عِبرانیلار 9:14 - مُقادِّس کیتاب

¹⁴ اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

عِبرانیلار 9:14 ပူးပေါင်းရင်းမြစ်များ

مَتّیٰ 12:28

مِن جینلاری خودایینگ روحی بیلِن کُویان بُلسام، اُندا خودایینگ پادیشاهلیغی سیزه-ده گِلِندیر.‏

مَتّیٰ 16:16

شمعون پِطرُس:‏ ‏«‏سِن دیری خودایینگ اُغلی مسیحسینگ»‏ دییّپ جُغاپ بِردی.‏

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَتّیٰ 7:11

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره خاص-دا کَن قاوی زادلار بِرمِزمی؟

لوقا 1:74

دوشمانلاریمیزینگ اِلیندِن بیزی آزاد اِتمَگه، عُمرومیز بُیی حوضوریندا قُرقوسیز، مُقادِّسلیک هِم دُغرولیق بیلِن قولّوق اِتمَگه مومکینچیلیک بِردی.‏

لوقا 12:24

قارغا قوشلارا گُزَنگ، اُلار نه اِکیَرلِر، نه-ده اُریارلار.‏ اُلارینگ نه آمّارلاری، نه-ده اییمیت ساقلانیان جایی بار.‏ مونگا باقمازدان، خودای اُلاری اییمیتلِندیریَر.‏ سیز قوشلاردان نَچه بِرابار اَهمییِتلیسینگیز!‏

لوقا 12:28

اِمّا بو گون بار بُلوپ، اِرتیر تامدیرا زینگیلجاق بیابان اُتونی خودای شِیله گِییندیریَن بُلسا، سیزی اُندان خاص کَن گِییندیریَر، اِی ایمانی آزلار.‏

لوقا 4:18

‏«‏خودایینگ روحی اوستومدِدیر.‏ قاریپلارا خوش خاباری بیلدیرمِگیم اوچین، اُل مِنی سِچیپ سایلادی؛ زیندانیلارا آزادلیغی، کُرلِره گُزونینگ آچیلجاقدیغینی خابار بِرمَگه اُل مِنی ایبِردی.‏ ظولوم آشاغیندَکیلِری آزادلیغا چیقارماغا،

یوحنا 3:34

خودایینگ ایبِرِنی خودایینگ سُزلِرینی آیدیاندیر، سِبَبی خودای اُنگا مُقادِّس روحی اُلچِگسیز بِریَر.‏

رِسول‍لار 1:2

اُل آسمانا گُتِریلمِزدِن اُنگ، مُقادِّس روحونگ اوستو بیلِن اُز سایلان رِسول‍لارینا تابشیریقلار بِردی.‏

رِسول‍لار 10:38

خودایینگ ناصِره‌لی عیسانی مُقادِّس روح و گویچ-قودرات بیلِن دُلدوریپ، اُنی سایلاپ-سِچِندیگینی بیلیَنسینگیز.‏ عیسی دُرت طارافا آیلانیپ، کَن یاخشی ایشلِر اِتدی، شِیطانینگ حُکومدارلیغیندان عاذاپ چِکیَنلِرینگ بارینا شِفا بِردی، سِبَبی خودای اُنونگ بیلِندی.‏

رِسول‍لار 14:15

‏«‏آداملار!‏ نَمه اوچین بِیله اِدیَرسینگیز؟ بیز هِم سیزه مِنگزِش اینساندیریس.‏ سیزه خوش خابار آلیپ گِلدیک.‏ ایندی بو بُش زاتلاردان اِل چِکینگ-ده، یِری، آسمانی، دِریانی و اُلارینگ ایچیندَکی هِمّه زاتلاری یارادان دیری خودایا طاراف دُلانینگ.‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رومیلار 1:20

خودایینگ گُزه گُرونمِیَن صیفاتلاری، یَعنی اِبِدی قودراتی و حاق خودایدیغی دونیَه بِجِرلِندِن بَری اُنونگ یارادان زاتلاریندان مِسه-معلیم گُرونیَندیر.‏ شُنگا گُرَه-ده، آداملارینگ:‏ ‏«‏خودای بارادا بیلمِیَریس»‏ دییمَگه هیچ باهاناسی یُقدور.‏

رومیلار 1:4

خودای تانگریمیز عیسی مسیحی اُلومدِن دیرِلدیپ، اُنی مُقادِّس روحدان دُلدوردی و شِیدیپ، اُنونگ خودایینگ قودراتلی اُغلودیغی تاصدیقلاندی.‏

