یوحنا 14:6 - مُقادِّس کیتاب

⁶ عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 14:6 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 1:17

چونکی شِریغات موسانینگ اوستو بیلِن بِریلدی، اِمّا مِرحِمِت و حاقیقات بُلسا عیسی مسیحینگ اوستو بیلِن گُروندی.‏

یوحنا 1:4

سُزده یاشاییش باردیر، بو یاشاییش اینسانلارینگ نوری بُلدی.‏

یوحنا 10:28

مِن اُلارا اِبِدی یاشاییش بِریَرین.‏ اُلار آصلا هِلَک بُلماز، هیچ کیم اُلاری مِنینگ اِلیمدِن قاقیپ آلماز.‏

یوحنا 10:7

عیسی یِنه-ده اُلارا شِیله دییدی:‏ ‏«‏مِن سیزه دُغروسینی آیدیارین، قُیون آخُرینگ قاپیسی مِندیرین.‏

یوحنا 10:9

قاپی مِندیرین.‏ کیم مِندِن گیرسه، نِجات تاپار.‏ اُل گیریپ-چیقیپ، اُزونه اُتلیق تاپار.‏

یوحنا 14:19

آز سالیمدان سُنگ دونیَه مِنی گُرمِز، اِمّا سیز گُرِرسینگیز.‏ مِنینگ یاشایاندیغیم اوچین، سیز-ده یاشارسینگیز.‏

یوحنا 15:1

‏«‏مِن حاقیقی اوزوم باغیدیرین و آتام باغباندیر.‏

یوحنا 18:37

پیلاتُس اُنگا:‏ ‏«‏دییمِک، سِن پادیشاه-دا؟»‏ دییدی.‏ عیسی اُنگا:‏ ‏«‏پادیشاهدیغیمی اُزونگ آیدیپ دورسونگ.‏ مِن حاقیقاتا شاهاتلیق اِتمِک اوچین دُغدیم، شُنونگ اوچین هِم دونیَه گِلدیم.‏ حاقیقاتینگ طارافداری بُلان هِر بیر آدام مانگا قولاق آسار»‏ دییّپ جُغاپ بِردی.‏

یوحنا 5:21

آتانینگ اُلولِری دیرِلدیشی یالی، اُغول-دا ایسلَن آدامی دیرِلدِر.‏

یوحنا 6:33

چونکی خودایینگ چُرِگی آسماندان اینیپ، دونیَه یاشاییش بِریَندیر»‏ دییدی.‏

یوحنا 6:51

آسماندان اینِن دیری چُرِک مِندیرین.‏ موندان اییِن آدام اِبِدی یاشار.‏ دونیَه‌نینگ یاشایشی اوچین بِرجِک چُرِگیم مِنینگ اُز بِدِنیمدیر.‏»‏

یوحنا 6:57

مِنی دیری آتا ایبِردی و مِن اُنونگ اوستو بیلِن یاشایارین.‏ اِدیل شونونگ یالی، مِندِن اییمیتلِنیَن-ده مِنینگ اوستوم بیلِن یاشار.‏

یوحنا 6:68

شمعون پِطرُس اُنگا:‏ ‏«‏آقام، بیز سِنی تِرک اِدیپ، باشغا کیمه بارایلی؟ اِبِدی یاشاییش سُزلِری دینگه سِنده بار آخیرین.‏

یوحنا 8:32

سیز حاقیقاتی بیلِرسینگیز، حاقیقات-دا سیزی آزاد اِدِر»‏ دییدی.‏

یوحنا 8:51

مِن سیزه دُغروسینی آیدیارین، مِنینگ سُزومی ساقلایان آدام آصلا اُلوم قاراسینی گُرمِز»‏ دییدی.‏

رِسول‍لار 3:15

سیز یاشاییش باشچِشمِسینی اُلدوردینگیز، اِمّا خودای اُنی دیرِلتدی.‏ بیز مونگا شاهاتدیریس.‏

رِسول‍لار 4:12

اُندان باشغا نِجات بِرجِک یُقدور.‏ اُنونگ آدی هِمّه عالِمده آدامزادی نِجات بِریپ بیلیَن یِکه آددیر.‏»‏

رِسول‍لار 9:2

اُندان دمشق‌دَکی کِنیسه‌لِر اوچین نامه یازیپ بِرمِگینی خاییش اِتدی.‏ اُل یِرده عیسانینگ یُلونا دوشیَنلِری آیال-اِرکِک دییمَن، کیمی تاپسا، اِل-آیاغینی باغلاپ، اورشلیمه گِتیرمَگه اِجازا ایسلِدی.‏

رومیلار 15:16

مِنی عیسی مسیحینگ خیدماتکَری حُکمونده یَهودی دَل‍لِرینگ آراسینا ایبِردی.‏ مِن اُلارا خوش خاباری واغیظ اِدیپ، اُز کاهینلیق بِرگیمی بِرجای اِدیَرین.‏ شِیدیپ، بو میلِّتلِر مُقادِّس روحونگ اوستو بیلِن خودایینگ مُقادِّس اِدیلِن و اُنونگ حالایان صاداقاسی بُلار.‏

