عِبرانیلار 3:1 - مُقادِّس کیتاب

¹ شُنونگ اوچین هِم، اِی مِنینگ بیلِن بیله خودای طارافیندان چاغیریلان مُقادِّس عزیزلِر، هِمّه فیکرینگیز عیسادا بُلسون!‏ اُل بیزینگ ایقرار اِدیَن رِسول و باش کاهینیمیزدیر.‏

عِبرانیلار 3:1 ပူးပေါင်းရင်းမြစ်များ

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

یوحنا 20:21

عیسی اُلارا یِنه-ده:‏ ‏«‏سیزه سالاماتلیق بُلسون!‏ آتامینگ مِنی ایبِریشی یالی، مِن هِم سیزی ایبِریَرین»‏ دییدی.‏

یوحنا 20:27

اُنسُنگ عیسی تومانینگ یانینا باریپ، اُنگا:‏ ‏«‏بارماغینگی بو یِره دِگیر، اِل‍لِریمه سِراِت!‏ اِلینگی اوزات-دا، بُورومه دِگیر.‏ شِکلِنمَنی بِس اِت، ایمانلی بُل»‏ دییدی.‏

رِسول‍لار 1:15

بیر گون پِطرُس یوز ییگریمَه قُلای ییغنانیشان ایماندارلارینگ اُرتاسیندا دوروپ، شِیله دییدی:‏

رومیلار 11:17

هاووا، باغینگ کَبیر شاخالاری کِسیلیپ، وَحشی زِیتونینگ شاخاسی بُلان سیز اُنگا سِپلِندینگیز.‏ سیز ساقلانیپ یِتیشدیرِلِن زِیتونینگ کُکونینگ شیرِسینه شِریک بُلدونگیز.‏

رومیلار 15:27

هاووا، مونی اُلار اِتمِک ایسلِدیلِر، آصلیندا اُلار شِیله-ده اِتمِلیدیلِر.‏ چونکی یَهودی ایماندارلار یَهودی دَل‍لِر بیلِن اُز روحانی بِرِکِتلِرینی پایلاشدیلار.‏ شُنگا گُرَه-ده، یَهودی دَل‍لِر هِم اُز نوبَتیندا اُلارا مادّی مَحتَجلیکلِرینده کُمِک بِرمَگه بِرگیلیدیرلِر.‏

رومیلار 15:8

چونکی عیسی مسیح خودایینگ صادیقلیغینی آیان اِدیپ، آتا-بابالارا بِرلِن واعدالاری تاصدیقلاماق اوچین یَهودیلِرینگ خیدماتکَری بُلدی.‏

رومیلار 9:24

خودایینگ شِیله مِرحِمِت اِدِنلِرینینگ و چاغیرانلارینینگ آراسیندا دینگه یَهودیلِر دَل، اُندان باشغا میلِّتلِر هِم باردیر.‏ هاووا، بولارینگ آراسیندا بیز هِم باردیریس.‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

۱ قُرِنتُس‌لار 10:17

چُرِگینگ بیر بُلشی یالی، بیز کَن بُلساق-دا، بیر بِدِندیریس.‏ چونکی شُل بیر چُرِگی هِمَّه‌میز پایلاشیاندیریس.‏

۱ قُرِنتُس‌لار 9:23

مِن بولارینگ بارینی خوش خابارینگ بِرِکِتلِرینه شِریک بُلوپ بیلِریم یالی، خوش خابارینگ خاطیرینا اِدیَرین.‏

۲ قُرِنتُس‌لار 1:7

سیزه باغلایان اومیدیمیز قاییمدیر، سِبَبی سیزینگ دینگه قینچیلیقلاریمیزا دَل، اُندان باشغا تِسِلّیمیزه-ده شِریکدیگینگیزی بیلیَریس.‏

