عِبرانیلار 12:23 - مُقادِّس کیتاب

²³ خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

عِبرانیلار 12:23 ပူးပေါင်းရင်းမြစ်များ

لوقا 10:20

شِیله هِم سیز جینلارینگ اُزونگیزه موطیع بُلماغینا دَل-ده، آدلارینگیزینگ آسماندا یازیلماغینا بِگِنینگ»‏ دییدی.‏

یوحنا 5:27

اُنونگ اینسان اُغلودیغی اوچین، اُنگا قاضیلیق اِتمِک ایختییارینی-دا بِردی.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

۱ قُرِنتُس‌لار 13:12

حَضیر هِمّه زادی توتوق آینادان گُریَن یالی گُریَریس.‏ اِمّا سُنگرا هِمّه زادی یوزبه-یوز گُرِریس.‏ مِن حَضیر آزاجیق بیلیَرین، یُنه شُندا خودایینگ مِنی کَمیل تانیشی یالی کَمیل تانییارین.‏

۱ قُرِنتُس‌لار 15:49

بیز تُپراقدان یارادیلان اینسانا نَهیلی مِنگزَن بُلساق، آسماندان بُلانا هِم شِیله مِنگزَریس.‏

۱ قُرِنتُس‌لار 15:54

شونلوقدا، چویرییَن بِدِن چویریمِزلیگه، اُلیَن بِدِن اُلمِزلیگه گِیینِنده، ‏«‏پیروزی اُلومی یوووتدی»‏ دییلِن سُزلِر بِرجای بُلار.‏

۲ قُرِنتُس‌لار 5:8

هاووا، بیز شِیله خاطیرجِمدیریس.‏ بیز مسیحینگ یانیندا مِسکِن توتوپ بیلِریمیز یالی، بِدِندِن آیریلانیمیزی قاوی گُریَریس.‏

اِفِسُسلار 1:22

خودای هِمّه زادی اُنونگ آیاقلارینینگ آشاغینا قُیوپ، کِلیسا اوچین اُنی هِمّه زادا باش اِدیپ بِردی.‏

فیلیپیلِر 4:3

اِی مِنینگ وِفالی یُلداشیم، سانگا-دا یالباریارین:‏ بو آیال‍لارا کُمِک اِت.‏ اُلار مِن، اِکلِمِنتُس و یاشاییش دِفتِرینه آدلاری یازیلان بِیلِکی هِمکَرلِریم بیلِن بیرلیکده خوش خاباری یایراتماقدا تاقالّا بیلِن ایشلِدیلِر.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

۱ تیموتاوس 3:5

سِبَبی اُز اُیونی دُلاندیریپ بیلمِیَن آدام، اُندا نَهیلی خودایینگ کِلیساسینی ساقلاپ و خاباردار بُلوپ بیلِر؟

عِبرانیلار 11:4

هابیل ایمانینگ اوستو بیلِن خودایا قابیلدان خاص قاوی قربانلیق هُدورلِدی.‏ خودای هابیل‌ینگ قربانلیغیندان راضی بُلوپ، اُنی ایمانینگ اوستو بیلِن تاقوالی آدام حاساپلادی.‏ هابیل اُلِن هِم بُلسا، ایمانینگ اوستو بیلِن حَضیر هِم کِپلِیَر.‏

عِبرانیلار 11:40

سِبَبی خودای بیزینگ اوچین خاص قاوی بیر زادی تاییارلاپدی.‏ اُل اُزونه وِفادار بُلان بو آداملارینگ بیزینگ بیلِن بیرلیکده کَمیل بُلماغینی ایسلِدی.‏

عِبرانیلار 2:12

اُل خودایا شِیله دییَّر:‏ ‏«‏سِنینگ آدینگی دُغانلاریما و آیال دُغانلاریما آیدارین، و جِماغاتینگ اُرتاسیندا سانگا اُوگی دییِرین.‏»‏

عِبرانیلار 9:27

اینسانینگ تاقدیریندا بیر گِزِک اُلوم باردیر، اُندان سُنگ خودایینگ اُوونده حاساپ بِرمِلیدیر.‏

یعقوب 1:18

یارادانلارینینگ آراسیندا اُنونگ بیرینجی میوه‌سی بُلماغیمیز اوچین، خودای حاقیقات سُزونینگ اوستو بیلِن بیزه تَزه یاشاییش بِرمِگی قارار اِتدی.‏

۱ پِطرُس 2:23

اُل سِوولِنده سِومِدی، عاذاپ چِکِنده هیچ کیمه قُرقی سالمادی.‏ مونگا دِرِک اُزونی عادیل حُکوم چیقاریان خودایا تابشیردی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 14:4

بولار عُمورلِرینده آیالا یاناشمان، اُز پَکلیگینی ساقلایاردی.‏ بولار قوزی نیرَه گیتسه، اُنونگ ایزینا دوشیَنلِردی.‏ بولار اینسانلارینگ آراسیندان ساتین آلینیپ و اَوَّلکی حاصیل حُکمونده خودایا و قوزا باغیش اِدیلِنلِردی.‏

آیانلیق 20:15

آدلاری یاشاییش دِفتِرینه یازیلمادیقلارینگ هِمّه‌سی یانیپ دوران دِریاچا زینگیلدی.‏

آیانلیق 6:11

شُندا اُلارا آق لِباس بِرلیپ، یِنه آز سالیم صابیر اِتمِلیدیگینی آیتدیلار.‏ چونکی اُلارینگ خاطارینا اُزلِری یالی اُلدوریلجِک یُلداشلارینینگ و ایماندارلارینگ هِمّه سانی قُشولمالیدی.‏

آیانلیق 6:9

قوزی بَشینجی مُهوری دُوِنده، قربانلیق جایینینگ آشاغیندا خودایینگ سُزونینگ اوغروندا و اِدِن شاهاتلیقلاری اوچین اُلدوریلِنلِرینگ روحلارینی گُردوم.‏