رومیلار 5:2

عیسی مسیح بیزه خودایینگ مِرحِمِتینینگ قاپیسینی آچیپ بِردی.‏ بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس.‏

رومیلار 5:21

اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر.‏ شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.‏

۱ قُرِنتُس‌لار 15:45

چونکی مُقادِّس یازغیلاردا شِیله یازیلاندیر:‏ ‏«‏اَوَّلکی اینسان، یَعنی آدام، جانلی یاشایان بُلدی»‏.‏ آخیرقی آدام، یَعنی عیسی، یاشاییش بِریَن روح بُلدی.‏

اِفِسُسلار 2:18

ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس.‏

کولُسیلِر 2:17

بولار گِلجِکّی زاتلارینگ کُلِگه‌سیدی، اِمّا حاقیقات مسیحینگ اُزونده تاپیلیار.‏

کولُسیلِر 2:9

چونکی خودایینگ کَمیلّیگی بیر بِدِن کیمین مسیحده یاشایار.‏

کولُسیلِر 3:4

مسیح سیزینگ یاشاییشینگیزدیر.‏ اُل آیان بُلاندا، سیز هِم اُنونگ بیلِن بیله بِییکلیکدَه آیان بُلارسینگیز.‏

عِبرانیلار 7:25

شِیلِلیکده، عیسی اُزونینگ اوستو بیلِن خودایا گِلیَنلِری اِبِدیلیک نِجات بِرمِگی باشاریاندیر.‏ چونکی اُلار اوچین هِمیشه خودایا تُوِلّا اِدیَر.‏

عِبرانیلار 9:8

بو تِرتیبلِرینگ اوستو بیلِن مُقادِّس روح شونی گُرکِزیَر:‏ چادیرینگ بیرینجی اُتاقی بارقا، اینگ مُقادِّس اُتاقا آصلا گیریپ بُلماز.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

۱ پِطرُس 2:4

اینسانلار طارافیندان رِد اِدیلِن، اِمّا خودایینگ ناظاریندا سایلانان و قیماتلی حاساپلانان دیری داشا، یَعنی عیسی مسیحه یاقینلاشیارسینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 1:8

اِگِر گونَه‌میز یُق دییسِک، اُندا بیز اُزومیزی آلدایاندیریس و بیزده حاقیقات یُقدور.‏

۱ یوحنا 2:23

اُغلی اینکَر اِدیَن آدامدا آتا هِم یُقدور.‏ اِمّا اُغلی ایقرار اِدیَن آدامدا آتا هِم باردیر.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

۱ یوحنا 5:6

سو و قانینگ اوستو بیلِن گِلِن عیسی مسیحدیر.‏ اُل دینگه بیر سووونگ اوستو بیلِن دَل-ده، سو هِم قانینگ اوستو بیلِن گِلِندیر.‏ مُقادِّس روح مونگا شاهاتدیر و اُنونگ شاهاتلیغی حاقیقاتدیر.‏

۲ یوحنا 1:9

تِرس یُلا دوشوپ، مسیح حاقدَکی تَعلیماتدان داشلاشان آدامدا خودای یُقدور.‏ اِمّا بو تَعلیماتا گُرَه یاشایان آدامدا هِم آتا-دا، هِم اُغول-دا باردیر.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 19:11

سُنگرا مِن آچیلان آسمانی و اُل یِرده دوران بیر آق آتی گُردوم.‏ آتا مینیپ اُتوران اِمین و حاقلی دییّپ آدلاندیریلیاردی.‏ اُل عادیل حُکوم چیقاریاندیر و عادالاتلی جِنگ اِدیَندیر.‏

آیانلیق 20:15

آدلاری یاشاییش دِفتِرینه یازیلمادیقلارینگ هِمّه‌سی یانیپ دوران دِریاچا زینگیلدی.‏

آیانلیق 22:1

سُنگرا پِریشده مانگا بُلور یالی ییلدارایان آرنانی گُرکِزدی.‏ بو آرنادا یاشاییش سووی آقیاردی و خودایینگ و قوزینینگ تاختیندان چیقیپ دُکولیَردی.‏

آیانلیق 22:17

مُقادِّس روح و گِلین ‏«‏گِل!‏»‏ دییَّرلِر.‏ اِشیدیَن هِر کِس هِم ‏«‏گِل!‏»‏ دییسین.‏ سوسان گِلسین.‏ کیم اُز تِشنه‌لیگینی دُیدورماق ایسلِسه، قُی، یاشاییش سوووندان مُفت ایچسین!‏

آیانلیق 3:14

‏«‏لائودیکیه‌دَکی کِلیسانینگ پِریشده‌سینه شونی یاز:‏ ‏«‏اِمین و حاقیقی شاهات، خودایینگ یارادانلارینینگ باشی، اَمین دییّپ آدلاندیریلیان شِیله دییَّر:‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