یعقوب 3:17 - مُقادِّس کیتاب

¹⁷ اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

یعقوب 3:17 ပူးပေါင်းရင်းမြစ်များ

مَتّیٰ 23:28

سیز هِم داشینگیزدان آداملارا دُغری آدام یالی گُرونیَرسینگیز، اِمّا ایچینگیز ایکی‌یوزلیلیکدِن و کیردِن دُلی.‏

مَتّیٰ 5:8

قالبی پَکلِر خوشواقتدیر، چونکی اُلار خودایی گُرِرلِر.‏

مَتّیٰ 5:9

پاراحاتلیق دُرِدیَنلِر خوشواقتدیر، چونکی اُلارا خودایینگ اُغول‍لاری دییلِر.‏

لوقا 21:15

مونونگ اوچین مِن سیزه سُز هِم حِکمِت بِرِرین.‏ سیزه قارشی چیقیانلارینگ هیچ بیری مونگا نه قارشی دوروپ بیلِر، نه-ده بیر زات آیدیپ بیلِر.‏

لوقا 6:36

آسمانداقی آتانگیزینگ رِحملی بُلشی یالی، سیز-ده رِحملی بُلونگ.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 1:47

عیسی اُزونه طاراف گِلیَن ناتاناییلی گُروپ، اُل حاقدا:‏ ‏«‏اینه، یورِگی حیله‌سیز و حاقیقی اسرائیل‌لی»‏ دییدی.‏

رِسول‍لار 11:24

اُنونگ مُقادِّس روحدان و ایماندان دُلی بیر یاخشی زادا آدامدیغی اوچین، خاص کَن آدام خودایا ایمان گِتیردیلِر.‏

رِسول‍لار 9:36

یافادا تابیتا آدلی بیر آیال شَگیرت باردی.‏ آدینینگ مَعنیسی جِرِن.‏ مونونگ اِدِن یاخشی ایشلِری، بِرِن صاداقالاری قاتی کَندی.‏

رومیلار 12:18

باشاردیغینگیزدان هِمّه‌لِر بیلِن پاراحاتلیقدا یاشاجاق بُلونگ.‏

رومیلار 12:9

سُیگینگیز ایکی‌یوزلی بُلماسین.‏ یامانلیغی ییگرِنیپ، یاخشیلیغا قاتی یاپیشینگ.‏

رومیلار 15:14

اِی عزیزلِریم، مِن سیزینگ یاخشیلیقدان دُلودیغینگیزا، هِمّه زادی بیلیَندیگینگیزه و بیری-بیرینگیزه ناصیحات بِرمِگی باشاریاندیغینگیزا قاتی اینانیارین.‏

۱ قُرِنتُس‌لار 12:8

مُقادِّس روح کیمدیر بیرینه حِکمِت بیلِن، یِنه بیرینه عیلیم بیلِن اُورِتمِک ناغماتینی بِریَر.‏

۲ قُرِنتُس‌لار 10:1

مِن، پولس، هاووا، آرانگیزداقام یومشاق، اِمّا سیزدِن اوزاقداقام باتیر حاساپلانیان شُل پولسینگیز، عیسی مسیحینگ میلاییملیغی و مِهرِبانلیغی بیلِن خاییش اِدیپ،

۲ قُرِنتُس‌لار 6:6

بیز مونی پَکلیک، بیلیم، صابیرلیلیق، مِهرِبانلیق، مُقادِّس روح بیلِن، صادیق سُیگی،

۲ قُرِنتُس‌لار 7:11

خودایدان بُلان قینانجینگ سیزده اِدِنلِرینی بیر گُرونگ!‏ اُل سِبَپلی سیزده نَهیلی قایرات، اُزونگیزی پَکلِمَگه نَهیلی ایخلاص دُرِتدی!‏ اُل سیزده، گُر، نَهیلی ناراضیچیلیق، قُرقی، نَهیلی کویسِمِک، ایخلاص و عادالاتا بُلان ایسلِگی توروزدی.‏ سیز بو مِسِله‌ده هِمّه طارافلایین تاقصیرسیزدینگیزی گُرکِزدینگیز.‏

۲ قُرِنتُس‌لار 9:10

خودای تایخانینگ اِکجِک تُخومینی، اییجِک چُرِگینی یِتیریَندیر.‏ شُنگا گُرَه-ده، اُل سیزینگ اِکِنینگیزی بُلدان-بُل آرتدیریپ، یاخشیلیغینگیزینگ بُل حاصیلینی یِتیشدیرمِگی هِم باشارار.‏

اِفِسُسلار 5:9

دُغرودان هِم، نورینگ میوه‌سی هِر هیلی یاخشیلیقدان، تاقوالیقدان و حاقیقاتدان عیباراتدیر.‏

