عِبرانیلار 13:5 - مُقادِّس کیتاب

⁵ پولونگ عشقینا دوشمَنگ.‏ اِلینگیزدَکی بارینا قاناغات اِدینگ.‏ سِبَبی خودای:‏ ‏«‏مِن سیزی هیچ هاچان یِکه گُیبِرمِرین و هیچ هاچان تِرک اِتمِرین»‏ دییدی.‏

عِبرانیلار 13:5 ပူးပေါင်းရင်းမြစ်များ

مَتّیٰ 6:19

‏«‏بو دونیَه‌ده اُزونگیزه خازینا ییغنامانگ، بو یِرده اُنی گویه‌لِر اییَّر هِم-ده پُسلایارلار، موندا اُغرولار گیریپ اُغورلایاندیر.‏

مَتّیٰ 6:25

‏«‏شُنگا گُرَه سیزه دییَّرین:‏ نَمه اییّپ-ایچِرین دییّپ جانینگیزی، نَمه گِیِرین دییّپ بِدِنینگیزی قایغی اِتمَنگ.‏ جان اییمیتدِن، بِدِن لِباسدان خاص باهالی دَلمیدیر؟

مَتّیٰ 6:34

شُنونگ اوچین اِرتیری قایغی اِتمَنگ، اِرتیر اُز قایغیسینی اُزی اِدِر.‏ هِر گونونگ دِردی-آزاری اُزونه بُلارلیدیر.‏»‏

لوقا 3:14

سُنگرا سِربازلار-دا:‏ ‏«‏بیز نَمه اِتمِلی؟»‏ دییّپ سُرادیلار.‏ اُلارا:‏ ‏«‏هیچ کیمدِن زُرلوق بیلِن پول آلمانگ، ناحاق یِره تُهمِت اورمانگ، اُز حاقینگیزا راضی بُلونگ»‏ دییدی.‏

لوقا 8:14

تیکِنِکلیگینگ آراسینا دوشِنلِر بُلسا سُزی اِشیدیَنلِردیر، اِمّا عُمورونگ قایغیلاری، بایلیقلاری، کِیپی-صاپاسی اُلاری باردیغچا بُغیار، اُلار حاصیل بِرمِیَرلِر.‏

رومیلار 1:29

اُلارینگ قالبی هِر هیلی یامانلیقدان، تِلِکه‌لیکدِن، آچگُزلیکدِن و آخلاقسیزلیقدان دُلیدیر.‏ اُلار باخیل، قاتل، داعواچی، آلدییانچی و بِدنییِتدیر.‏ اُلار کِپچی،

۱ قُرِنتُس‌لار 5:11

اِمّا مِن سیزی ایماندار بیلیپ، هِنیز-ده آخلاقسیز یا-دا آچگُز، بُت‌پَرَست یا-دا سِویَن، عاراقخُر یا-دا حیله‌گَر بُلانلار بیلِن قاتناشمانگ دییّپ یازیارین.‏ شِیله آداملار بیلِن حتّیٰ بیر ساچاق باشیندا-دا اُتورمانگ.‏

۱ قُرِنتُس‌لار 6:10

نه-ده اُغریلار، نه آچگُزلِر، نه-ده عاراقخُرلار، نه سِویَنلِر، نه-ده یالانچیلار شولارینگ بیری-ده خودایینگ پادیشاهلیغینی میراث آلماز.‏

۲ قُرِنتُس‌لار 4:9

آزارلانیاریس، یُنه تِرک اِدیلمِیَریس.‏ یِنجیلیَریس، یُنه هِلَک بُلمایاریس.‏

اِفِسُسلار 5:3

اِمّا سیزینگ آرانگیزدا زیناکَرلیک، آخلاقسیزلیق، حِریصچیلیک اِدیَن بُلماسین.‏ بِیله زاتلار مُقادِّسلِره گِلیشمِیَر.‏

اِفِسُسلار 5:5

شونی بیلیپ قُیونگ:‏ هیچ بیر زیناکَرینگ، آخلاقسیزینگ یا-دا حِریصچینینگ مسیحینگ و خودایینگ پادیشاهلیغیندا میراثی یُقدور.‏ چونکی شِیله آداملار بُت‌پَرَستلِر بیلِن دِس-دِنگدیر

کولُسیلِر 3:5

شُنونگ اوچین هِم دونیِوی طِبیغاتینگیزا دِگیشلی بُلان آزماغی، زیناکَرلیگی، پَکسیزلیگی، حارام کِیپی، تِلِکه هُوِسلِری و بُت‌پَرَستلیک بیلِن دِنگ حاساپلانیان حِریصچیلیگی اُلدورینگ.‏

۱ تیموتاوس 3:3

عاراقخُر دَل و اوروشیان بُلمالی دَل-ده، میلاییم، داعوا-جِنجِلدِن داش دوریان، پولا قیزمایان آدام بُلمالیدیر.‏

۲ پِطرُس 2:14

اُلارینگ زینادان گُزلِری دُیمایار، هیچ واقت گونَه‌نی بِس اِتمِیَرلِر.‏ اُلار اویتگَپ دوریان آداملاری دوزاغا دوشوریپ آزدیریارلار.‏ اُلارینگ قالبی آچگُزلیگه بِجِرلیپ، لَعنِتلِنِن آداملاردیر.‏

۲ پِطرُس 2:3

آچگُزلیکدِن یانگا بو یالان مُعلِّملِر اُز یالان حِکایاتلاری بیلِن سیزدِن پِیدالانانلار.‏ شُنونگ اوچین اُلارینگ جِزاسی قادیمدان تاییار دوراندیر و هِلَکچیلیگی بُلسا گیجَه قالماز.‏

یهودا 1:11

اُلارینگ حالینا وای!‏ اُلار قابیلینگ یُلونی توتویارلار.‏ بَلعام یالی، پول اوچین آداملاری آلدایارلار.‏ قورِح یالی باش قالدیراندیقلاری اوچین هِلَک بُلیارلار.‏