یوحنا 10:30 - مُقادِّس کیتاب

³⁰ مِن و آتام بیردیریس»‏ دییّپ جُغاپ بِردی.‏

یوحنا 10:30 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

مَتّیٰ 28:19

شُنونگ اوچین هِم گیدینگ-ده، هِمّه میلِّتلِری مِنینگ شَگیردیم اِدینگ، اُلاری آتا، اُغول و مُقادِّس روحونگ آدیندان تَعمید بِرینگ.‏

یوحنا 10:29

اُلاری مانگا بِرِن آتام هِمّه‌دِن بِییکدیر.‏ آتامینگ اِلیندِن اُلاری هیچ کیم آلیپ بیلمِز.‏

یوحنا 10:36

اُندا نَمه مِنی خودایینگ اُغلی دییِنیم اوچین کُفر آیدیان حاساپلایارسینگیز؟ مِنی بُلسا آتام اُزی اوچین سایلاپ-سِچیپ، دونیَه ایبِردی.‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 14:9

عیسی اُنگا شِیله دییدی:‏ ‏«‏اِی فیلیپُس، مِن سیزینگ بیلِن شِیله کَن واقت بُلسام-دا، مِنی تانیمادینگمی؟ مِنی گُرِن آتانی-دا گُرِندیر.‏ سِنینگ ‏”‏آتانی بیزه گُرکِز“‏ دییمَنگ نَمه؟

یوحنا 16:15

آتامینگ هِمّه زاتلاری مِنینگکیدیر.‏ شُنونگ اوچین مِندِن اِشیدِن زاتلارینی سیزه اَشکَر اِدِر دییدیم.‏

یوحنا 17:10

مِنینگ هِمّه زادیم سِنینگکیدیر، سِنینگکی-ده مِنینگکیدیر، مِن اُلارینگ اوستو بیلِن بِییکلِندیم.‏

یوحنا 5:17

اِمّا عیسی اُلارا:‏ ‏«‏مِنینگ آتام شو گونه چِنلی ایشلَپ گِلیَر، مِن هِم ایشلِیَرین»‏ دییّپ جُغاپ بِردی.‏

یوحنا 5:23

شِیلِلیکده، آتا حُرمات قُییانلار اُغلا-دا حُرمات قُیمالی بُلارلار.‏ اُغلا حُرمات قُیمایان آدام اُنی ایبِرِن آتا-دا حُرمات قُییان دَلدیر.‏

یوحنا 8:58

عیسی اُلارا:‏ ‏«‏سیزه دُغروسینی آیدیارین، ابراهیم دُغولمازیندان اُنگ مِن باردیرین»‏ دییدی.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

تیتوس 2:13

بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

۱ یوحنا 5:7

شِیلِلیکده، اوچ شاهاتلیق بار:‏