۲ قُرِنتُس‌لار 9:13

سیزینگ بو کُمِگینگیز عیسی مسیح باراداقی خوش خابارا صادیقدیغینگیزی بِلّی اِدیَر.‏ سیز اِلده بارینگیزی اُلارا و بِیلِکی ایماندارلارا ساخیلیق بیلِن بِریَرسینگیز.‏ اینه، شولارینگ باری اوچین ایماندارلار خودایی بِییکلِندیرِرلِر.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

فیلیپیلِر 3:14

مِن خودایینگ عیسی مسیحده آسمانداقی یاشایشا چاغیریان بایراغینی آلماق اوچین، ماقصادیما طاراف تاقالّا اِدیپ یُرتیارین.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

کولُسیلِر 1:22

اِمّا ایندی بُلسا خودای سیزی اُز حوضوریندا مُقادِّس، عایپسیز و تُهمِتسیز اِتمِک اوچین، مسیحینگ اینسانی بِدِنینینگ اُلومی بیلِن اُزی بیلِن یاراشدیردی.‏

کولُسیلِر 3:12

شُنونگ اوچین هِم، اِی خودایینگ سایلان مُقادِّس هِم عزیز خالقی!‏ رِحم-شِپاقات، مِهرِبانلیق، فُروتَنلیک، میلاییملیق و صابیر-طاقاتلیق بیلِن گِیینینگ.‏

۱ تِسالونیکیلِر 5:27

بو نامه‌نی ایماندارلارینگ بارینا اُقیپ بِرمِگی مسیحینگ آدیندان سیزه تابشیریارین.‏

۲ تِسالونیکیلِر 1:11

شُنگا گُرَه-ده، بیز هِمیشه سیزینگ اوچین دُغا اِدیَریس، قُی، خودای سیزی اُز چاغیریشینا میناسیپ حاساپلاسین و هِمّه یاخشی نییِتلِرینگیزی و ایماندان عِمِل آلان هِر بیر ایشینی خودای اُز قودراتی بیلِن یِرینه یِتیرسین.‏

۲ تِسالونیکیلِر 2:14

اُل تانگریمیز عیسی مسیحینگ بِییکلیگینَه اُرتاق بُلوپ بیلِرینگیز یالی، واغیظ اِدیَن خوش خاباریمیزینگ اوستو بیلِن سیزی بولارا چاغیردی.‏

۱ تیموتاوس 6:12

ایمان اوغرونداقی گُرِشده باتیرلیق بیلِن گُرِش و باقی یاشایشی اُزونگه ماقصات اِدین.‏ خودای سِنی مونگا چاغیردی، شُندا سِن هِم ایمانینگی کَن شاهادینگ اُوونده قاوی ایقرار اِدِنسینگ.‏

۱ تیموتاوس 6:2

آقالاری ایماندار بُلان قول‍لار:‏ ‏«‏ایندی بیز دُغاندیریس»‏ دییّپ، اُز آقالارینا بیتاپاووت بُلماسینلار، تِرسینه، اُنگکودِن-ده ایخلاصلی خیدمات اِتسینلِر.‏ سِبَبی اُلارینگ آقالاری ایمانداقی عزیز دُغانلاری بُلوپ یاخشیلیق اِدیَندیرلِر.‏ بولارینگ بارینی اُورِت و ناصیحات بِر.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 2:7

شو آیدیانلاریم بارادا فیکرلِن.‏ بولارینگ بارینا دوشونِر یالی، خودایینگ اُزی سانگا دوشونجه بِرِر.‏

عِبرانیلار 10:19

شُنونگ اوچین هِم، اِی عزیزلِر، عیسانینگ قانینینگ اوستو بیلِن ایندی بیز اینگ مُقادِّس جایا خاطیرجِملیک بیلِن گیریپ بیلیَریس.‏

عِبرانیلار 10:21

ایندی خودایینگ خالقینا جُغاپکَر بِییک کاهینمیز باردیر.‏

عِبرانیلار 10:23

ایندی ایقرار اِدِن اومیدیمیزی شِکلِنمَن قاییم ساقلایلینگ، چونکی واعدا بِرِن خودای اِمیندیر.‏

