یعقوب 1:21 - مُقادِّس کیتاب

²¹ شُنونگ اوچین هِم تِلِکه‌لیگی و هِر هیلی یامانلیغی کَنِلتیَن زادی زینگیپ اُقلانگ-دا، خودایینگ قالبینگیزا اِکِن سُزونی فُروتَنلیک بیلِن قابول اِدینگ.‏ بو سُز جانینگیزی نِجات بِرمِگی باشاریاندیر.‏

یعقوب 1:21 ပူးပေါင်းရင်းမြစ်များ

مَتّیٰ 5:5

فُروتَن آداملار خوشواقتدیر، چونکی اُلار یِر یوزونی میراث آلارلار.‏

یوحنا 6:63

یاشاییش بِریَن روحدیر، اینسان گویجونینگ پِیداسی یُقدور.‏ مِنینگ سیزه آیدیان سُزلِریم مُقادِّس روحداندیر و یاشاییش بِریَندیر.‏

یوحنا 6:68

شمعون پِطرُس اُنگا:‏ ‏«‏آقام، بیز سِنی تِرک اِدیپ، باشغا کیمه بارایلی؟ اِبِدی یاشاییش سُزلِری دینگه سِنده بار آخیرین.‏

رِسول‍لار 10:33

شِیلِلیکده، مِن دِرِّو سانگا آدام یُلّادیم، سِن-ده گِلیپ یاخشی اِتدینگ.‏ اینه، هِمَّه‌میز خودایینگ سانگا آیتماغی تابشیران هِمّه زادینی اِشیتمِک اوچین، اُنونگ حوضورینا جِملِندیک.‏»‏

رِسول‍لار 13:26

‏«‏اِی دُغانلار، ابراهیمینگ نِسیل‍لِری!‏ اِی خودایا عیبادات اِدیَن باشغا میلِّتلِر!‏ نِجات بِریَنیمیز باراداقی بو خابار بیزه بِریلدی.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

رومیلار 11:17

هاووا، باغینگ کَبیر شاخالاری کِسیلیپ، وَحشی زِیتونینگ شاخاسی بُلان سیز اُنگا سِپلِندینگیز.‏ سیز ساقلانیپ یِتیشدیرِلِن زِیتونینگ کُکونینگ شیرِسینه شِریک بُلدونگیز.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

۱ قُرِنتُس‌لار 15:2

سیزه واغیظ اِدِن خوش خاباریمی اِگِر قاییم توتسانگیز، اُنونگ اوستو بیلِن نِجات تاپارسینگیز.‏ اِمّا توتماسانگیز، بیدِرِک یِره ایمان گِتیردیگینگیز بُلار.‏

۲ قُرِنتُس‌لار 7:1

اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

اِفِسُسلار 1:13

ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز.‏ شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.‏

اِفِسُسلار 4:22

اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ.‏

اِفِسُسلار 4:25

ایندی یالان آیتمانگ-دا، هِر بیرینگیز اُز هِمسایانگیزا حاقیقاتی آیدینگ.‏ چونکی بیزینگ هِمَّه‌میز بیر بِدِنینگ بُلوملِریدیریس.‏

اِفِسُسلار 5:4

شِیله هِم آرانگیزدا بی‌اِدِبلیک، بُش سُزلیک، بیدِرِک دِگیشمه-ده بُلماسین.‏ بولار سیزه یاراشمایار.‏ مونونگ دِرِگینه خودایا شوکور اِدینگ.‏

۱ تِسالونیکیلِر 2:13

سیز خودایینگ خوش خابارینی بیزدِن اِشیدیپ قابول اِدِنینگیزده، مونی اینسان سُزی حُکمونده دَل، شِیله بُلسا، حاقیقاتدان-دا، خودایینگقی دییّپ قابول اِتدینگیز.‏ سیز ایماندارلاردا ایشلِیَن سُزدیر.‏ شُنگا گُرَه-ده، بیز سیزینگ اوچین خودایا قاتی کَن شوکور اِدیَریس.‏

تیتوس 2:11

چونکی خودایینگ هِمّه‌لِری نِجات بِریَن مِرحِمِتی اَشکَر بُلدی.‏

عِبرانیلار 12:1

اینه، بیزینگ اِطرافیمیزی قاپلاپ آلان شِیله اولی بولوت شاهاتلارینگ بارلیغینا گُرَه، قینچیلیق دُرِدیَن هِر هیلی یوکی و بُینومیزدان یاپیشان گونَه‌لِری زینگایلینگ-دا، اُوومیزده دوران یاریشدا صابیرلیق بیلِن یُرتِیلینگ.‏

عِبرانیلار 2:3

بیز شوندان سُنگ نِجات تاپماغینگ بو عجاییپ یُلونی اینکَر اِتسِک، جِزادان قاچیپ بیلِریسمی؟ نِجات تاپماغینگ بو یُلونی اُزال-باشدا تانگری عیسی اِعلان اِتدی و اُنونگ آغزیندان اِشیدِنلِر تاصدیقلادیلار.‏

عِبرانیلار 4:2

اِدیل اسرائیل خالقینا واغیظ اِدیلیشی یالی، خوش خابار بیزه-ده واغیظ اِدیلدی.‏ اُلارینگ اِشیدِن خاباری اُلارا هیچ بیر پِیداسی بُلمادی، سِبَبی اُلار مونی ایمان بیلِن قابول اِتمِدیلِر.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 1:9

سِبَبی ایمانینگیزینگ ماقصادینا یِتیپ، نِجات تاپماغینی قازانیارسینگیز.‏

۱ پِطرُس 2:1

شُنونگ اوچین هِم هِر هیلی کینه، مِکر، ایکی‌یوزلیک، باخیل‍لیق و غیبات-گورّونگلِری اُزونگیزدِن آیریپ زینگینگ.‏

۱ پِطرُس 2:11

عزیز دُستلار، روحونگیزا قارشی اوروشیان گونَه‌لی هُوِسلِردِن داش دورونگ دییّپ یالباریارین.‏ چونکی سیز بو دونیَه‌ده کِسِکی هِم بیگانه‌سینگیز.‏