عِبرانیلار 9:28 - مُقادِّس کیتاب

²⁸ اِدیل شُنونگ یالی، مسیح هِم کَن آداملارینگ گونَه‌لِرینی یووماق اوچین، بیر گِزِک قربانی بُلدی.‏ اِمّا اُل ایکینجی گِزِک گِلِنده، گونَه‌لِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.‏

عِبرانیلار 9:28 ပူးပေါင်းရင်းမြစ်များ

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَتّیٰ 25:31

‏«‏اینسان اُغلی اُز بِییکلیگینده شایلانیپ، هِمّه پِریشده‌لِر بیلِن گِلِر-ده، بِییک تاختیندا اُتورار.‏

مَتّیٰ 26:28

بو هِمّه آداملارینگ گونَه‌لِرینینگ باغیشلانماغی اوچین دُکولیپ، تَزه عَهدی بِرجای اِدیَن مِنینگ قانیمدیر.‏

یوحنا 14:3

گیدیپ، سیزینگ اوچین یِر تاییار اِدِنیمدِن سُنگرا، یِنه گِلیپ، سیزی اُز یانیما آلیپ گیدِرین.‏ مِنینگ بُلیان یِریمده سیز هِم بُلارسینگیز.‏

رِسول‍لار 1:11

اُلار:‏ ‏«‏اِی جلیل‌لیلِر!‏ نَمه اوچین آسمانا باقیپ دورسونگیز؟ عیسانینگ آسمانا گُتِریلِنینی گُزونگیز بیلِن گُردونگیز آخیری.‏ اُل آسمانا نَهیلی گُتِریلِن بُلسا، اِدیل شُنونگ یالی هِم قایدیپ گِلِر»‏ دییدیلِر.‏

رومیلار 3:25

خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

رومیلار 5:15

اِمّا خودایینگ ناغمات بِرِن مِرحِمِتینی آدام آتانینگ گونَه‌سی بیلِن دِنگِشدیریپ-ده بُلماز!‏ چونکی بیر آدامینگ گونَه‌سی کَن آداملاری اُلومه دوچار اِتدی.‏ باشغا بیر آدامینگ، یَعنی عیسی مسیحینگ مِرحِمِتینینگ اوستو بیلِن بُلسا کَن آداملار خودایینگ بو ناغماتینی بُلدان-بُل آلدی.‏

رومیلار 6:10

عیسی مسیح اُز اُلومینینگ اوستو بیلِن گونَه‌نینگ ایختییارینی اِبِدیلیک یُق اِتدی و اُنونگ حَضیرکی یاشاییشی بُلسا دینگه خودای اوچیندیر.‏

رومیلار 8:23

دینگه بیر یارادیلیش دَل-ده، شِیله بُلسا خودایینگ روحونونگ اَوَّلکی میوه‌سی بُلان بیز هِم ایچیمیزده آخی-ناله چِکیَریس.‏ سِبَبی بیز اُزومیزینگ اُغولّیغا آلنیپ، بِدِنیمیزینگ چویریمِدِن آزاد اِدیلمِگینه صابیرسیزلیق بیلِن قاراشیاریس.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

۱ قُرِنتُس‌لار 1:7

شُنگا گُرَه-ده یَعنی تانگریمیز عیسی مسیحینگ آسماندان اینمِگینه صابیرسیزلیق بیلِن قاراشیانلارینگ روحی ناغماتلار باباتدا هیچ بیر کِملینگیز یُقدور.‏

۱ قُرِنتُس‌لار 15:54

شونلوقدا، چویرییَن بِدِن چویریمِزلیگه، اُلیَن بِدِن اُلمِزلیگه گِیینِنده، ‏«‏پیروزی اُلومی یوووتدی»‏ دییلِن سُزلِر بِرجای بُلار.‏

۱ تِسالونیکیلِر 1:10

و اُنونگ اُلومدِن دیرِلدِن اُغلی عیسانینگ آسمانلاردان گِلمِگینه قاراشیارسینگیز.‏ عیسی مسیح بیزینگ هِمَّه‌میزی گِلِجِکدَکی غاضابدان آزاد اِدیَندیر.‏