عِبرانیلار 13:22

اِی عزیزلِر، سیزه یازان بو قیسغا نامه‌مداقی ناصیحاتلاریمی تویس یورِکدِن قابول اِتمِگینگیزی خاییش اِدیَرین.‏

عِبرانیلار 2:11

اینسانلاری مُقادِّس اِدیَن عیسی و اُنونگ اوستو بیلِن مُقادِّس اِدیلِنلِر ایندی بیر ماشغالا باغلیدیر.‏ شُنونگ اوچین هِم عیسی اُلارا دُغان و آیال دُغان دییمِکدِن اوتانمایار.‏

عِبرانیلار 2:17

شُنونگ اوچین اُل هِر طارافدان بیزلِره مِنگزِمِلی بُلدی.‏ شِیدیپ، اُل خالقینگ گونَه‌لِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.‏

عِبرانیلار 3:12

اِی عزیزلِر، خاباردار بُلونگ!‏ سیزینگ هیچ بیرینگیزده یامان نییِتلی و ایمانسیز یورِک بُلماسین، بولار سیزی دیری خودایدان داشلاشدیرماسین.‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

عِبرانیلار 6:20

عیسی بیزه یُل آچماق اوچین، اُل یِره اَوَّلکی بُلوپ گیریپ، مِلکیصِدِق دِرِجه‌سیندَکی اِبِدیلیک باش کاهینمیز بُلدی.‏

عِبرانیلار 7:26

بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی.‏ اُل گونَه‌کَرلِردِن آیریلیپ و آسماندان هِم یُقاری گُتِریلِندیر.‏

عِبرانیلار 7:28

شِریغاتا گُرَه باش کاهینلیغا یُنِکِی اینسانلار بِلِّنیلیَردی، اِمّا شِریغاتدان سُنگرا خودای قاسام ایچیپ، مونگا اُغلونی بِلِّدی.‏ اُل کَمیل اِدیلِن اِبِدیلیک باش کاهیندیر.‏

عِبرانیلار 9:11

مسیح ایندی یِرینه یِتیرِن هِمّه یاخشی زاتلارینگ باش کاهینی بُلوپ گِلدی.‏ اُل اینسان اِلی بیلِن بِجِرِلمِدیک، بو دونیَه‌نینگ یارادیلیشیندان بُلمادیق خاص اولی و کَمیل چادیرا گیردی.‏

عِبرانیلار 9:15

شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی.‏ اُلاری اَوَّلکی عَهد زاماندا اِدِن گونَه‌لِرینینگ جِزاسیندان آزاد اِتمِک اوچین اُل قربانی بُلدی.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۱ پِطرُس 3:5

اُوالقی واقتلاردا خودایا اومید باغلاپ، یورِکلِرینی پَک ساقلان آیال‍لار هِم اُزلِرینی شِیله آوادانلایاردیلار، اُلار اُز اَرینه موطیع‌دیلار.‏

۱ پِطرُس 5:1

مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین:‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

۱ یوحنا 1:3

سیزینگ-ده بیزینگ بیلِن شِریکلیگینگیز بُلار یالی، گُرِنیمیزی، اِشیدِنیمیزی سیزه آیدیاریس.‏ بیزینگ شِریکلیگیمیز بُلسا آتا و اُنونگ اُغلی عیسی مسیح بیلِندیر.‏

یهودا 1:1

عیسی مسیحینگ خیدماتکَری و یعقوبینگ دُغانی بُلان مِن یهودادان خودایینگ خالقی بُلماغا چاغیریلانلارا دُغایی سالام!‏ بو نامه‌نی آتامیز خودای طارافیندان سُیلوپ، عیسی مسیحینگ اوستو بیلِن قُریلیان سیزه یازیپ یُلّایارین.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 18:20

‏«‏اِی آسمانلار، اُنگا شاتلانینگ!‏ اِی خودایینگ خالقی، رِسول‍لار و نِبیلِر، شاتلانینگ!‏ بابِلینگ سیزه اِدِنلِری اوچین خودای اُنی جِزالاندیردی.‏»‏