یوحنا 14:30 - مُقادِّس کیتاب

³⁰ مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

یوحنا 14:30 ပူးပေါင်းရင်းမြစ်များ

لوقا 1:35

پِریشده اُنگا:‏ ‏«‏مُقادِّس روح سِنینگ اوستونگه اینِر، بِییک خودایینگ قودراتی سِنینگ اوستونگه کُلِگه سالار.‏ شُنونگ اوچین هِم دُغجاق چاغا مُقادِّس ساییلانار، اُنگا خودایینگ اُغلی دییلِر.‏

لوقا 22:53

مِن هِر گون سیزینگ بیلِن بیرلیکده عیباداتخاناداقام، مِنی توتماندینگیز.‏ اِمّا ایندی بو واقت سیزینگکیدیر، قارانگقیلیغینگ حُکوم سوریَن ساغاتیدیر»‏ دییدی.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

رِسول‍لار 1:3

عیسی عاذاپ چِکیپ اُلِندِن سُنگ، بیرنَچه ایناندیریجی دِلیل‍لِر بیلِن رِسول‍لارا دیرِلِندیگینی اَشکَر اِتدی.‏ اُل قیرق گونونگ دُوامیندا اُلارا گُرنوپ، خودایینگ پادیشاهلیغی بارادا گورّونگ بِردی.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

اِفِسُسلار 6:12

سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏

کولُسیلِر 1:13

اُل بیزی قارانگقیلیق حُکومدارلیغیندان آزاد اِدیپ، اُز سُیگولی اُغلونینگ پادیشاهلیغینا گِتیردی،

عِبرانیلار 4:15

باش کاهینمیز آصلا گونَه اِتمِدیک هِم بُلسا، اِدیل بیز یالی هِمّه طارافدان وِسوِسه‌لِره سالنیپدی.‏ شُنونگ اوچین هِم اُل بیزینگ اِجیزلیکلِریمیزه دوشونیَر.‏

عِبرانیلار 7:26

بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی.‏ اُل گونَه‌کَرلِردِن آیریلیپ و آسماندان هِم یُقاری گُتِریلِندیر.‏

۱ پِطرُس 1:19

تِرسینه، خودایینگ عایپسیز هِم پَک قربانلیق قوزوسی بُلان مسیحینگ قیماتلی قانینینگ اوستو بیلِن نِجات تاپاندیرسینگیز.‏

۱ پِطرُس 2:22

‏«‏اُل هیچ هیلی گونَه اِتمِدی، آغزیندان هیچ بیر مِکرلی سُز چیقمادی»‏.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

۱ یوحنا 5:18

بیز خودایینگ فِرزِنتلِرینینگ گونَه اِتمِیَندیگینی بیلیَریس.‏ خودایینگ اُغلی اُلاری قُرییاندیر، شِیطان اُلارا اِل اورماز.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