عِبرانیلار 9:15 - مُقادِّس کیتاب

¹⁵ شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی.‏ اُلاری اَوَّلکی عَهد زاماندا اِدِن گونَه‌لِرینینگ جِزاسیندان آزاد اِتمِک اوچین اُل قربانی بُلدی.‏

عِبرانیلار 9:15 ပူးပေါင်းရင်းမြစ်များ

مَتّیٰ 19:29

هِر کیم مِنینگ خاطیرام اوچین اُیلِرینی، دُغانلارینی، آیال دُغانلارینی، آتاسینی، اِنه‌سینی، اُغلان-اوشاقلارینی، مال مولکلِرینی تِرک اِدِن ایزینا یوز بِرابار اِدیپ قایتاریپ آلار.‏ اُلار اِبِدی یاشایشینگ میراثچیسی بُلارلار.‏

مَتّیٰ 22:3

اُل طُویا چاغیریلانلارا دِرِّو خابار اِتمِک اوچین خیدماتکَرلِرینی ایبِریَر، اِمّا چاغیریلانلار گِلمِک ایسلِمِیَرلِر.‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

مَتّیٰ 25:36

یالانگاچدیم، گِییم گِیدیردینگیز، مِریضدیم، سُراماغا گِلدینگیز، زینداندیم، گُرمَگه گِلدینگیز.‏“‏

مَرقُس 10:17

عیسی یانگی یُلا دوشِن ماحالی بیر آدام یُرتوپ گِلدی-ده، اُوونده دیزا چُکوپ، اُندان:‏ ‏«‏اِی یاخشی اُستاد!‏ مِن اِبِدی یاشایشی میراث آلماق اوچین نَمه اِتمِلی؟»‏ دییّپ سُرادی.‏

لوقا 18:18

بیر یُلباشچی عیسادان:‏ ‏«‏اِی یاخشی اُستاد!‏ مِن اِبِدی یاشایشی میراث آلماق اوچین نَمه اِتمِلی؟»‏ دییّپ سُرادی.‏

لوقا 22:20

شِیله هِم شامدان سُنگ، شِرابلی کَسَنی آلیپ، اُلارا:‏ ‏«‏بو کَسه مِنینگ سیزینگ اوچین دُکولیَن قانیم سِبَبی باغلانیشیلان تَزه عَهددیر.‏

یوحنا 10:28

مِن اُلارا اِبِدی یاشاییش بِریَرین.‏ اُلار آصلا هِلَک بُلماز، هیچ کیم اُلاری مِنینگ اِلیمدِن قاقیپ آلماز.‏

رِسول‍لار 20:32

‏«‏ایندی بُلسا مِن سیزی خودایا و اُنونگ مِرحِمِتلی سُزونَه تابشیریارین.‏ بو سُز سیزه گویچ-قودرات بِرِر و مُقادِّس بُلانلارینگ آراسیندا میراث بِرِر.‏

رومیلار 5:10

چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر.‏

رومیلار 5:6

بیزینگ اُزومیزی آقلاماغا گویجومیز یُقّا، عیسی مسیح بِلِّنِن واقتیندا بیز خودایسیزلار اوچین اُلدی.‏

رومیلار 5:8

اِمّا عیسی مسیح هِنیز گونَه‌کَرکَک، بیزینگ اوچین اُلدی.‏ شِیدیپ، خودای بیزه بُلان سُیگوسینی گُرکِزدی.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 8:28

بیز خودایی سُییَنلِر و اُنونگ ماقصادینا گُرَه چاغیریلانلار اوچین هِمّه زاد پِیداسینا اِدیلیَندیگینی بیلیَریس.‏

رومیلار 8:30

خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏

رومیلار 9:24

خودایینگ شِیله مِرحِمِت اِدِنلِرینینگ و چاغیرانلارینینگ آراسیندا دینگه یَهودیلِر دَل، اُندان باشغا میلِّتلِر هِم باردیر.‏ هاووا، بولارینگ آراسیندا بیز هِم باردیریس.‏

۲ قُرِنتُس‌لار 3:6

اُل بیزه تَزه عَهدینگ خیدماتچیلاری بُلماق باشارجاغینی بِردی.‏ بو عَهد یازیلان شِریغاتینگ اوستو بیلِن دَل-ده، مُقادِّس روحونگ اوستو بیلِن قاییملاناندیر.‏ چونکی یازیلان شِریغات اُلومه اِلتیَر، اِمّا مُقادِّس روح بُلسا یاشاییش بِریَر.‏

غَلاطیه‌لِر 3:20

یِکِجه بیرینینگ بُلان یِرینده بُلسا تُوِلّاچی گِرِک بُلمایار.‏ خودای هِم بُلسا یِکِجه‌دیر.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

