلِردِن دُس-دُلودی.‏ اُلار گیجه-گوندیز ایزینی اوزمَن:‏ ‏«‏قودراتلی-گویچلی تانگری خودای مُقادِّس، مُقادِّس، مُقادِّسدیر، اُل اُزال باردی و حَضیر هِم بار و گِلِجِکده هِم بُلجاقدیر»‏، دییّپ قایتالایارلار.‏