یعقوب 2:18 - مُقادِّس کیتاب

¹⁸ بیری بُلسا:‏ ‏«‏سِنینگ ایمانینگ بار، مِنینگ بُلسا یاخشی عِمِل‍لِریم»‏ دییمِگی مومکین.‏ اِمّا مِن آیدیارین، هانی، یاخشی عِمِل‍لِری اِتمِزدِن مانگا ایمانینگی گُرکِز، مِن هِم سانگا ایمانیمی یاخشی عِمِل‍لِریمینگ اوستو بیلِن گُرکِزِیین!‏

یعقوب 2:18 ပူးပေါင်းရင်းမြစ်များ

رومیلار 14:23

اییّپ-ده، اُز اییَّنی بارادا شِکلِنیَن آدام اِییَم مَحکوم اِدیلِندیر، سِبَبی اُل اُز ایمانینا گُرَه حِرِکِت اِدیَن دَلدیر.‏ ایمانا گُرَه اِدیلمِدیک زات گونَه‌دیر.‏

رومیلار 3:28

بیز آداملار شِریغاتی بِرجای اِتمِگینگ اوستو بیلِن دَل-ده، ایمانینگ اوستو بیلِن آقلانیاندیغینی بیلیَریس.‏

رومیلار 4:6

اینه، یاخشی ایشلِری اِتمِسه-ده، خودای طارافیندان آقلانان آدامی داوود هِم خوشواقت حاساپلاپ، شِیله دییَّر:‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 9:19

اُندا مِندِن:‏ ‏«‏اِگِر شِیله بُلسا، اُندا نَمه اوچین خودای آداملاری کَییَر؟ اُنونگ ایسلِگینه قارشی چیقیپ بیلجِک بارمی؟»‏ دییّپ سُراماغینگ مومکین.‏

۱ قُرِنتُس‌لار 13:2

اِگِر نبوّتلیق ناغماتیم بُلوپ-دا، هِمّه سیرلاری و عیلیملاری بیلیپ-ده، داغلاری سویشورمَگَه گویچلی ایمانیم بُلوپ-دا، سُیگیم بُلماسا، مِن هیچدیرین.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

۲ قُرِنتُس‌لار 7:1

اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

۱ تیموتاوس 1:5

تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.‏

تیتوس 2:7

یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

عِبرانیلار 11:31

ایمانینگ اوستو بیلِن فاحیشه راحاب هِلَک بُلمادی.‏ اُل اسرائیل جاسوسلارینی قیزقینلیق بیلِن قارشیلاندیغی اوچین، خودایا موطیع بُلمادیقلار بیلِن بیله اُلدوریلمِدی.‏

عِبرانیلار 11:33

ایمانینگ اوستو بیلِن اُلار اِنچِمه پادیشاهلیغی یِنگدیلِر، عادالاتی یِرینه یِتیردیلِر، واعدالارا یِتدیلِر، آرسلانلارینگ آغزینی باغلادیلار،

عِبرانیلار 11:6

ایمان گِتیرمِیَن آدام هیچ واقت خودایی خُشنود اِدیپ بیلمِز، چونکی خودایا یاقینلاشان آدام اُنونگ بارلیغینا و اُزونی آغتاریانلاری بایراق بِرجِکدیگینه حُکمَن ایمانی بُلمالیدیر.‏

یعقوب 2:14

اِی عزیزلِر!‏ آرانگیزدان بیری ‏«‏ایمانیم بار»‏ دییّپ هِم، اُنی یاخشی عِمِلی بیلِن گُرکِزمِسه، مونونگ نَمه پِیداسی بار؟ بِیله ایمان اُنی نِجات بِریپ بیلِرمی؟

یعقوب 3:13

آرانگیزدا دوشونجِلی و حِکیم آدام بارمی؟ اِگِر بار بُلسا، قُی، اُل مونی دُغری یاشاییشی و حِکمِتدِن گِلیَن یومشاقلیغی بیلِن بیتیرِن یاخشی عِمِل‍لِرینده گُرکِزسین.‏