یعقوب 1:17 - مُقادِّس کیتاب

¹⁷ هِر بیر قاوی و کَمیل ناغمات یُقاردان، آسمانداقی نورلارینگ آتاسیندان گِلیَندیر.‏ اُل هیچ هاچان اویتگِیَن دَلدیر، اُندا اویتگِمِکلیگینگ کُلِگه‌سی هِم یُقدور.‏

یعقوب 1:17 ပူးပေါင်းရင်းမြစ်များ

مَتّیٰ 7:11

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره خاص-دا کَن قاوی زادلار بِرمِزمی؟

لوقا 11:13

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره مُقادِّس روحی خاص-دا کَن بِرمِزمی؟»‏

یوحنا 1:9

هِر بیر اینسانی نورلاندیریان حاقیقی نور دونیَه گِلیَردی.‏

یوحنا 3:27

یحیی اُلارا شِیله جُغاپ بِردی:‏ ‏«‏آسماندان بِریلمِسه، اینسان هیچ زات اِدیپ بیلمِز.‏

یوحنا 3:3

عیسی اُنگا:‏ ‏«‏سانگا دُغروسینی آیدیارین، تَزه‌دِن دُغمادیق آدام خودایینگ پادیشاهلیغینی گُروپ بیلمِز»‏ دییّپ جُغاپ بِردی.‏

یوحنا 8:12

عیسی یِنه-ده خالقا یوزلِنیپ:‏ ‏«‏دونیَه‌نینگ نوری مِندیرین.‏ مِنینگ ایزیما دوشِن قارانگقیلیقدا گِزمِز، اُندا یاشاییش نوری بُلار»‏ دییدی.‏

رِسول‍لار 11:18

دُغانلار بو سُزلِری اِشیدِنلِریندِن سُنگرا کُشیشدیلِر.‏ خودایی بِییکلِندیریپ:‏ ‏«‏دُغریدان-دا خودای حتّیٰ باشغا میلِّتلِره-ده توبا اِدیپ، باقی یاشایشا قاووشماقلیغی بِریپدیر»‏ دییّشدیلِر.‏

رِسول‍لار 5:31

خودای اسرائیل خالقینا توبا اِتدیریپ، گونَه‌لِرینی باغیشلاماق اوچین، بو آدامی باشلیق هِم نِجات بِریَنچی اِدیپ، اُنی بِیگِلتدی و اُز ساغیندا اُتورتدی.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

۱ قُرِنتُس‌لار 4:7

اُندا سیز بِیلِکیلِردِن اویتگِشیکمی؟ سیز اُزونگیزدَکیلِرینگ بارینی خودایدان آلمادینگیزمی نَمه؟ اِگِر اُندان آلان بُلسانگیز، نَمه اوچین اُزونگیز قازانان یالی قاباریارسینگیز؟

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 2:8

چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز.‏ بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر.‏

فیلیپیلِر 1:29

چونکی سیزه یِکه مسیحه ایمان گِتیرمِک دَل، اُندا اُنونگ خاطیراسینا قینچیلیق چِکمِک هِم بِرلِندیر.‏

عِبرانیلار 13:8

عیسی مسیح دوین و بو گون و تا اِبِد هِم شُلدور.‏

یعقوب 1:5

اِگِر هِر کیم حِکمِت ایسلِیَن بُلسا، قُی، اُل خودایدان دیلِسین.‏ هِمّه‌لِره مینِّتسیز و ساخیلیق بیلِن بِریَن خودای اُنگا هِم بِرِر.‏

یعقوب 3:15

بِیله ‏«‏حِکمِت»‏ آسماندان اینِن دَلدیر، اُل دونیِوی بُلوپ، نِفسانی و شِیطانداندیر.‏

یعقوب 3:17

اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

۱ یوحنا 1:5

بیزینگ عیسی مسیحدِن اِشیدیپ، سیزه اِعلان اِدیَن خاباریمیز شودور:‏ خودای نوردیر، اُندا هیچ قارانگقیلیق یُقدور.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

آیانلیق 21:23

شَهری یاغتیلاندیرماق اوچین گون یا-دا آی گِرِک دَل.‏ چونکی شَهری خودایینگ بِییکلیگی یاغتیلاندیریار و قوزی هِم اُنونگ چیراغیدیر.‏

آیانلیق 22:5

شَهرده گیجه آصلا بُلماز، و نه چیراغینگ ایشیغی، نه-ده گونونگ نوری گِرِک بُلار، سِبَبی تانگری خودای اُلارا یاغتیلیق سِچِر.‏ و اُلار اِبِدیلیک پادیشاهلیق اِدِرلِر.‏