یوحنا 1:33 - مُقادِّس کیتاب

³³ شُل واقت مِن اُنونگ کیمدیگینی تانیمییاردیم، اِمّا آداملاری سووا تَعمید بِرجِک اوچین مِنی ایبِرِن:‏ ‏”‏مُقادِّس روحونگ کیمینگ اوستونه اینِنینی گُرسِنگ، آداملاری مُقادِّس روحا تَعمید بِرجِک شُلدور“‏ دییدی.‏

یوحنا 1:33 ပူးပေါင်းရင်းမြစ်များ

مَتّیٰ 3:11

توبا اِدِندیگینگیزینگ نیشانی حُکمونده مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر.‏ مِن اُنونگ کُووشلِرینی گُتِرمَگه-ده میناسیپ دَلدیرین.‏ اُل سیزی مُقادِّس روحا هِم-ده اُدا تَعمید بِرِر.‏

لوقا 3:16

یحیی اُلارا:‏ ‏«‏مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر.‏ مِن اُنونگ کُووشینینگ باغینی چُزمَگه-ده میناسیپ دَلدیرین.‏ اُل سیزی مُقادِّس روحا هِم-ده اُدا تَعمید بِرِر.‏

یوحنا 1:31

باشدا مِن هِم اُنونگ کیمدیگینی تانیمییاردیم، اِمّا مِنینگ آداملاری سووا تَعمید بِرمَگه گِلمِگیمینگ ماقصادی اُنی اسرائیل خالقینا تانیتماقدیر.‏»‏

یوحنا 14:26

آتانینگ مِنینگ آدیمدان ایبِرجِک حِمایاتچیسی، یَعنی مُقادِّس روح سیزه هِمّه زادی اُورِدِر.‏ مِنینگ سیزه آیدان هِمّه سُزلِریمی یادینگیزا سالار.‏

یوحنا 3:34

خودایینگ ایبِرِنی خودایینگ سُزلِرینی آیدیاندیر، سِبَبی خودای اُنگا مُقادِّس روحی اُلچِگسیز بِریَر.‏

یوحنا 3:5

عیسی شِیله جُغاپ بِردی:‏ ‏«‏سانگا دُغروسینی آیدیارین، سودان و مُقادِّس روحدان دُغمادیق آدام خودایینگ پادیشاهلیغینا گیریپ بیلمِز.‏

یوحنا 7:39

اُل مونی اُزونه ایمان گِتیرِنلِرینگ آلجاق مُقادِّس روحی بارادا آیدیاردی.‏ اُلارا هِنیز مُقادِّس روح اینمَندی، سِبَبی عیسی هِنیز بِییکلِنمَپدی.‏

رِسول‍لار 1:5

چونکی یحیی سیزی سووا تَعمیدلَپدی، اِمّا یِنه بیرنَچه گوندِن سیز مُقادِّس روحا تَعمیدلِنِرسینگیز.‏»‏

رِسول‍لار 2:4

اُلارینگ هِمّه‌سی مُقادِّس روحدان دُلدولار و مُقادِّس روحونگ بِرِن قودراتینا گُرَه، باشغا دیل‍لِرده کِپلَپ باشلادیلار.‏

۱ قُرِنتُس‌لار 12:13

چونکی بیز کیم بُلساق-دا:‏ یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک.‏ بیزینگ باریمیز بیر مُقادِّس روحی قابول اِتدیک.‏