فیلیپیلِر 1:11

قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

فیلیپیلِر 4:8

نِتیجه‌ده، اِی عزیزلِر، حاقیقی، حُرماتا میناسیپ، دُغری، پَک، قاوی گُرونیَن و تعریفلانیان نَمه بار بُلسا، شُل بارادا فیکرلِنینگ.‏ هاووا، یاخشی و اُومِگه میناسیپ زاتلار بارادا فیکرلِنینگ.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

۱ تِسالونیکیلِر 2:7

اِمّا بیز اُز چاغالارینی باغرینا باسیان اِنه یالی سیزینگ آرانگیزدا میلاییملیق بیلِن گِزدیک.‏

۱ تیموتاوس 5:21

شو تابشیریقلاری بِرجای اِدِنینگده، مِسِلَنینگ دویبینَه یِتمَن، هیچ کیمی گونَه‌کَرلِمه، طارافکِشلیک اِتمه.‏ اینه، شولارینگ بارینی خودایینگ، عیسی مسیحینگ و سایلانان پِریشده‌لِرینگ اُوونده سانگا قاییم تابشیریارین.‏

۲ تیموتاوس 2:24

خودایینگ خیدماتچیسی داعوالاشمالی دَلدیر، تِرسینه، هِمّه‌لِره میلاییم، تَعلیم بِرمِگی باشاریان و صابیر-طاقاتلی بُلمالیدیر.‏

تیتوس 1:15

قالبی پَکلِر اوچین هِمّه زات پَکدیر، یُنه آخلاقسیزلار و ایمان گِتیرمِدیکلِر اوچین یِکِجه-ده پَک زات یُقدور.‏ اُلارینگ فیکرلِری-ده و وِجدانلاری-دا تِلِکه بُلاندیر.‏

تیتوس 3:2

هیچ کیمی یامانلاماسینلار، داعوا-جِنجِلدِن داش دوروپ، میلاییم و هِمّه‌لِره یومشاقلیق گُرکِزسینلِر.‏

عِبرانیلار 12:11

آدام تِربیِت آلاندا شاتلانمایار، قایتام، دِرت چِکیَر.‏ اِمّا شِیله تِربیِت آلاندان سُنگرا، اُل تاقوالیقدا و پاراحاتلیقدا یاشایاندیر.‏

عِبرانیلار 12:14

هِمّه‌لِر بیلِن پاراحاتلیقدا بُلونگ و مُقادِّس یاشاماغا چالیشینگ.‏ یُغسا مُقادِّس بُلان خودایی گُروپ بیلمِرسینگیز.‏

یعقوب 1:17

هِر بیر قاوی و کَمیل ناغمات یُقاردان، آسمانداقی نورلارینگ آتاسیندان گِلیَندیر.‏ اُل هیچ هاچان اویتگِیَن دَلدیر، اُندا اویتگِمِکلیگینگ کُلِگه‌سی هِم یُقدور.‏

یعقوب 1:5

اِگِر هِر کیم حِکمِت ایسلِیَن بُلسا، قُی، اُل خودایدان دیلِسین.‏ هِمّه‌لِره مینِّتسیز و ساخیلیق بیلِن بِریَن خودای اُنگا هِم بِرِر.‏

یعقوب 2:13

سِبَبی رِحمسیز آداما رِحمسیزلیک بیلِن حُکوم اِدیلِر.‏ اِمّا رِحملی آداما بُلسا رِحملیک بیلِن حُکوم اِدیلِر.‏

یعقوب 2:4

بو سیزینگ طارافدارلیق اِتدیگینگیز بُلمازمی؟ یامان فیکرلی قاضیلارا مِنگزِمِیَرسینگیزمی؟

یعقوب 3:15

بِیله ‏«‏حِکمِت»‏ آسماندان اینِن دَلدیر، اُل دونیِوی بُلوپ، نِفسانی و شِیطانداندیر.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 2:1

شُنونگ اوچین هِم هِر هیلی کینه، مِکر، ایکی‌یوزلیک، باخیل‍لیق و غیبات-گورّونگلِری اُزونگیزدِن آیریپ زینگینگ.‏

۱ پِطرُس 2:18

اِی قول‍لار، دینگه بیر قاوی هِم یاخشی آقالارینگیزا دَل-ده، اُندان باشغا، قیلیقسیز آقالارینگیزا-دا حُرمات قُیوپ، موطیع بُلونگ.‏

۱ یوحنا 3:18

عزیز بالالار، حاقیقی سُیگیمیزی یُنه بیر قوری کِپ بیلِن دَل-ده، دُغرولیق یوزونده و عِمِلده گُرکِزِیلینگ.‏

۱ یوحنا 3:3

اُنگا اومید باغلایان هِر بیر آدام مسیحینگ پَک بُلشی یالی، اُزونی پَک ساقلار.‏