یوحنا 12:25 - مُقادِّس کیتاب

²⁵ جانینی سُییَن اُنی ییتیریَندیر، اِمّا بو دونیَه‌ده کیم جانینی ییگرِنیَن بُلسا، اُنی اِبِدی یاشاییش اوچین ساقلایاندیر.‏

یوحنا 12:25 ပူးပေါင်းရင်းမြစ်များ

مَتّیٰ 10:39

هِر کیم جانینی قُران اُنی ییتیرِر.‏ مِنینگ اوچین جانینی ییتیرِن اُنی قُرار.‏

مَتّیٰ 16:25

هِر کیم جانینی نِجات بِرمِک ایسلِیَن، اُنی ییتیرِر، اِمّا کیم جانینی مِنینگ اوچین ییتیرسه، اُنی نِجات بِرِر.‏

مَتّیٰ 19:29

هِر کیم مِنینگ خاطیرام اوچین اُیلِرینی، دُغانلارینی، آیال دُغانلارینی، آتاسینی، اِنه‌سینی، اُغلان-اوشاقلارینی، مال مولکلِرینی تِرک اِدِن ایزینا یوز بِرابار اِدیپ قایتاریپ آلار.‏ اُلار اِبِدی یاشایشینگ میراثچیسی بُلارلار.‏

مَرقُس 8:35

هِر کیم جانینی نِجات بِرمِک ایسلِیَن، اُنی ییتیرِر، اِمّا کیم جانینی مِنینگ و خوش خابارینگ خاطیری اوچین ییتیرسه، اُنی نِجات بِرِر.‏

لوقا 14:26

‏«‏کیم مِنینگ یانیما گِلیپ، آتاسینی، اِنه‌سینی، آیالینی، اُغلانلارینی، دُغانینی، آیال دُغانینی و حتّیٰ اُز جانینی هِم ییگرِنمِسه، مِنینگ شَگیردیم بُلوپ بیلمِز.‏

لوقا 17:33

هِر کیم جانینی ساقلاماغا چالیشسا، اُنی ییتیرِر، هِر کیم جانینی ییتیرسه، اُنی آمان ساقلار.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

رِسول‍لار 21:13

پولس:‏ ‏«‏نَمه اوچین آغلاشیپ، مِنینگ یورِگیمی آغیردیارسینگیز؟ مِن اورشلیمده دینگه اِل-آیاغیمینگ باغلانماغینا دَل، اُندا، تانگریمیز عیسانینگ آدی اوچین اُلمَگه-ده تاییار»‏ دییّپ جُغاپ بِردی.‏

عِبرانیلار 11:35

آیال‍لار اُلِن یاقینلارینی دیرِلِن حالدا ایزینا آلدیلار.‏ کَبیرلِری بُلسا دیرِلیشدِن سُنگ قاوی یاشایشا قاووشماق اوچین، آزاد بُلماغی قابول اِتمَن، عاذاپ و زِجیره جیدادیلار.‏

آیانلیق 12:11

اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