عِبرانیلار 9:26 - مُقادِّس کیتاب

²⁶ بِیله بُلسا، مسیح دونیَه یارادیلان بَری بیرنَچه گِزِک عاذاپ چِکمِلی بُلاردی.‏ مونگا دِرِک اُل آداملارینگ گونَه‌لِرینی یووماق اوچین اُزونی قربانی اِتمِک بیلِن آخیرقی دُوورده بیر گِزِک گِلدی.‏

عِبرانیلار 9:26 ပူးပေါင်းရင်းမြစ်များ

مَتّیٰ 13:39

بیدِرِک اُتلاری اِکِن دوشمان شِیطاندیر.‏ اُراق واقتی دونیَه‌نینگ آخیریدیر، اُراقچیلار بُلسا پِریشده‌لِردیر.‏

مَتّیٰ 13:40

شِیلِلیک بیلِن، بیدِرِک اُتلار نَهیلی ییغیلیپ، اُددا یاقیلیان بُلسا، دونیَه‌نینگ آخیریندا هِم شِیله بُلار.‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

یوحنا 1:29

اِرتِسی گونی یحیی اُز یانینا گِلیَن عیسانی گُروپ، شِیله دییدی:‏ ‏«‏اینه، دونیَه‌نی گونَه‌دِن گُتِریَن خودایینگ قوزوسی!‏

یوحنا 17:24

اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

۱ قُرِنتُس‌لار 10:11

بولارینگ باری باشغالارا نِمونه بُلسون دییّپ، آتا-بابالاریمیزینگ باشیندان ایندی.‏ بو زامانینگ آخیرقی گونلِرینده یاشایانلارا، یَعنی بیزه بیلدیرمِک حُکمونده یازیلدی.‏

غَلاطیه‌لِر 4:1

مِن سیزه شونی هِم آیدایین:‏ میراثدار هِمّه مولکَه اِیه بُلسا-دا، چاغالیق واقتیندا قولدان هیچ فارقی یُقدور.‏

اِفِسُسلار 1:10

واقتی گِلِنده، خودای بو نییِتینی یِرینه یِتیریپ، یِردَکی و آسمانداقی هِمّه زاتلاری بیر باشا، یَعنی مسیحده، بیرلِشدیرِر.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 1:2

اِمّا بو آخیرقی گونلِرده بُلسا اُل بیزه اُز اُغلونینگ اوستو بیلِن کِپلِدی.‏ اُغلونینگ اوستو بیلِن خودای عالِم-جاهانی یارادیپ، اُنی هِمّه زادینگ میراثچیسی اِدیپ بِلِّدی.‏

عِبرانیلار 10:10

بیز بو ایسلِگَه گُرَه، عیسی مسیحینگ بِدِنینینگ هِمّه زات اوچین بیر گِزِک و هِمیشه‌لیک قربانی اِدیلمِگینینگ اوستو بیلِن مُقادِّس اِدیلدیک.‏

عِبرانیلار 10:12

اِمّا مسیح گونَه‌لِری هِمیشه‌لیک یوویان یِکِجه قربانلیغی هُدورلَندِن سُنگ، خودایینگ ساغیندا اُتوردی.‏

عِبرانیلار 10:26

اِگِر بیز حاقیقات بیلیمینی قابول اِدِنیمیزدِن سُنگرا بیلگِشیلجه گونَه اِتسِک، گونَه‌لِری باغیشلاماق اوچین ایندی قربانلیق یُقدور.‏

عِبرانیلار 10:4

سِبَبی سیغیرلارینگ و گِچیلِرینگ قانی بیلِن گونَه‌لِری یووماق مومکین دَلدیر.‏

عِبرانیلار 4:3

بیز بُلسا ایمان گِتیرِندیگیمیز اوچین، دینچلیق مِکانینا گیرِریس.‏ ایمان گِتیرمِدیکلِر حاقدا بُلسا خودای شِیله دییدی:‏ ‏«‏شُنگا گُرَه، اُلار دینچلیق مِکانیما آصلا گیرمِزلِر دییّپ، اُز غاضابیمدا مِن قاسام ایچدیم.‏»‏ اُل بو یِرینگ حتّیٰ دونیَه‌نی یارادانی بَری تاییار اِدیلِندیگینی آیتدی.‏

عِبرانیلار 7:27

بِیلِکی باش کاهینلار هِر گون اَوَّل اُز گونَه‌لِری، سُنگرا خالقینگ گونَه‌لِری اوچین قربانلیق هُدورلِمِلیدیلِر.‏ اِمّا عیسی اُلارینگقی یالی اِتمِگینگ گِرِگی یُق، سِبَبی اُل هِمّه زات اوچین اُزونی بیر گِزِکده قربانی اِدیپ، بو ایشی بیتیردی.‏

عِبرانیلار 9:12

اُل اینگ مُقادِّس اُتاقا گِچیلِرینگ و تانالارینگ قانی بیلِن دَل-ده، اُز قانی بیلِن گیریپ، بیر گِزِک و هِمیشه‌لیک بیزینگ اِبِدی آزادلیغیمیزی قازاندی.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

۱ پِطرُس 1:20

مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ پِطرُس 4:7

هِمّه زاتلارینگ آخیری یاقین گِلدی.‏ مونونگ اوچین آچیق دوشونجِلی بُلوپ، خاباردارجا دُغا اِدینگ.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏

۱ یوحنا 3:8

گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر.‏ اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 17:8

سِنینگ گُرِن جاناوارینگ بیرواقتلار باردی، یُنه ایندی یُق، و هِلَک بُلمازیندان اُنگ دویپسوز قوییدان چیقار.‏ یِر یوزونینگ یاشایانی، یَعنی دونیَه یارادیلانی بَری آدلاری یاشاییش دِفتِرینه یازیلمادیقلار بو جاناواری گُرِنلِرینده حایران قالارلار، سِبَبی اُل بیرواقتلار باردی، ایندی یُق، یُنه یِنه گِلِر.‏