عِبرانیلار 12:2 - مُقادِّس کیتاب

² گِلینگ، گُزومیزی ایمانیمیزینگ چِشمه‌سی و کَمیلِّشدیرییَنچیسی، یَعنی عیسی تیکِیلینگ.‏ اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.‏

عِبرانیلار 12:2 ပူးပေါင်းရင်းမြစ်များ

مَتّیٰ 16:21

شُندان سُنگ عیسی شَگیرتلِرینه اُزونینگ اورشلیمه گیتمِلیدیگینی، یاشولیلارینگ، یُلباشچی کاهینلارینگ و دین عُلَمالارینگ اِلیندِن کَن عاذاپلار گُرمِلیدیگینی، اُلدوریلیپ، اوچولِنجی گون دیرِلمِلیدیگینی دوشوندیرمَگه باشلادی.‏

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَرقُس 14:36

اُل:‏ ‏«‏آبّا، آتام، سِن هِمّه زادی باشاریارسینگ.‏ بو عاذاپ کَسه‌سینی مِندِن داشلاشدیر، یُنه مِنینگ خاییشیم دَل، سِنینگ ایسلِگینگ بُلسون»‏ دییدی.‏

مَرقُس 15:28

شِیلِلیک بیلِن ‏«‏اُل گونَه‌کَرلِر بیلِن بیر ساییلدی»‏ دییِن مُقادِّس یازغی بِرجای بُلدی.‏]‏

مَرقُس 16:19

عیسی مسیح اُلارا بولاری گورّونگ بِرِنیندِن سُنگ، آسمانا آلیندی و خودایینگ ساغیندا اُتوردی.‏

مَرقُس 9:12

عیسی هِم اُلارا:‏ ‏«‏دُغرودان-دا، هِمّه زادی بِجِرمِک اوچین اَوَّل اِلیاس گِلمِلیدیر.‏ اِمّا اینسان اُغلونینگ کَن عاذاپ گُروپ، رِد اِدیلمِلیدیگی حاقیندا هِم یازیلان آخیرین.‏

مَرقُس 9:24

شو واقتدا اُغلانینگ آتاسی آغلاپ:‏ ‏«‏ایمان گِتیریَرین، ایمانسیزلیغیمی یِنگمَگه کُمِک اِت!‏»‏ دییّپ قیغیردی.‏

لوقا 17:5

رِسول‍لار عیسایا:‏ ‏«‏بیزینگ ایمانیمیزی آرتدیر!‏»‏ دییدیلِر.‏

لوقا 23:11

سُنگرا هیرودیس بیلِن اُنونگ سِربازلاری عیسانی کیچِلدیپ ماسغارالادیلار.‏ اوسّونه بیر نِفیس دُن گِیدیریپ، پیلاتُسینگ یانینا ایبِردیلِر.‏

لوقا 24:26

مسیح بو عاذاپلاری گُروپ، اُز بِییکلیگینه گیرمِلی دَلمیدی؟»‏ دییدی.‏

یوحنا 1:29

اِرتِسی گونی یحیی اُز یانینا گِلیَن عیسانی گُروپ، شِیله دییدی:‏ ‏«‏اینه، دونیَه‌نی گونَه‌دِن گُتِریَن خودایینگ قوزوسی!‏

یوحنا 12:24

مِن سیزه دُغروسینی آیدیارین، بوغدای دَنه‌سی یِره قاچیپ اُلمِسه، یِکه دَنه بُلوپ قالار، اِمّا اِگِر اُلَیسه، کَن حاصیل بِرِر.‏

یوحنا 12:32

یِردِن یُقاری گُتِریلِنیمده، مِن هِمّه اینسانلاری اُزومه چِکِرین»‏ دییّپ جُغاپ بِردی.‏

یوحنا 13:3

عیسی آتاسینینگ هِمّه زادی اُز ایختییارینا بِرِندیگینی، اُزونینگ خودایدان گِلیپ، خودایا گیتجِکدیگینی بیلیَردی.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

یوحنا 8:56

آتانگیز ابراهیم مِنینگ گِلجِک گونومه قاراشیپ، شاتلانیاردی.‏ اُل شُل گونی گُروپ، خاص بِگِندی.‏»‏

