عِبرانیلار 10:39 - مُقادِّس کیتاب

³⁹ بیز ایماندان دَنیپ، هِلَک بُلیان دَل-ده، ایمانیمیزا وِفالی بُلوپ، نِجات تاپیان آداملارداندیریس.‏

عِبرانیلار 10:39 ပူးပေါင်းရင်းမြစ်များ

مَرقُس 16:16

ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏

لوقا 11:26

سُنگرا گیدیپ، اُزوندِن هِم تِلِکه یِدی روحی یانینا آلیار-دا، شُل یِره باریپ، مِسکِن توتیار.‏ شِیلِلیکده، اُل آدامینگ سُنگقی یاغدایی اُزالقیسیندان هِم تِلِکه بُلیار.‏»‏

یوحنا 17:12

مِن اُلارینگ یانینداقام، مانگا بِرِن قودراتینگ بیلِن اُلاری قُریپ ساقلادیم.‏ مُقادِّس یازغیلار بِرجای بُلسون دییّپ، هِلَک اِدیلمِلی آدامدان باشغا اُلارینگ هیچ بیری ییتمِدی.‏

یوحنا 20:31

یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

۲ تِسالونیکیلِر 2:3

اُزونگیزی هیچ کیمه هیچ یُل بیلِن آلداتمانگ.‏ چونکی کَن آداملار خودایا قارشی باش قالدیرار و یُق اِدیلمِلی شِراراتلی آدام اَوَّل گُرونِر.‏ یُنه بو زاتلار یِرینه یِتیَنچَه، مسیحینگ گونی گِلمِز.‏

۱ تیموتاوس 6:9

باییماقچی بُلیانلار بُلسا وِسوِسَه دوشوپ، زییانلی و پوچ هُوِسلِرینگ تُرونا چُلاشیاندیرلار.‏ بو هُوِسلِر اُلاری وِیرانچیلیغا و هِلَکچیلیگه ساتاشدیریاندیر،

عِبرانیلار 10:26

اِگِر بیز حاقیقات بیلیمینی قابول اِدِنیمیزدِن سُنگرا بیلگِشیلجه گونَه اِتسِک، گونَه‌لِری باغیشلاماق اوچین ایندی قربانلیق یُقدور.‏

عِبرانیلار 10:38

مِنینگ تاقوالی خالقیم ایمان بیلِن یاشار، اِگِر ایماندان دَنسه، اُندان راضی بُلمارین.‏»‏

عِبرانیلار 11:1

ایمان اومید اِدیَن زاتلاریمیزا بیل باغلاماق و گُرمِیَن زاتلاریمیزا اینانماقدیر.‏

۱ پِطرُس 1:5

سیز ایمانینگیزینگ اوستو بیلِن خودایینگ قودراتی بیلِن تا نِجات تاپیانچانگیز قُریلیانسینگیز.‏ بو نِجات آخیرقی گونلِرده آیان بُلماغا تاییاردیر.‏

۲ پِطرُس 3:7

اینه، حَضیرکی یِر بیلِن آسمان بُلسا خودایینگ سُزی بیلِن ساقلانیپ، خودایسیز آداملارینگ حُکوم و هِلَک اِدیلجِک گونونه چِنلی اُد اوچین تاییار دور.‏

۱ یوحنا 5:16

اِگِر بیری دُغانینینگ اُلومه اِلتمِیَن گونَه اِدیَنینی گُرسه، قُی، اُنونگ اوچین خودایا یالبارسین.‏ خودای اُنگا یاشاییش بِرِر.‏ مونی اُلومه اِلتمِیَن گونَه اِدیَنلِر حاقدا آیدیارین.‏ اُلومه اِلتیَن گونَه-ده باردیر.‏ بِیله گونَه اِدیَن آدام اوچین خودایا یالبارینگ دییمِیَرین.‏

۱ یوحنا 5:5

اُندا دونیَه‌نی کیم یِنگیپ بیلِر؟ اِلبِتّه، عیسی خودایینگ اُغلودیغینا ایمان گِتیریَن آدام یِنگیپ بیلِر!‏

آیانلیق 17:11

بیرواقتلار بار بُلوپ، ایندی یُق جاناوار بُلسا سِکیزینجی پادیشاهدیر.‏ شُل بیر واقتینگ اُزونده-ده اُل یِدی پادیشاهلارینگ بیری بُلوپ، هِلَک بُلماغا باریاندیر.‏

آیانلیق 17:8

سِنینگ گُرِن جاناوارینگ بیرواقتلار باردی، یُنه ایندی یُق، و هِلَک بُلمازیندان اُنگ دویپسوز قوییدان چیقار.‏ یِر یوزونینگ یاشایانی، یَعنی دونیَه یارادیلانی بَری آدلاری یاشاییش دِفتِرینه یازیلمادیقلار بو جاناواری گُرِنلِرینده حایران قالارلار، سِبَبی اُل بیرواقتلار باردی، ایندی یُق، یُنه یِنه گِلِر.‏