عِبرانیلار 5:1 - مُقادِّس کیتاب

¹ هِر بیر باش کاهین اینسانلار آراسیندان سایلانیار.‏ اُل خودایینگ حوضوریندا خالقا وِکیلچیلیک اِتمِک اوچین بِلِّنیلیپ، گونَه‌لِر اوچین خودایا صاداقالار و قربانلیقلار هُدورلِیَر.‏

عِبرانیلار 5:1 ပူးပေါင်းရင်းမြစ်များ

رومیلار 15:17

شُنگا گُرَه، قووانایسام-دا، دینگه عیسی مسیحینگ اوستو بیلِن خودایا خیدمات اِدیَندیگیمه قووانارین.‏

۱ قُرِنتُس‌لار 15:3

چونکی مِن قابول اِدِنیمی خاص واجیپ خابار حُکمونده سیزه-ده قاوشوردیم.‏ بو خابار، اینه، شوندان عیبارات:‏ مُقادِّس یازغیلارا گُرَه، مسیح بیزینگ گونَه‌لِریمیز اوچین اُلدی.‏

عِبرانیلار 10:11

هِر بیر کاهین هِر گون خیدماتا مِشغول بُلوپ، دینی ایشلِری یِرینه یِتیریَردی و شُل بیر قربانلیقلاری بیرنَچه گِزِک هُدورلِیَردی.‏ اِمّا بو قربانلیقلار هیچ واقت گونَه‌لِری یووماغی باشارمایار.‏

عِبرانیلار 10:12

اِمّا مسیح گونَه‌لِری هِمیشه‌لیک یوویان یِکِجه قربانلیغی هُدورلَندِن سُنگ، خودایینگ ساغیندا اُتوردی.‏

عِبرانیلار 11:4

هابیل ایمانینگ اوستو بیلِن خودایا قابیلدان خاص قاوی قربانلیق هُدورلِدی.‏ خودای هابیل‌ینگ قربانلیغیندان راضی بُلوپ، اُنی ایمانینگ اوستو بیلِن تاقوالی آدام حاساپلادی.‏ هابیل اُلِن هِم بُلسا، ایمانینگ اوستو بیلِن حَضیر هِم کِپلِیَر.‏

عِبرانیلار 2:17

شُنونگ اوچین اُل هِر طارافدان بیزلِره مِنگزِمِلی بُلدی.‏ شِیدیپ، اُل خالقینگ گونَه‌لِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.‏

عِبرانیلار 7:27

بِیلِکی باش کاهینلار هِر گون اَوَّل اُز گونَه‌لِری، سُنگرا خالقینگ گونَه‌لِری اوچین قربانلیق هُدورلِمِلیدیلِر.‏ اِمّا عیسی اُلارینگقی یالی اِتمِگینگ گِرِگی یُق، سِبَبی اُل هِمّه زات اوچین اُزونی بیر گِزِکده قربانی اِدیپ، بو ایشی بیتیردی.‏

عِبرانیلار 8:3

هِر بیر باش کاهین صاداقالار هِم قربانلیقلار هُدورلِمِک اوچین بِلِّنیلیَر.‏ شو سِبَپدِن بیزینگ باش کاهینیمیزینگ هِم قربانلیق هُدورلِمِگی گِرِکدی.‏

عِبرانیلار 8:4

اِگِر اُل آسماندا دَل-ده، یِرده بُلسادی، آصلیندا کاهین هِم بُلمازدی.‏ سِبَبی شِریغاتا گُرَه صاداقالاری هُدورلِیَن کاهینلار زامانی باردی.‏

عِبرانیلار 9:9

مُقادِّس چادیر و اُنونگ واجیپلاری حَضیرکی زامان اوچین بیر نیشانیدیر.‏ بو هُدورلِنیَن صاداقالار و قربانلیقلار عیبادات اِدیَن آدامینگ وِجدانینی پَکلَپ بیلمِیَندیگینی گُرکِزیَر.‏