رِسول‍لار 2:36

‏«‏شُنونگ اوچین هِم، اِی هِمّه اسرائیل خالقی، شونی آچیق بیلیپ قُی:‏ خودای سیزینگ صلیبه چویلَن بو عیسانگیزی هِم تانگری، هِم مسیح اِدیپ بِلِّدی.‏»‏

رِسول‍لار 3:15

سیز یاشاییش باشچِشمِسینی اُلدوردینگیز، اِمّا خودای اُنی دیرِلتدی.‏ بیز مونگا شاهاتدیریس.‏

رِسول‍لار 5:31

خودای اسرائیل خالقینا توبا اِتدیریپ، گونَه‌لِرینی باغیشلاماق اوچین، بو آدامی باشلیق هِم نِجات بِریَنچی اِدیپ، اُنی بِیگِلتدی و اُز ساغیندا اُتورتدی.‏

رِسول‍لار 5:41

رِسول‍لار عیسانینگ آدی اوغروندا ماسغارا بُلماغا میناسیپ گُرلِندیکلِری اوچین مِجلِسدِن شاد بُلوپ چیقیپ گیتدیلِر.‏

۱ قُرِنتُس‌لار 1:18

هِلَکچیلیک یُلوندان باریان آداملار اوچین صلیب باراداقی خابار آحماقلیقدیر.‏ اِمّا بیز، یَعنی نِجات یُلوندان باریانلار اوچین بو خابار خودایینگ قودراتیدیر.‏

۱ قُرِنتُس‌لار 1:23

بیز بُلسا صلیبه چویلِنِن عیسی مسیحی واغیظ اِدیَریس.‏ مسیح یَهودیلِر اوچین بودریمه داشیدیر، یَهودی دَل‍لِر اوچین بُلسا آحماقلیقدیر.‏

اِفِسُسلار 2:16

اُل صلیبدَکی اُلومینگ اوستو بیلِن دوشمانچیلیغی یُق اِتدی و ایکی اویشمِلِنگی بیر بِدِن کیمین اِدیپ، اُلاری خودای بیلِن یاراشدیردی.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

فیلیپیلِر 1:6

سیزده یاخشی ایشی باشلان خودایینگ مونی عیسی مسیحینگ گِلجِک گونونه چِنلی کِمالا یِتیرجِکدیگینه اینانیارین.‏

فیلیپیلِر 3:20

اِمّا بیز واطانیمیز آسماندا بُلوپ، نِجات بِریَنچی تانگریمیز عیسی مسیحینگ شُل یِردِن گِلِرینه صابیرسیزلیق بیلِن قاراشیاندیریس.‏

۲ تیموتاوس 4:8

ایندی دُغرولیق قاضیسی بُلان خودای عیسی مسیح اُز گِلجِک گونونده مانگا تاقوالیق تاجینی بایراق بِرِر.‏ اُل بو بایراغی دینگه مانگا دَل، شِیله بُلسا اُزونه اینتیظارلیق بیلِن قاراشیانلارینگ هِر بیرینه بِرِر.‏

عِبرانیلار 1:13

خودای هایسی بیر پِریشدَه:‏ ‏«‏دوشمانلارینگی آیاق آشاغینا سالیانچام، مِنینگ ساغیمدا اُتور»‏ دییّپدیر؟

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 10:14

سِبَبی اُل مُقادِّس اِدیَنلِرینی یِکِجه قربانلیق بیلِن هِمیشه‌لیک کَمیل اِتدی.‏

عِبرانیلار 10:33

سیز بیر طارافدان، هِمّه‌لِرینگ اُوونده کیچِلتمِلِره و اِذیِتلِره سِزاوار اِدیلدینگیز، بِیلِکی بیر طارافدان، شِیله یاغدایا ساتاشانلارینگ دِردینی دِنگ چِکیشدینگیز.‏

عِبرانیلار 11:36

باشغا بیرِلِری ماسغارا اِدیلمِلِره سِزاوار اِدیلیپ شالّاقلاندیلار، زینجیرلار بیلِن باغلانیپ، زیندانا زینگیلدیلار.‏

