عِبرانیلار 5:7 - مُقادِّس کیتاب

⁷ مسیح بو دونیَه‌ده یاشان واقتیندا گُزیاش دُکوپ، اُزونی اُلومدِن نِجات بِرمِگی باشاریان خودایا دُغالار هِم یالباریشلار بیلِن فِریاد اِتدی.‏ اُل اُزونی خودایا تابشیراندیغی اوچین خاییشی یِرینه یِتدی.‏

عِبرانیلار 5:7 ပူးပေါင်းရင်းမြစ်များ

مَتّیٰ 27:46

اُیلَن ساغات اوچ تُوِرِگی عیسی قاتی سِس بیلِن قیغیریپ:‏ ‏«‏ایلی، ایلی، لما سبقتنی؟»‏ یَعنی:‏ ‏«‏خوداییم، خوداییم!‏ نَمه اوچین مِنی تِرک اِتدینگ؟»‏ دییدی.‏

مَتّیٰ 27:50

عیسی یِنه-ده قاتی سِس بیلِن قیغیریپ، جان بِردی.‏

مَرقُس 15:34

اُیلَن ساغات اوچ تُوِرِگی عیسی قاتی سِس بیلِن قیغیریپ:‏ ‏«‏ایلی، ایلی، لما سبقتنی؟»‏ یَعنی:‏ ‏«‏خوداییم، خوداییم!‏ نَمه اوچین مِنی تِرک اِتدینگ؟»‏ دییدی.‏

مَرقُس 15:37

اِمّا عیسی قاتی قیغیریپ جان بِردی.‏

لوقا 23:46

عیسی قاتی سِس بیلِن قیغیریپ:‏ ‏«‏آتام!‏ روحومی سِنینگ اِلینگه تابشیریارین»‏ دییدی-ده، جان بِردی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 11:35

عیسانینگ گُزلِریندِن دوومه-دوومه یاش آقدی.‏

یوحنا 11:42

سِن مِنی هِمیشه-ده اِشیدیَندیگینگی بیلیَرین.‏ اِمّا بو سُزلِری شو یِرده دوران خالق اوچین، مِنی سِنینگ ایبِرِندیگینگه ایمان گِتیرسینلِر دییّپ آیتدیم»‏ دییدی.‏

یوحنا 17:1

بو زاتلاری آیدانسُنگ، عیسی گُزلِرینی آسمانا تیکیپ، شِیله دییدی:‏ ‏«‏اِی آتام، واقت گِلدی.‏ اُغلونگی بِییکلِندیر، اُغلونگ هِم سِنی بِییکلِندیرسین.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

غَلاطیه‌لِر 4:4

اِمّا بِلِّنیلِن واقت یِتیپ گِلِنده، خودای اُز اُغلونی ایبِردی.‏ اُل آیالدان دُغلوپ، شِریغاتلیغیندا یاشادی.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

عِبرانیلار 10:10

بیز بو ایسلِگَه گُرَه، عیسی مسیحینگ بِدِنینینگ هِمّه زات اوچین بیر گِزِک و هِمیشه‌لیک قربانی اِدیلمِگینینگ اوستو بیلِن مُقادِّس اِدیلدیک.‏

عِبرانیلار 10:5

شُنونگ اوچین مسیح دونیَه گِلِنده، خودایا شِیله دییدی:‏ ‏«‏قربانلیق بیلِن صاداقانی سِن ایسلِمِدینگ، اِمّا مانگا بیر بِدِن تاییارلادینگ.‏

عِبرانیلار 11:7

نوح ماشغالاسینینگ نِجات تاپماغی اوچین ایمانینگ اوستو بیلِن بیر کِشتی بِجِردی.‏ اُل هِنیز بُلمادیق واقالار حاقدا خودایدان ایلهام آلاندا، اُندان قُرقوپ، اُنگا قولاق آسدی.‏ شِیلِلیکده، تامام دونیَه مَحکوم بُلدی، نوح بُلسا ایمانینگ اوستو بیلِن تاقوالیغی میراث آلدی.‏

عِبرانیلار 12:28

شُنونگ اوچین هِم تیترِمِیَن پادیشاهلیغا قاوشاندیغیمیز اوچین شوکور اِدِیلینگ.‏ خودایی خُشنود اِتمِک اوچین اُنگا حُرمات و هِم قُرقی بیلِن عیبادات اِدِیلینگ،

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

عِبرانیلار 2:14

بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی.‏ اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،

۱ یوحنا 4:3

مونی ایقرار اِتمِیَن آدام خودایدان دَلدیر.‏ بو آدام مسیحینگ دوشمانیدیر.‏ سیز بو دوشمانینگ گِلجِکدیگینی اِشیدِنسینگیز.‏ اینه، اُل شو واقت بو دونیَه‌دِدیر.‏

۲ یوحنا 1:7

اِنچِمه آلداوچیلار دونیَه یایرادی.‏ اُلار عیسی مسیحینگ اینسان بُلوپ گِلِندیگینی اینکَر اِدیَرلِر.‏ بِیله آداملار یالانچیدیر و مسیحینگ دوشمانیدیر.‏