یعقوب 3:15 - مُقادِّس کیتاب

¹⁵ بِیله ‏«‏حِکمِت»‏ آسماندان اینِن دَلدیر، اُل دونیِوی بُلوپ، نِفسانی و شِیطانداندیر.‏

یعقوب 3:15 ပူးပေါင်းရင်းမြစ်များ

لوقا 16:8

‏«‏آقاسی بو حیله‌گَر ایش دُلاندیریجینی یُلونی تاپاندیغی اوچین اُودی.‏ بو زامانینگ آداملاری اُز نِسلینه قارشی حِرِکِت اِتمِکده نورداقی اینسانلاردان فَهیملیدیر.‏

یوحنا 3:17

خودای اُغلونی دونیَه‌دَکیلِری مَحکوم اِتمِک اوچین دَل-ده، اُندان باشغا اُنونگ اوستو بیلِن نِجات تاپسین دییّپ دونیَه ایبِردی.‏

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

رِسول‍لار 13:10

‏«‏اِی شِیطان اُغلی!‏ سِن هِمّه دُغرولیغینگ دوشمانیسینگ.‏ سِنینگ یورِگینگ هِر هیلی حیله‌دِن و یالانچیلیقدان دُلی.‏ خودایینگ حاق یُلونی اویتگِتمِگینگی هاچان بِس اِتجِک؟

رومیلار 1:22

اُلار اُزلِرینی عاقیلّی حاساپلاپ، آحماق بُلدولار،

۱ قُرِنتُس‌لار 1:27

اِمّا حِکیملِری اوتاندیرماق اوچین، خودای بو دونیَه‌نینگ آحماق حاساپلانیانلارینی سایلادی.‏ گویچلیلِری اوتاندیرماق اوچین هِم بو دونیَه‌نینگ اِجیز حاساپلانیانلارینی سایلادی.‏

۱ قُرِنتُس‌لار 2:14

مُقادِّس روحونگ ایزینا دوشمِیَن اینسان خودایینگ روحوندان بُلان زاتلارا دوشونمِیَر.‏ اُل بولاری آحماقلیق حاساپلایار.‏ چونکی مُقادِّس روحونگ فیکرلِرینه دینگه اُنونگ ایزینا دوشیَنلِر سایغاریاندیرلار.‏

۱ قُرِنتُس‌لار 3:19

چونکی بو دونیَه‌نینگ حِکمِتی خودایینگ ناظاریندا آحماقلیقدیر.‏ مُقادِّس یازغیلاردا:‏ ‏«‏خودای حِکمِتلی بیلِنی اُز حیله‌سینده توتیار»‏ دییّپ یازیلاندیر.‏

۱ قُرِنتُس‌لار 3:3

بو دونیَه هِنیز-ده سیزه اُز تاثیرینی یِتیریَر، سِبَبی آرانگیزدا باخیل‍لیق، داعوا-جِنجِل بار.‏ شِیله بُلسا بولار سیزینگ دونیَه دِگیشلیدیگینگیزی بیلدیرمِیَرمی؟ سیز دونیِوی آداملار یالی حِرِکِت اِتمِیَرسینگیزمی نَمه؟

۲ قُرِنتُس‌لار 1:12

اینه، بیز شونگا قووانیاریس:‏ بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس.‏ بیز مونی دونیَه‌نینگ حِکمِتینه دَل-ده، خودایینگ مِرحِمِتینه دایانیپ اِدیَریس.‏ مونگا بیزینگ وِجدانیمیز-دا شاهاتدیر.‏

۲ قُرِنتُس‌لار 11:3

یُنه ییلانینگ حَوّانی مِکرلیک بیلِن آلدایشی یالی، سیزینگ-ده آلدانماغینگیزدان قُرقیارین.‏ مِن فیکرلِرینگیزینگ بولاشدیریلیپ، مسیحه بُلان پَک صادیقلیغینگیزدان آیریلارمیقانگیز دییّپ قُرقیارین.‏

فیلیپیلِر 3:19

اُلارینگ آخیری هِلَکچیلیکدیر، اُلارینگ قارا قارینلاری خودایلاریدیر، اُلار اُز اوتانمالی زاتلارینا قابارلانیاندیرلار.‏ اُلار یِکه بو دونیَه‌نینگ زاتلاری بارادا فیکرلِنیَندیرلِر.‏

۲ تِسالونیکیلِر 2:9

شِراراتلی آدام گِلِنده شِیطانینگ گویجی بیلِن هِر هیلی یالان مُعجِزه‌لِری، عالاماتلاری و قودراتلاری گُرکِزِر.‏

۱ تیموتاوس 4:1

مُقادِّس روح آخیرقی گونلِرده کَبیر آداملارینگ ایماندان دَنیپ، آزدیریجی روحلارا و جینلارینگ تَعلیماتلارینینگ ایزینا دوشجِکلِرینی آچیق آیدیار.‏

یعقوب 1:17

هِر بیر قاوی و کَمیل ناغمات یُقاردان، آسمانداقی نورلارینگ آتاسیندان گِلیَندیر.‏ اُل هیچ هاچان اویتگِیَن دَلدیر، اُندا اویتگِمِکلیگینگ کُلِگه‌سی هِم یُقدور.‏

یعقوب 1:5

اِگِر هِر کیم حِکمِت ایسلِیَن بُلسا، قُی، اُل خودایدان دیلِسین.‏ هِمّه‌لِره مینِّتسیز و ساخیلیق بیلِن بِریَن خودای اُنگا هِم بِرِر.‏

یعقوب 3:17

اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

یهودا 1:19

بولار سیزینگ آرانگیزا آیرالیق سالیپ، اُز اینسان دوشونجِلِرینه گُرَه یاشایان آداملاردیر و مُقادِّس روحدان ماحرومدیرلار.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 2:24

اِمّا سیزه، یَعنی تیاتیراداقی ایزابِلینگ بو تَعلیماتینگ ایزینا دوشمِدیکلِرینگ و ‏”‏شِیطانینگ سیرلاری“‏ دییّلیَنلِری بیلمِیَنلِرینگ بارینا شونی آیدیارین:‏ اِگِر ایمانینگیزی مِن گِلیَنچَم ساقلاسانگیز، سیزینگ اوستونگیزه باشغا زات یوکلِمِرین.‏

آیانلیق 9:11

اُلارا دویپسوز قوییسینینگ پِریشده‌سی پادیشاهلیق اِدیَردی.‏ بو پِریشدَه‌نینگ آدی عِبرانیچا اَبَدون و یونانیچا بُلسا آپولیوندیر.‏