عِبرانیلار 12:3

سیز یادامان و یورِگینگیز سُویماز یالی، عیسی حاقدا فیکر اِدینگ.‏ اُل گونَه‌کَرلِر طارافیندان کَن اِذیِت چِکیپ، هِمّه‌سینه جیدادی.‏

عِبرانیلار 13:13

گِلینگ، بیز هِم اُنونگ جیدان رُسوا اِدیلمِلِرینه جیداپ، اُردوگاهدان داشاری، اُنونگ یانینا گیدِیلینگ.‏

عِبرانیلار 5:9

شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّه‌سینی اِبِدیلیک نِجات بِرمِگی باشاریار.‏

عِبرانیلار 7:19

چونکی شِریغات هیچ بیر زادی کَمیلِّشدیرمِدی.‏ ایندی مونونگ دِرِگینه بیزی خودایا یاقینلاشدیریان خاص قاوی بیر اومید بِریلدی.‏

عِبرانیلار 8:1

آیدیانلاریمیزینگ ماقصادی شوندادیر:‏ آسماندا بِییک خودایینگ تاختینینگ ساغیندا اُتوران باش کاهینمیز باردیر.‏

عِبرانیلار 9:28

اِدیل شُنونگ یالی، مسیح هِم کَن آداملارینگ گونَه‌لِرینی یووماق اوچین، بیر گِزِک قربانی بُلدی.‏ اِمّا اُل ایکینجی گِزِک گِلِنده، گونَه‌لِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.‏

یعقوب 2:1

اِی عزیزلِر، بِییک تانگریمیز عیسی مسیحه بُلان ایمانینگیزی طارافدارلیق اِتمِکدِن ساقلانینگ.‏

۱ پِطرُس 1:11

اُلارینگ قالبینداقی مسیحینگ روحی اُنونگ چِکمِلی عاذاپلاری و عاذاپلاردان سُنگقی بِییکلیگی بارادا اُوالدان اَشکَر اِتدی.‏ اُلار بولارینگ نَهیلی و هاچان بُلجاقدیغی بارادا مُقادِّس روحونگ نَمه گُرکِزیَندیگینی دوشوندیرمَگَه چالیشدیلار.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ پِطرُس 3:22

اُل آسمانا چیقیپ و شو واقت خودایینگ ساغیندا اُتیر، و هِمّه پِریشده‌لِر، حُکومدارلار و قودراتلار اُنگا موطیع بُلدیلار.‏

یهودا 1:21

تانگریمیز عیسی مسیح اُز رِحمدارلیغینگ اوستو بیلِن سیزی اِبِدی یاشایشا قاوشوریانچا، خودایینگ سُیگوسی بیلِن یاشاماغی دُوام اِتدیرینگ.‏

آیانلیق 1:11

اُل سِس:‏ ‏«‏گُریَنلِرینگی طوماردا یاز و اُنی یِدی کِلیسایا:‏ اِفِسُسا، اِزمیره، پِرغاموسا، تیاتیرا، ساردِسه، فیلادِلفیه و لائودیکیه ایبِر»‏ دییدی.‏

آیانلیق 1:17

مِن اُنی گُرِن واقتیندا اُلی کیمین آیاقلارینا ییقیلدیم.‏ اِمّا اُل ساغ اِلینی اوستومه قُیوپ، شِیله دییدی:‏ ‏«‏قُرقما!‏ اَوَّلکی و آخیرقی مِندیرین.‏

آیانلیق 1:8

تانگری خودای شِیله دییَّر:‏ ‏«‏‏”‏اَلِف“‏ و ‏”‏یا“‏ مِندیرین.‏ مِن اُزال بُلان، حَضیر بار، گِلِجِکده هِم بُلجاق قودراتلی-گویچلی خودایدیرین.‏»‏

آیانلیق 2:8

‏«‏اِزمیردَکی کِلیسانینگ پِریشده‌سینه شونی یاز:‏ ‏«‏اُلِن و دیرِلِن، اَوَّلکی و آخیرقی شِیله دییَّر:‏