عِبرانیلار 6:9 - مُقادِّس کیتاب

⁹ عزیز دُستلار، بیز شِیله دییسِک هِم، سیزینگ بِیله دَلدیگینگیزی بیلیَریس.‏ سیزینگ دُغری یُلدان یُریپ، نِجات تاپجاقدیغینگیزا اینانیاریس.‏

عِبرانیلار 6:9 ပူးပေါင်းရင်းမြစ်များ

مَرقُس 16:16

ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏

رِسول‍لار 11:18

دُغانلار بو سُزلِری اِشیدِنلِریندِن سُنگرا کُشیشدیلِر.‏ خودایی بِییکلِندیریپ:‏ ‏«‏دُغریدان-دا خودای حتّیٰ باشغا میلِّتلِره-ده توبا اِدیپ، باقی یاشایشا قاووشماقلیغی بِریپدیر»‏ دییّشدیلِر.‏

رِسول‍لار 20:21

مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

۱ قُرِنتُس‌لار 10:14

شُنونگ اوچین، اِی مِنینگ عزیزلِریم، بُت‌پَرَستلیکدِن قاچینگ.‏

۲ قُرِنتُس‌لار 12:19

هَه، سیز هِنیز-ده اُزومیزی سیزینگ اُوونگیزده آقلایاندیریس دییّپ گومَن اِدیَنگیزمی نَمه؟ یُق، بیز مسیحه دِگیشلی بُلوپ، خودایینگ حوضوریندا سیزه شونی آیدیاریس:‏ اِی سُیگولی دُستلار، بیزینگ هِمّه اِدیَنلِریمیز سیزی گویچلِندیرمِک اوچیندیر.‏

۲ قُرِنتُس‌لار 7:1

اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

۲ قُرِنتُس‌لار 7:10

چونکی خودایدان بُلان قینانچ آدامی توبا گِتیریپ، اُنونگ نِجات تاپماغینا سِبَپ بُلیار.‏ بو توبا اُکوندیریَن دَلدیر.‏ اِمّا دونیَه‌دِن بُلان قینانچ اُلومه اِلتیَندیر.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

عِبرانیلار 10:34

زیندانداقیلارینگ-دا دِردلِرینی دِنگ چِکیشدینگیز، اُزونگیزده خاص قاوی هِم باقی بایلیغینگ باردیغینی بیلیپ، مال-مولکینگیزینگ آلینماغینی شاتلیق بیلِن قابول اِتدینگیز.‏

عِبرانیلار 10:39

بیز ایماندان دَنیپ، هِلَک بُلیان دَل-ده، ایمانیمیزا وِفالی بُلوپ، نِجات تاپیان آداملارداندیریس.‏

عِبرانیلار 2:3

بیز شوندان سُنگ نِجات تاپماغینگ بو عجاییپ یُلونی اینکَر اِتسِک، جِزادان قاچیپ بیلِریسمی؟ نِجات تاپماغینگ بو یُلونی اُزال-باشدا تانگری عیسی اِعلان اِتدی و اُنونگ آغزیندان اِشیدِنلِر تاصدیقلادیلار.‏

عِبرانیلار 5:9

شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّه‌سینی اِبِدیلیک نِجات بِرمِگی باشاریار.‏

عِبرانیلار 6:10

خودای عادالاتلیدیر، چونکی اُل سیزینگ بیتیرِن ایشینگیزی، اُنونگ خالقینا اِدِن و اِدیَن خیدماتینگیز بیلِن اُزونه بُلان سُیگینگیزی یاددان چیقارماز.‏

۱ پِطرُس 2:11

عزیز دُستلار، روحونگیزا قارشی اوروشیان گونَه‌لی هُوِسلِردِن داش دورونگ دییّپ یالباریارین.‏ چونکی سیز بو دونیَه‌ده کِسِکی هِم بیگانه‌سینگیز.‏

۲ پِطرُس 3:1

اِی عزیزلِر، ایندی سیزه بو ایکینجی نامه‌نی یازیارین.‏ بو ایکی نامه‌دا-دا پَک فیکرلی بُلمالیدیغینگیزی یادلاتماق بیلِن دوشونجَنگیزی توروزیارین.‏

۱ یوحنا 2:7

اِی عزیزلِریم، مِن سیزه تَزه حُکوم دَل-ده، اُزال-باشدان بِرلِن کُهنه حُکومی یازیارین.‏ بو کُهنه حُکوم سیزینگ اُوالقی اِشیدِن سُزونگیزدیر.‏

یهودا 1:3

اِی عزیزلِر، مِن سیزه خودایینگ مِنی و سیزی نَهیلی نِجات بِرِندیگی بارادا یازماغی خاص دُغری بیلیَردیم.‏ اِمّا مونگا دِرِک خودایینگ اُز مُقادِّس خالقینا بیر گِزِک و هِمیشه‌لیک تابشیران ایمانی اوغروندا سیزی چالیشماغا قووات بِریپ یازماغیمینگ خاص-دا واجیپدیغینا گُز یِتیردیم.‏