یوحنا 1:14 - مُقادِّس کیتاب

¹⁴ سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 1:14 ပူးပေါင်းရင်းမြစ်များ

مَتّیٰ 1:16

یعقوب مریمینگ آدامسی یوسفینگ آتاسیدی، مریمدِن بُلسا مسیح دییّپ آدلاندیریلان عیسی دُغدی.‏

لوقا 2:11

شو گون داوودینگ شَهرینده سیزینگ اوچین نِجات بِریَنچی دُغدی.‏ اُل خوداییمیز مسیحدیر.‏

لوقا 9:32

پِطرُس بیلِن اُنونگ یانینداقیلاری اوقی باسیپدیر، اِمّا اُلار اوقودان آچیلیپ، عیسانینگ بِییکلیگینی هِم اُنونگ یانیندا دوران ایکی آدامی گُردولِر.‏

یوحنا 1:1

اُوال-باشدا سُز باردی، سُز خودای بیلِندی و سُز خودایینگ اُزودی.‏

یوحنا 11:40

عیسی اُنگا:‏ ‏«‏اِگِر ایمان گِتیرسِنگ، خودایینگ بِییکلیگینی گُرِرسینگ دییمَنمیدیمّی؟»‏ دییدی.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 14:9

عیسی اُنگا شِیله دییدی:‏ ‏«‏اِی فیلیپُس، مِن سیزینگ بیلِن شِیله کَن واقت بُلسام-دا، مِنی تانیمادینگمی؟ مِنی گُرِن آتانی-دا گُرِندیر.‏ سِنینگ ‏”‏آتانی بیزه گُرکِز“‏ دییمَنگ نَمه؟

یوحنا 17:22

مانگا بِرِن بِییکلینگی اُلارا-دا بِردیم.‏ بیزینگ بیر بُلشومیز یالی، اُلار-دا بیر بُلسون.‏

یوحنا 17:24

اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

یوحنا 18:37

پیلاتُس اُنگا:‏ ‏«‏دییمِک، سِن پادیشاه-دا؟»‏ دییدی.‏ عیسی اُنگا:‏ ‏«‏پادیشاهدیغیمی اُزونگ آیدیپ دورسونگ.‏ مِن حاقیقاتا شاهاتلیق اِتمِک اوچین دُغدیم، شُنونگ اوچین هِم دونیَه گِلدیم.‏ حاقیقاتینگ طارافداری بُلان هِر بیر آدام مانگا قولاق آسار»‏ دییّپ جُغاپ بِردی.‏

یوحنا 2:11

بو عیسانینگ اَوَّلکی گُرکِزِن عالاماتیدی.‏ اُل مونی جلیل‌ینگ قانا شَهرینده گُرکِزیپ، اُز بِییکلیگینی اَشکَر اِتدی.‏ مونی گُرِن شَگیرتلِری اُنگا ایمان گِتیردیلِر.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

یوحنا 3:18

اُنگا ایمان گِتیرِن مَحکوم بُلماز.‏ اِمّا ایمان گِتیرمِدیگه شو واقت مَحکوم اِدیلِندیر، سِبَبی اُل خودایینگ یِکِجه اُغلونا ایمان گِتیرمِدی.‏

یوحنا 6:51

آسماندان اینِن دیری چُرِک مِندیرین.‏ موندان اییِن آدام اِبِدی یاشار.‏ دونیَه‌نینگ یاشایشی اوچین بِرجِک چُرِگیم مِنینگ اُز بِدِنیمدیر.‏»‏

یوحنا 8:32

سیز حاقیقاتی بیلِرسینگیز، حاقیقات-دا سیزی آزاد اِدِر»‏ دییدی.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

رومیلار 9:5

اُلار بِییک آتا-بابالاریمیزینگ نِسلیدیر.‏ عیسی مسیح هِم اینسان طِبیغاتی بُیونچا اُلاردان گِلیپ چیقاندیر.‏ هِمّه زاتدان یُقاری بُلان خودایا اِبِدی بِییکلیک بُلسون!‏ اَمین!‏