۲ تِسالونیکیلِر 2:1

ایندی بُلسا، اِی عزیزلِر، تانگریمیز عیسی مسیحینگ گِلمِگی و اُنونگ یانینا اویشمِگیمیز باباتدا شولاری آچیقلاشدیرماقچی:‏

۲ تیموتاوس 4:8

ایندی دُغرولیق قاضیسی بُلان خودای عیسی مسیح اُز گِلجِک گونونده مانگا تاقوالیق تاجینی بایراق بِرِر.‏ اُل بو بایراغی دینگه مانگا دَل، شِیله بُلسا اُزونه اینتیظارلیق بیلِن قاراشیانلارینگ هِر بیرینه بِرِر.‏

تیتوس 2:13

بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

عِبرانیلار 1:14

شِیلِلیکده، هِمّه پِریشده‌لِر دینگه نِجاتی میراث آلجاقلارا خیدمات اِتمِک اوچین ایبِریلِن خیدماتکَر روحلار دَلمی نَمه؟

عِبرانیلار 10:10

بیز بو ایسلِگَه گُرَه، عیسی مسیحینگ بِدِنینینگ هِمّه زات اوچین بیر گِزِک و هِمیشه‌لیک قربانی اِدیلمِگینینگ اوستو بیلِن مُقادِّس اِدیلدیک.‏

عِبرانیلار 12:14

هِمّه‌لِر بیلِن پاراحاتلیقدا بُلونگ و مُقادِّس یاشاماغا چالیشینگ.‏ یُغسا مُقادِّس بُلان خودایی گُروپ بیلمِرسینگیز.‏

عِبرانیلار 2:3

بیز شوندان سُنگ نِجات تاپماغینگ بو عجاییپ یُلونی اینکَر اِتسِک، جِزادان قاچیپ بیلِریسمی؟ نِجات تاپماغینگ بو یُلونی اُزال-باشدا تانگری عیسی اِعلان اِتدی و اُنونگ آغزیندان اِشیدِنلِر تاصدیقلادیلار.‏

عِبرانیلار 4:15

باش کاهینمیز آصلا گونَه اِتمِدیک هِم بُلسا، اِدیل بیز یالی هِمّه طارافدان وِسوِسه‌لِره سالنیپدی.‏ شُنونگ اوچین هِم اُل بیزینگ اِجیزلیکلِریمیزه دوشونیَر.‏

عِبرانیلار 5:9

شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّه‌سینی اِبِدیلیک نِجات بِرمِگی باشاریار.‏

عِبرانیلار 7:27

بِیلِکی باش کاهینلار هِر گون اَوَّل اُز گونَه‌لِری، سُنگرا خالقینگ گونَه‌لِری اوچین قربانلیق هُدورلِمِلیدیلِر.‏ اِمّا عیسی اُلارینگقی یالی اِتمِگینگ گِرِگی یُق، سِبَبی اُل هِمّه زات اوچین اُزونی بیر گِزِکده قربانی اِدیپ، بو ایشی بیتیردی.‏

عِبرانیلار 9:25

باش کاهین اینگ مُقادِّس اُتاقا هِر ییل گیریپ، اُز قانینی دَل-ده قربانلیق جانلیسینینگ قانینی هُدورلِیَردی، اِمّا مسیح آسمانا گیرمِک اوچین اُزونی نَچه گِزِک قربانی اِتمِدی.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏

یهودا 1:21

تانگریمیز عیسی مسیح اُز رِحمدارلیغینگ اوستو بیلِن سیزی اِبِدی یاشایشا قاوشوریانچا، خودایینگ سُیگوسی بیلِن یاشاماغی دُوام اِتدیرینگ.‏

آیانلیق 1:7

اینه، اُل بولوتلارینگ آراسی بیلِن گِلیَر!‏ اُنی هِمّه‌لِر، حتّیٰ اُنگا نایزا چومدیرِنلِر هِم گُرِرلِر.‏ دونیَه‌نینگ هِمّه خالقلاری اُل سِبَپلی آغلارلار.‏ بو دُغرودان-دا شِیله بُلار!‏ اَمین.‏