عِبرانیلار 4:15 - مُقادِّس کیتاب

¹⁵ باش کاهینمیز آصلا گونَه اِتمِدیک هِم بُلسا، اِدیل بیز یالی هِمّه طارافدان وِسوِسه‌لِره سالنیپدی.‏ شُنونگ اوچین هِم اُل بیزینگ اِجیزلیکلِریمیزه دوشونیَر.‏

عِبرانیلار 4:15 ပူးပေါင်းရင်းမြစ်များ

مَتّیٰ 12:20

اُل عادالاتی یِرینه یِتیریَنچَه، یِمشیلِن قامشینی دُومِز، توتِیَن پِلتَنی سُندورمِز.‏

مَتّیٰ 4:1

سُنگرا عیسی شِیطان طارافیندان ایمتِحان بُلماق اوچین مُقادِّس روح سِبَبی بیابانا اَکیدیلدی.‏

لوقا 22:28

‏«‏باشیمدان گِچیرِن ایمتِحانلاریمدا مِنینگ یانیمدا بُلان سیزسینگیز.‏

لوقا 4:2

اُل یِرده عیسی قیرق گونلَپ شِیطان طارافیندان ایمتِحانا سالیندی.‏ شُل گونلِرینگ دُوامیندا اُل هیچ زات اییمِدی، قیرق گوندِن سُنگ بُلسا آجیقدی.‏

یوحنا 8:46

سیزینگ هایسینگیز مانگا گونَه یاپیپ بیلِرسینگیز؟ اِگِر مِن حاقیقاتی آیدیان بُلسام، اُندا نَمه اوچین سیز مانگا ایمان گِتیرمِیَرسینگیز؟

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

عِبرانیلار 4:14

شِیلِلیکده، ایقرار اِدِن ایمانیمیزی قاییم ساقلایلینگ!‏ چونکی بیزینگ آسمانا چیقیپ، خودایینگ حوضورینا باران بِییک باش کاهینمیز بار.‏ اُل خودایینگ اُغلی عیسادیر.‏

عِبرانیلار 5:2

باش کاهین نادانلارا و یُلدان آزاشانلارا یومشاق بُلماغی باشاریار، سِبَبی اُزونده هِم اینسان کِمچیلیکلِری بار.‏

عِبرانیلار 7:26

بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی.‏ اُل گونَه‌کَرلِردِن آیریلیپ و آسماندان هِم یُقاری گُتِریلِندیر.‏

عِبرانیلار 9:28

اِدیل شُنونگ یالی، مسیح هِم کَن آداملارینگ گونَه‌لِرینی یووماق اوچین، بیر گِزِک قربانی بُلدی.‏ اِمّا اُل ایکینجی گِزِک گِلِنده، گونَه‌لِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.‏

۱ پِطرُس 2:22

‏«‏اُل هیچ هیلی گونَه اِتمِدی، آغزیندان هیچ بیر مِکرلی سُز چیقمادی»‏.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