۲ تِسالونیکیلِر 2:14

اُل تانگریمیز عیسی مسیحینگ بِییکلیگینَه اُرتاق بُلوپ بیلِرینگیز یالی، واغیظ اِدیَن خوش خاباریمیزینگ اوستو بیلِن سیزی بولارا چاغیردی.‏

۱ تیموتاوس 2:5

چونکی یِکه بیر خودای باردیر.‏ خودای بیلِن آداملارینگ آراسیندا هِم یِکه بیر تُوِلّاچی باردیر، یَعنی اینسان بُلان عیسی مسیحدیر.‏

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

عِبرانیلار 10:34

زیندانداقیلارینگ-دا دِردلِرینی دِنگ چِکیشدینگیز، اُزونگیزده خاص قاوی هِم باقی بایلیغینگ باردیغینی بیلیپ، مال-مولکینگیزینگ آلینماغینی شاتلیق بیلِن قابول اِتدینگیز.‏

عِبرانیلار 10:36

صابیر-طاقاتلی بُلوپ، خودایینگ اِراداسینی بِرجای اِدینگ، شُندا خودایینگ واعداسینا قاوشارسینگیز.‏

عِبرانیلار 11:13

بو آداملارینگ هِمّه‌سی اینگ سُنگقی دِمینه چِنلی خودایا ایمان گِتیریپ یاشادیلار.‏ اُلار واعدا اِدیلِن یوردا قاووشماسالار-دا، اُل یِری اوزاقدان گُروپ شاتلاندیلار.‏ اُزلِرینینگ یِر یوزونده گُچوپ هِم بیگانه‌دیکلِرینی بُیون آلدیلار.‏

عِبرانیلار 12:24

سیز تَزه عَهدینگ بُنیاتچیسی عیسانینگ حوضورینا گِلدینگیز.‏ هابیل‌ینگ اِنتِقام آلماغا قیغیریان قانینا دَل-ده، شِیله بُلسا گونَه‌لِریمیزی یووماق اوچین سِپیلِن عیسانینگ قانینا یاقینلاشدینگیز.‏

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

عِبرانیلار 2:14

بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی.‏ اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،

عِبرانیلار 3:1

شُنونگ اوچین هِم، اِی مِنینگ بیلِن بیله خودای طارافیندان چاغیریلان مُقادِّس عزیزلِر، هِمّه فیکرینگیز عیسادا بُلسون!‏ اُل بیزینگ ایقرار اِدیَن رِسول و باش کاهینیمیزدیر.‏

عِبرانیلار 6:13

خودای ابراهیما واعدا بِرِنده، اُزوندِن بِییک هیچ کیمینگ یُقدوغی اوچین، اُز آدیندان قاسام ایچدی.‏

عِبرانیلار 6:15

شِیلِلیکده، ابراهیم صابیر-طاقات بیلِن قاراشیپ، بِرلِن واعدا یِتدی.‏

عِبرانیلار 7:22

بو قاسامینگ اوستو بیلِن عیسی خاص قاوی عَهدینگ ضامِنی بُلدی.‏

عِبرانیلار 8:13

خودای بو عَهده ‏«‏تَزه»‏ دییمِک بیلِن، اُوالقی عَهدینگ کُهنه‌لِندیگینی گُرکِزدی.‏ کُهنه‌لیپ، ضایالانان زات بُلسا، باسیم یُق بُلوپ گیدیَندیر.‏

عِبرانیلار 9:12

اُل اینگ مُقادِّس اُتاقا گِچیلِرینگ و تانالارینگ قانی بیلِن دَل-ده، اُز قانی بیلِن گیریپ، بیر گِزِک و هِمیشه‌لیک بیزینگ اِبِدی آزادلیغیمیزی قازاندی.‏

عِبرانیلار 9:16

واعداسینا گُرَه هایسیدیر بیر وِصیِت نامه بار بُلسا، اُندا وِصیِتچینینگ اُلِندیگینی بِلّی اِتمِک گِرِک.‏

عِبرانیلار 9:28

اِدیل شُنونگ یالی، مسیح هِم کَن آداملارینگ گونَه‌لِرینی یووماق اوچین، بیر گِزِک قربانی بُلدی.‏ اِمّا اُل ایکینجی گِزِک گِلِنده، گونَه‌لِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.‏

یعقوب 1:12

ایمتِحانا جیدایان آدام خوشواقتدیر، سِبَبی اُل ایمتِحاندان گِچِندِن سُنگ، یاشاییش تاجینی آلار.‏ خودای بو یاشاییش تاجینی اُنی سُیِنلِره واعدا بِردی.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

۱ یوحنا 2:25

چونکی مسیح بیزه اِبِدی یاشایشی واعدا بِردی.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