عِبرانیلار 13:16 - مُقادِّس کیتاب

¹⁶ یاخشیلیق اِتمِگی و اِلده بارینگیزی بِیلِکیلِره بِرمِگی اونوتمانگ، سِبَبی شونونگ یالی قربانلیقلار خودایی خُشنود اِدیَندیر.‏

عِبرانیلار 13:16 ပူးပေါင်းရင်းမြစ်များ

لوقا 18:22

عیسی مونی اِشیدِنده، اُنگا:‏ ‏«‏سِنینگ یِنه بیر کِمینگ بار.‏ نَمَنگ بار بُلسا ساتیپ، قاریپلارا پایلا، شُندا آسماندا خازینانگ بُلار.‏ سُنگرا گِل-ده، مِنینگ ایزیما دوش»‏ دییدی.‏

رِسول‍لار 10:38

خودایینگ ناصِره‌لی عیسانی مُقادِّس روح و گویچ-قودرات بیلِن دُلدوریپ، اُنی سایلاپ-سِچِندیگینی بیلیَنسینگیز.‏ عیسی دُرت طارافا آیلانیپ، کَن یاخشی ایشلِر اِتدی، شِیطانینگ حُکومدارلیغیندان عاذاپ چِکیَنلِرینگ بارینا شِفا بِردی، سِبَبی خودای اُنونگ بیلِندی.‏

رِسول‍لار 9:36

یافادا تابیتا آدلی بیر آیال شَگیرت باردی.‏ آدینینگ مَعنیسی جِرِن.‏ مونونگ اِدِن یاخشی ایشلِری، بِرِن صاداقالاری قاتی کَندی.‏

رومیلار 12:13

ایماندارلار مَحتَجلیک چِکسه، اُلارا کُمِک بِرینگ، میهمانسُیِر بُلونگ.‏

غَلاطیه‌لِر 6:10

شُنگا گُرَه-ده، حَضیر واقتیمیز بارقا، هِمّه‌لِره، خاص-دا ایمانداقی دُغانلاریمیزا یاخشیلیق اِدِیلینگ.‏

غَلاطیه‌لِر 6:6

خودایینگ سُزونی اُورِنِن اُورِدِن بیلِن هِمّه یاخشیلیقلاری پایلاشسین.‏

اِفِسُسلار 4:28

اُغورلیق اِدِن ایندی اُغورلیق اِتمِسین!‏ قایتام، اُز اِل‍لِری بیلِن زَحمِت چِکیپ، مَحتَجه پایلاماغا زادی بُلار یالی، پِیدالی ایش اِتسین.‏

فیلیپیلِر 4:14

هِر هیلی بُلسا-دا، مِنینگ قینچیلیقلاریما شِریک بُلوپ، یاقشیلیق اِتدینگیز.‏

فیلیپیلِر 4:18

مِنینگ هِمّه زادیم بار، آرتیغی بیلِن هِم بار.‏ اِپافرودیتوس سیزینگ ایبِرِن سُوغاتلارینگیزی گِتیرِن بَری، کِم زادیم قالمادی.‏ بولار ایسلی عاطیر قربانلیق کیمین خودایینگ حالایان قربانیسیدیر.‏

۱ تِسالونیکیلِر 5:15

خاباردار بُلونگ، هیچ کیم یامانلیغا یامانلیق بیلِن جُغاپ بِرمِسین.‏ قایتام، بیری-بیرینگیزه و هِمّه‌لِره یاخشیلیق اِتجِک بُلونگ.‏

۲ تِسالونیکیلِر 3:13

اِمّا سیز بُلسا، اِی عزیزلِر، یاخشیلیق اِتمِکده یادامانگ.‏

۱ تیموتاوس 6:18

اُلارا یاخشیلیق اِتمِگی، یاخشی ایشلِر، ساخیلیق و اِلی آچیقلیق خازیناسینی ییغناماغی تابشیر.‏

فیلیمون 1:6

مِن بیزی بیرلِشدیریَن ایمانا گُرَه حِرِکِت اِتمِگینگی خودایدان دیلِیَرین.‏ شُندا سِن عیسی مسیحه خیدمات اِتمِک اوچین اِدیلمِلی یاخشی ایشلِره کَمیل دوشونِرسینگ.‏

عِبرانیلار 6:10

خودای عادالاتلیدیر، چونکی اُل سیزینگ بیتیرِن ایشینگیزی، اُنونگ خالقینا اِدِن و اِدیَن خیدماتینگیز بیلِن اُزونه بُلان سُیگینگیزی یاددان چیقارماز.‏

۳ یوحنا 1:11

عزیز دُستوم، سِن یاماندان دَل-ده، یاخشیدان دِرس آل.‏ یاخشیلیق اِدیَن آدام خودایداندیر.‏ یامانلیق اِدیَن آدام بُلسا خودایی تانییان دَلدیر.‏