عِبرانیلار 3:5 - مُقادِّس کیتاب

⁵ موسی گِلجِکده آیان اِدیلجِک سُزلِره شاهاتلیق اِتمِک اوچین، خیدماتکَر کیمین خودایینگ اُیونه اِمین بُلدی.‏

عِبرانیلار 3:5 ပူးပေါင်းရင်းမြစ်များ

مَتّیٰ 24:45

‏«‏آقاسینینگ صادیق هِم عاقیلّی خیدماتکَری کیم؟ بِیلِکی خیدماتکَرلِرینه واقتلی-واقتیندا ناهار بِرمِک اوچین، اُلارینگ اوستوندِن قُیان آدامی دَلمی؟

مَتّیٰ 25:21

آقاسی اُنگا:‏ ‏”‏بِرِکِلّا، یاخشی هِم صادیق خیدماتکَر!‏ سِن کیچیجیک ایشده صادیق بُلانینگ اوچین، ایندی بِییک ایشلِرده هِم سانگا اینانارین.‏ گِل، آقانگ شاتلیغینا اُرتاق بُل!‏“‏ دییَّر.‏

لوقا 12:42

عیسی مسیح شِیله جُغاپ بِردی:‏ ‏«‏آقاسینینگ صادیق هِم عاقیلّی ایش دُلاندیریجیسی کیم؟ بِیلِکی خیدماتکَرلِرینه واقتلی-واقتیندا ناهار بِرمِک اوچین، اُلارینگ اوستوندِن قُیان آدامی دَلمی؟

لوقا 24:27

سُنگرا اُل موسی بیلِن هِمّه پیغامبارلاردان باشلاپ، هِمّه مُقادِّس یازغیلاردا اُزی حاقدا آیدیلانلاری اُلارا دوشوندیردی.‏

لوقا 24:44

عیسی اُلارا:‏ ‏«‏مِن هِنیز یانینگیزداقام سیزه آیدان سُزلِریم شولاردیر:‏ مِن حاقدا موسانینگ تُورات‌یندا، پیغامبارلارینگ کیتاپلاریندا و زِبوردا یازیلانلارینگ هِمّه‌سی بِرجای بُلمالیدیر»‏ دییدی.‏

یوحنا 5:39

سیز اِبِدی یاشاییش مُقادِّس یازغیلاردادیر دییّپ گومَن اِدیپ، اُلاری ایخلاص بیلِن اُورِنیَرسینگیز.‏ اُلار بُلسا مِن حاقدا شاهاتلیق اِدیَرلِر.‏

رِسول‍لار 28:23

شِیلِلیکده، اُلار پولس بیلِن ساتاشماقلیق گونونی بِلِّدیلِر.‏ شُل گون اُنونگ بُلیان یِرینه خاص کَن آدام گِلدی.‏ پولس اِرتیردِن آغشاما چِنلی اُلارا خودایینگ پادیشاهلیغینی دوشوندیریپ، واغیظ اِتدی.‏ موندان باشغا-دا اُلاری ایناندیریپ، موسانینگ تُوراتی بیلِن پیغامبارلار یازغیلاریندان عیسی باراسیندا ایناندیریجی دِلیل‍لِر گِتیردی.‏

رِسول‍لار 7:37

‏«‏اینه، اسرائیل خالقینا:‏ ‏”‏خودای سیزینگ اوچین اُز خالقینگیزینگ آراسیندان مِنینگ یالی بیر پیغامبار چیقارار“‏ دییّپ آیدان هِم شو موسادیر.‏

رومیلار 3:21

یُنه ایندی خودای آقلانمانینگ شِریغاتا دِگیشلی دَل یُلونی گُرکِزدی.‏ بو یُل بارادا تُورات و پیغامبارلارینگ یازغیلاری هِم شاهاتلیق اِدیَر.‏

۱ قُرِنتُس‌لار 4:2

شِیله خیدماتچیلاردان بُلسا اِمین بُلماقلیغی طالاب اِدیلیَندیر.‏

۱ تیموتاوس 1:12

مِن تانگریمیز عیسی مسیحینگ مانگا گویچ-قووات بِرِندیگی اوچین شوکور اِدیَرین.‏ اُل مِنی اِمین حاساپلاپ، اُز خیدماتینا بِلِّدی.‏

عِبرانیلار 1:1

خودای قادیم زاماندا آتا-بابالاریمیزا پیغامبارلارینگ اوستو بیلِن کَن گِزِک و هِر هیلی یُل‍لار بیلِن کِپلِدی.‏

عِبرانیلار 3:2

موسانینگ خودایینگ اُیونده اِمین خیدماتکَر بُلشی یالی، عیسی هِم اُزونی کاهینلیغا بِلَّن خودایا وِفادار بُلدی.‏

عِبرانیلار 3:4

هِر بیر اُی کیمدیر بیری طارافیندان بینا اِدیلیَندیر، اِمّا هِمّه زادینگ بینا اِدیَنی خودایدیر.‏

عِبرانیلار 8:5

اُلار یِردَکی مُقادِّس چادیردا خیدمات اِدیَرلِر.‏ بو چادیر باری-یُغی آسمانداقی حاقیقی چادیرینگ گُرنوشی و کُلِگه‌سیدیر.‏ شُنونگ اوچین هِم خودای مُقادِّس چادیری نَهیلی بِجِرمِلیدیگی بارادا موسی شِیله تابشیریپدی:‏ ‏«‏هِمّه زادی داغدا اُزونگه گُرکِزیلِن نِمونه‌نینگ اِساسیندا بِجِرِرسینگ»‏.‏

عِبرانیلار 9:24

چونکی مسیح اینسان اِلی بیلِن بِجِرلِن و یُنه بیر گُرنوشی بُلان اینگ مُقادِّس اُتاقا گیرمِدی.‏ اُل بیزینگ اوچین شو واقت خودایینگ حوضوریندا حَضیر بُلوپ، آسمانداقی مُقادِّس اُتاقا گیردی.‏

آیانلیق 15:3

اُلار خودایینگ خیدماتکَری موسانینگ و قوزینینگ آیدیمینی آیدیاردیلار:‏ ‏«‏اِی تانگری، قودراتلی-گویچلی خودای!‏ سِنینگ ایشلِرینگ اولی و عجاییپدیر.‏ اِی میلِّتلِرینگ پادیشاهسی!‏ سِنینگ یُل‍لارینگ دُغری و حاقدیر.‏