عِبرانیلار 8:10 - مُقادِّس کیتاب

¹⁰ اینه، اُل گونلِردِن سُنگ مِنینگ اسرائیل خالقی بیلِن باغلاشجاق عَهدیم شودور:‏ مِن حُکوملِریمی اُلارینگ فیکرینَه سالیپ، یورِکلِرینه یازارین.‏ مِن اُلارینگ خودایی بُلارین، اُلار-دا مِنینگ خالقیم بُلار.‏ مونی خودای آیدیاندیر.‏

عِبرانیلار 8:10 ပူးပေါင်းရင်းမြစ်များ

مَتّیٰ 22:32

‏”‏مِن ابراهیمینگ، اسحاقینگ و یعقوبینگ خوداییدیرین“‏ دییِنینی اُقیمادینگیزمی؟ اُل اُلولِرینگ دَل-ده، دیریلِرینگ خوداییدیر.‏»‏

۱ قُرِنتُس‌لار 6:16

اُندا هِر کیم اُزونی فاحیشه بیلِن بیرلِشدیرسه اُنونگ بیلِن بیر تِن بُلیاندیغینی بیلمِیَرسینگیزمی نَمه؟ چونکی تُورات‌دا:‏ ‏«‏ایکیسی بیر تِن بُلیار»‏ دییّپ یازیلاندیر.‏

۲ قُرِنتُس‌لار 3:3

مسیحینگ نامه‌سی سیزسینگیز، بو مِسه-معلیم زات و بو نامه‌میز خیدماتیمیزینگ نِتیجه‌سیدیر.‏ بیز اُنی جوهِر بیلِن دَل-ده، دیری خودایینگ روحونینگ اوستو بیلِن یازدیق.‏ اُل یاسّی داش بُلِکلِرینه دَل-ده، اینسان یورِگینه یازیلاندیر.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 11:16

اِمّا اُلار خاص قاووسینی، یَعنی آسمانداقی واطانی آرزو اِدیَردیلِر.‏ شُنونگ اوچین خودای اُزونی اُلارینگ خودایی دییّپ آدلاندیرماقدان اوتانمایار.‏ چونکی خودای اُلار اوچین بیر شَهر تاییارلادی.‏

یعقوب 1:18

یارادانلارینینگ آراسیندا اُنونگ بیرینجی میوه‌سی بُلماغیمیز اوچین، خودای حاقیقات سُزونینگ اوستو بیلِن بیزه تَزه یاشاییش بِرمِگی قارار اِتدی.‏

یعقوب 1:21

شُنونگ اوچین هِم تِلِکه‌لیگی و هِر هیلی یامانلیغی کَنِلتیَن زادی زینگیپ اُقلانگ-دا، خودایینگ قالبینگیزا اِکِن سُزونی فُروتَنلیک بیلِن قابول اِدینگ.‏ بو سُز جانینگیزی نِجات بِرمِگی باشاریاندیر.‏

۱ پِطرُس 1:23

سیز فانی تُخومدان دَل-ده، شِیله بُلسا، اِبِدی تُخومدان، یَعنی خودایینگ دیری هِم باقی قالیان سُزونینگ اوستو بیلِن تَزه‌دِن دُغولدینگیز.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