عِبرانیلار 6:4 - مُقادِّس کیتاب

^4-6 کیم اُنگ بیر گِزِک خودایدان نورلانیپ، آسمانینگ ناغماتینی آلاندان سُنگرا، شِیله هِم مُقادِّس روحا شِریک بُلوپ، خودایینگ خوش خابارینینگ یاخشیلیغینی دادیپ، گِلجِکّی زامانینگ قودراتینی گُرِندِن سُنگرا، خودایدان یوز اُوروپ، یُلدان چیقسا، اُنی تَزه‌دِن توبا گِتیرمِک مومکین دَل.‏ سِبَبی اُل آدام خودایینگ اُغلونی قایتادان صلیبه چویلَپ، ایله رُسوا اِدیَندیر.‏

عِبرانیلار 6:4 ပူးပေါင်းရင်းမြစ်များ

مَتّیٰ 12:45

سُنگرا گیدیپ، اُزوندِن هِم تِلِکه یِدی روحی یانینا آلیار-دا، شُل یِره باریپ مِسکِن توتیار.‏ شِیلِلیکده، اُل آدامینگ سُنگقی یاغدایی اُزالقیسیندان هِم تِلِکه بُلیار.‏ بو یامان نِسله-ده شِیله بُلار.‏»‏

مَتّیٰ 5:13

‏«‏سیز دونیَه‌نینگ دوزوسینگیز، اِمّا دوز طاغامینی ییتیرسه، اُندا اُل نَمه بیلِن دوزلانار؟ داشاری زینگلیپ، آیاق آشاغیندا دِپِلِنمِکدِن باشغا هیچ زادا یاراماز.‏

یوحنا 15:6

کیم مِنده یاشاماسا، کِسیلِن شاخا کیمین زینگیلیپ، قورار.‏ قوران شاخالاری بُلسا ییغناپ، اُدا یاقارلار.‏

یوحنا 3:27

یحیی اُلارا شِیله جُغاپ بِردی:‏ ‏«‏آسماندان بِریلمِسه، اینسان هیچ زات اِدیپ بیلمِز.‏

یوحنا 4:10

عیسی اُنگا:‏ ‏«‏سِن خودایینگ ناغماتینی و اُزونگدِن سو دیلَنینگ کیمدیگینی بیلسِدینگ، اُزونگ اُندان سو دیلَردینگ، اُل-دا سانگا یاشاییش سووونی بِرِردی»‏ دییدی.‏

یوحنا 6:32

عیسی اُلارا:‏ ‏«‏مِن سیزه دُغروسینی آیدیارین، سیزه آسماندان چُرِک بِرِن موسی دَل.‏ آسماندان سیزه حاقیقی چُرِگی مِنینگ آتام بِریَر.‏

رِسول‍لار 10:45

پِطرُس بیلِن بیله گِلِن یَهودی ایماندارلار مُقادِّس روحونگ ناغماتینینگ باشغا میلِّتلِرینگ اوستونه-ده اینِنینی گُروپ گِنگ قالدیلار،

رِسول‍لار 11:17

شِیلِلیکده، تانگریمیز عیسی مسیحه ایمان گِتیرِنیمیزده، خودای بیزه بِرِن ناغماتینی اُلارا هِم بِرِن بُلسا، خودایا قارشی دورار یالی، مِن کیم بُلوپدیرین؟»‏

رِسول‍لار 15:8

هِر بیر اینسانینگ یورِگینی بیلیَن خودای بیزه بِرِن مُقادِّس روحونی باشغا میلِّتلِره هِم بِردی.‏ شُنونگ اوستو بیلِن اُلاری قابول اِدِندیگینی تاصدیقلادی.‏

رِسول‍لار 8:20

اِمّا پِطرُس اُنگا شِیله دییدی:‏ ‏«‏پولونگ اُزونگ بیلِن بیله یُق بُلسون!‏ سِبَبی سِن خودایینگ ناغماتینی ساتین آلارین دییّپ فیکر اِتدینگ.‏

رومیلار 1:11

سیزی خاص گُرِسیم گِلیَر، ایمانینگیزی قاییملاجاق روحانی ناغماتلاری سیزینگ بیلِن پایلاشاسیم گِلیَر.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

غَلاطیه‌لِر 3:2

مِن سیزدِن یِکه بیر زادی سُراماقچی:‏ سیز مُقادِّس روحی شِریغاتی بِرجای اِدیپ آلدینگیزمی، یا-دا سیز مُقادِّس روحی اِشیدِن خوش خابارینگیزا ایمان گِتیرِنینگیز اوچین آلدینگیزمی؟

غَلاطیه‌لِر 3:5

خودای سیزه اُز روحونی بِریپ، آرانگیزدا کَن مُعجِزه‌لِری گُرکِزدی.‏ اُل بولاری شِریغاتی بِرجای اِدِنینگیز اوچین دَل-ده، خوش خاباری اِشیدیپ، اُنگا ایناناندیغینگیز اوچین اِتدی.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 2:8

چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز.‏ بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر.‏

اِفِسُسلار 3:7

مِن خودایینگ بِییک قودراتی و هُدورلَن مِرحِمِتینگ اوستو بیلِن خوش خابارینگ خیدماتچیسی بُلدوم.‏

اِفِسُسلار 4:7

اِمّا مسیح بیزینگ هِر بیریمیزه ساخیلیق بیلِن ناغماتلار مِرحِمِت اِدیلدی.‏

۱ تیموتاوس 4:14

نبوّتلیق سُزونینگ اوستو بیلِن و کِلیسا یاشولیلارینینگ سِنینگ اوستونگه اِل قُیماغی بیلِن اُزونگه بِرلِن ناغماتی اَسگِرمِزلیک اِتمه.‏

۲ تیموتاوس 2:25

اُل اُزونه قارشی چیقیان آداملارا هِم یومشاقلیق بیلِن ناصیحات بِرمِلیدیر.‏ بِلکی، خودای بو آداملارینگ هِم توبا گِلمِگینه بیر یُل آچار.‏ اُلار-دا حاقیقاتی بیلیپ

۲ تیموتاوس 4:14

میس اوسّاسی اسکندر مانگا یامانلیق بارینی اِتدی.‏ خودای اُنگا اِدِنلِرینه گُرَه جِزاسینی بِرِر.‏

عِبرانیلار 10:32

اُوالقی گونلِرینگیزی یادینگیزا سالینگ.‏ شُندا سیز خودایدان نورلانیپ، عاذاپ و زَحمِتلِره جیداپدینگیز.‏

عِبرانیلار 2:4

خودایینگ اُزی هِم عالاماتلار، مُعجِزه‌لِر و هِر هیلی قودراتلاری گُرکِزمِک بیلِن بو خاباری تاصدیقلادی و اُز ایسلِگینه گُرَه مُقادِّس روحونگ ناغماتلارینی پایلادی.‏

۱ یوحنا 5:16

اِگِر بیری دُغانینینگ اُلومه اِلتمِیَن گونَه اِدیَنینی گُرسه، قُی، اُنونگ اوچین خودایا یالبارسین.‏ خودای اُنگا یاشاییش بِرِر.‏ مونی اُلومه اِلتمِیَن گونَه اِدیَنلِر حاقدا آیدیارین.‏ اُلومه اِلتیَن گونَه-ده باردیر.‏ بِیله گونَه اِدیَن آدام اوچین خودایا یالبارینگ دییمِیَرین.‏