رومیلار 11:12

هاووا، یَهودیلِرینگ بو موطیع‌سیزلیغی هِمّه دونیَه‌نینگ نِجات بِریلمِگینه سِبَپ بُلدی.‏ اُلارینگ بو موطیع‌سیزلیغی باشغا میلِّتلِر اوچین پِیدالی بُلدی.‏ اِگِر اُلارینگ موطیع‌سیزلیغی شِیله آزادلیق گِتیرِن بُلسا، اُندا اسرائیل خودایا دُلاناندا، بو آزادلیقا گُر باق نَهیلی بُلار!‏

رومیلار 11:24

اِگِر سیز وَحشی زِیتون باغیندان کِسیلیپ، اُز طِبیغی بُلشونگیزا باقمازدان، ساقلانیپ یِتیشدیرِلِن زِیتونا سِپلِنِن بُلسانگیز، اُندا آصلی بو باغدان بُلان شاخالار اُز زِیتونینا خاص آنگسات سِپلِنِر!‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

رومیلار 6:22

یُنه ایندی گونَه‌نینگ ایختییاریندان آزاد اِدیلیپ، خودایینگ قولی بُلدونگیز.‏ مونونگ نِتیجه‌سی مُقادِّس یاشاماقلیق، سُنگی بُلسا اِبِدی یاشاییشدیر.‏

۱ قُرِنتُس‌لار 15:45

چونکی مُقادِّس یازغیلاردا شِیله یازیلاندیر:‏ ‏«‏اَوَّلکی اینسان، یَعنی آدام، جانلی یاشایان بُلدی»‏.‏ آخیرقی آدام، یَعنی عیسی، یاشاییش بِریَن روح بُلدی.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

غَلاطیه‌لِر 2:19

شِریغاتینگ اُزی مِنی اُلومه مَحکوم اِتدی.‏ شُنگا گُرَه-ده، مِن شِریغات اوچین اُلی بُلوپ، ایندی خودای اوچین یاشایاندیرین.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

۱ تِسالونیکیلِر 1:9

چونکی، اُلار اُزلِری سیزینگ بیزی قابول اِدیشینگیز بارادا گورّونگ بِریَرلِر.‏ شِیله-ده سیزینگ بُتلاردان یوز اُوروپ، خودایا طاراف اُورولِندیگینگیزی آیدیپ بِریَرلِر.‏ سیز ایندی حاقیقی، دیری خودایا خیدمات اِدیَرسینگیز،

۱ تیموتاوس 1:17

اِبِدیلیگینگ پادیشاهسی، اُلمِز و گُزه گُرونمِز یِکه خودایا اِبِدی حُرمات و بِییکلیک بُلسون!‏ اَمین.‏

۱ تیموتاوس 3:15

یُنه باردی-گِلدی اِگلِنمِلی بُلایسام، سِن خودایینگ ماشغالاسینینگ، یَعنی حاقیقاتینگ بُنیادی و دیرِگی بُلان دیری خودایینگ کِلیساسینداقی آداملارینگ اُزلِرینی نَهیلی آلیپ بارمالیدیغینی بیلمِلیسینگ.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 10:10

بیز بو ایسلِگَه گُرَه، عیسی مسیحینگ بِدِنینینگ هِمّه زات اوچین بیر گِزِک و هِمیشه‌لیک قربانی اِدیلمِگینینگ اوستو بیلِن مُقادِّس اِدیلدیک.‏

عِبرانیلار 10:12

اِمّا مسیح گونَه‌لِری هِمیشه‌لیک یوویان یِکِجه قربانلیغی هُدورلَندِن سُنگ، خودایینگ ساغیندا اُتوردی.‏

عِبرانیلار 10:2

اِگِر کَمیل اِدیپ بیلیَن بُلسادی، اُندا قربانلیق هُدورلِمِگی بِس اِدیلمِزمیدی؟ چونکی عیبادات اِدیَنلِر گونَه‌دِن بیر گِزِک پَکلِنِنلِریندِن سُنگ، اُلارینگ وِجدانی گونَه‌لِرینینگ پَکلِنمِگینه قایدیپ مَحتَج بُلمازدی.‏

عِبرانیلار 10:22

شُنگا گُرَه-ده، تویس یورِکدِن و کَمیل اینامداقی ایمان بیلِن خودایا یاقینلاشایلینگ.‏ مسیح قالبیمیزی اُز قانی بیلِن پَکلَپ و وِجدانیمیزی گونَه‌دِن آزاد اِتدی و بِدِنیمیزی آراسّا سو بیلِن یوودی.‏