۱ قُرِنتُس‌لار 15:47

اَوَّلکی اینسان یِرینگ تُپراغینداندی، ایکینجی اینسان بُلسا آسمانداندی.‏

۲ قُرِنتُس‌لار 12:9

اِمّا مسیح شِیله دییدی:‏ ‏«‏سانگا بِرِن مِرحِمِتیم بِسدیر، سِبَبی مِنینگ قودراتیم اِجیزلیکده کَمیلِّشیَندیر»‏.‏ شُنونگ اوچین-ده، مسیحینگ گویجی مِنده مِسکِن توتسون دییّپ، اُز اِجیزلیکلِریم بارادا قاتی شاتلیق بیلِن قووانیارین.‏

غَلاطیه‌لِر 4:4

اِمّا بِلِّنیلِن واقت یِتیپ گِلِنده، خودای اُز اُغلونی ایبِردی.‏ اُل آیالدان دُغلوپ، شِریغاتلیغیندا یاشادی.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

کولُسیلِر 1:19

چونکی خودای هِمّه کَمیلّیگینینگ مسیحده یِرلِشمِگینی دُغری بیلدی.‏

کولُسیلِر 2:3

چونکی حِکمِتینگ هِم عیلیمینگ هِمّه خازیناسی مسیحده گوزگِنِندیر.‏

کولُسیلِر 2:9

چونکی خودایینگ کَمیلّیگی بیر بِدِن کیمین مسیحده یاشایار.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 1:5

اُندا خودای پِریشده‌لِرینگ هایسی بیرینه:‏ ‏«‏سِن مِنینگ اُغلومسینگ، بو گون مِن سانگا آتا بُلدوم»‏ یا-دا ‏«‏مِن اُنگا آتا، اُل بُلسا مانگا اُغول بُلار»‏ دییّپدیر؟

عِبرانیلار 10:5

شُنونگ اوچین مسیح دونیَه گِلِنده، خودایا شِیله دییدی:‏ ‏«‏قربانلیق بیلِن صاداقانی سِن ایسلِمِدینگ، اِمّا مانگا بیر بِدِن تاییارلادینگ.‏

عِبرانیلار 2:11

اینسانلاری مُقادِّس اِدیَن عیسی و اُنونگ اوستو بیلِن مُقادِّس اِدیلِنلِر ایندی بیر ماشغالا باغلیدیر.‏ شُنونگ اوچین هِم عیسی اُلارا دُغان و آیال دُغان دییمِکدِن اوتانمایار.‏

عِبرانیلار 5:5

شُنونگ اوچین مسیح هِم باش کاهین بُلماق اوچین اُزونی اُزی بِییکلِندیرمِدی.‏ تِرسینه، اُنی:‏ ‏«‏سِن مِنینگ اُغلومسینگ، بو گون مِن سانگا آتا بُلدوم»‏ دییّپ آیدان خودای بِییکلِندیردی.‏

۱ یوحنا 4:14

بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس.‏

۱ یوحنا 4:9

بیزه خودایینگ سُیگوسی، اینه، شوندان آیان بُلدی:‏ خودای اُزونینگ یِکِجه اُغلونینگ اوستو بیلِن بیزه یاشاییش بِرمِک اوچین اُنی دونیَه ایبِریپ، اُز سُیگوسینی آیان اِتدی.‏

۲ یوحنا 1:7

اِنچِمه آلداوچیلار دونیَه یایرادی.‏ اُلار عیسی مسیحینگ اینسان بُلوپ گِلِندیگینی اینکَر اِدیَرلِر.‏ بِیله آداملار یالانچیدیر و مسیحینگ دوشمانیدیر.‏

آیانلیق 19:13

اُنونگ اِگنیندَکی دُنی قانا قاراشیقدی و ‏«‏خودایینگ سُزی»‏ دییلیپ آدلاندیریلیاردی.‏

آیانلیق 21:3

مِن تاختدان قاتی بیر سِسینگ شِیله دییِنینی اِشیتدیم:‏ ‏«‏خودایینگ مِسکِنی ایندی اینسانلارینگ آراسیندادیر!‏ اُل ایندی اینسانلارینگ آراسیندا مِسکِن توتار.‏ اُلار اُنونگ خالقی بُلارلار و اُل هِم اُلار بیلِن بُلوپ، اُلارینگ خودایی بُلار.‏