عِبرانیلار 11:21

یعقوب اُلوپ باریان واقتیندا، ‌عصاسینا سُیِنیپ، یوسفینگ ایکی اُغلونا ایمانینگ اوستو بیلِن بِرِکِت بِردی و خودایا سِجده اِتدی.‏

عِبرانیلار 13:12

شُنگا گُرَه، عیسی هِم شَهر دِروِزه‌سیندِن داشاردا عاذاپ چِکیپ اُلدی.‏ اُل خالقینی اُز قانی بیلِن پَکلِدی.‏

عِبرانیلار 3:12

اِی عزیزلِر، خاباردار بُلونگ!‏ سیزینگ هیچ بیرینگیزده یامان نییِتلی و ایمانسیز یورِک بُلماسین، بولار سیزی دیری خودایدان داشلاشدیرماسین.‏

عِبرانیلار 6:1

شُنونگ اوچین، گِلینگ، عیسی مسیح باراداقی باشلانان تَعلیمدا قالمان اُوه حِرِکِت اِدیپ، ایماندا گویچلِنِیلینگ و ایزا قایتمایلینگ.‏ اُلومه اِلتیَن ایشلِره توبا اِتمِک، خودایا ایمان گِتیرمِک،

عِبرانیلار 7:16

اُنونگ کاهینلیغی بو فانی دونیَه‌نینگ ایسلِگینه، یَعنی نِسلدِن-نِسله گِچیَن شِریغاتا دَل-ده، اُندا مِلکیصِدِق کاهینلیغی یالی اِبِدی یاشاییش قودراتینا دِلیل گِتیرِندیر.‏

عِبرانیلار 7:27

بِیلِکی باش کاهینلار هِر گون اَوَّل اُز گونَه‌لِری، سُنگرا خالقینگ گونَه‌لِری اوچین قربانلیق هُدورلِمِلیدیلِر.‏ اِمّا عیسی اُلارینگقی یالی اِتمِگینگ گِرِگی یُق، سِبَبی اُل هِمّه زات اوچین اُزونی بیر گِزِکده قربانی اِدیپ، بو ایشی بیتیردی.‏

عِبرانیلار 9:12

اُل اینگ مُقادِّس اُتاقا گِچیلِرینگ و تانالارینگ قانی بیلِن دَل-ده، اُز قانی بیلِن گیریپ، بیر گِزِک و هِمیشه‌لیک بیزینگ اِبِدی آزادلیغیمیزی قازاندی.‏

عِبرانیلار 9:26

بِیله بُلسا، مسیح دونیَه یارادیلان بَری بیرنَچه گِزِک عاذاپ چِکمِلی بُلاردی.‏ مونگا دِرِک اُل آداملارینگ گونَه‌لِرینی یووماق اوچین اُزونی قربانی اِتمِک بیلِن آخیرقی دُوورده بیر گِزِک گِلدی.‏

عِبرانیلار 9:7

اِمّا چادیرینگ ایکینجی اُتاقینا ییلدا بیر گِزِک دینگه باش کاهین گیریَردی.‏ اُل اُزی اوچین و خالقینگ بیلمِزلیکدِن اِدِن گونَه‌لِری اوچین هُدورلِمَگه اُزی بیلِن هِمیشه قربانلیق قانینی آلمالیدی.‏

عِبرانیلار 9:9

مُقادِّس چادیر و اُنونگ واجیپلاری حَضیرکی زامان اوچین بیر نیشانیدیر.‏ بو هُدورلِنیَن صاداقالار و قربانلیقلار عیبادات اِدیَن آدامینگ وِجدانینی پَکلَپ بیلمِیَندیگینی گُرکِزیَر.‏

۱ پِطرُس 1:19

تِرسینه، خودایینگ عایپسیز هِم پَک قربانلیق قوزوسی بُلان مسیحینگ قیماتلی قانینینگ اوستو بیلِن نِجات تاپاندیرسینگیز.‏

۱ پِطرُس 2:22

‏«‏اُل هیچ هیلی گونَه اِتمِدی، آغزیندان هیچ بیر مِکرلی سُز چیقمادی»‏.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ پِطرُس 4:2

ایندی بو بِدِندَکی قالان یاشاجاق عُمرونگیزده اینسانینگ هُوِسینه گُرَه دَل-ده، خودایینگ ایسلِگینه گُرَه یاشانگ.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