عِبرانیلار 10:22 - مُقادِّس کیتاب

²² شُنگا گُرَه-ده، تویس یورِکدِن و کَمیل اینامداقی ایمان بیلِن خودایا یاقینلاشایلینگ.‏ مسیح قالبیمیزی اُز قانی بیلِن پَکلَپ و وِجدانیمیزی گونَه‌دِن آزاد اِتدی و بِدِنیمیزی آراسّا سو بیلِن یوودی.‏

عِبرانیلار 10:22 ပူးပေါင်းရင်းမြစ်များ

مَتّیٰ 3:11

توبا اِدِندیگینگیزینگ نیشانی حُکمونده مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر.‏ مِن اُنونگ کُووشلِرینی گُتِرمَگه-ده میناسیپ دَلدیرین.‏ اُل سیزی مُقادِّس روحا هِم-ده اُدا تَعمید بِرِر.‏

لوقا 1:1

حُرماتلی تیوفلِس!‏ کَن آداملار آرامیزدا بُلوپ گِچِن واقالارینگ تاریخینی یازماغا گیریشدیلِر.‏

یوحنا 3:5

عیسی شِیله جُغاپ بِردی:‏ ‏«‏سانگا دُغروسینی آیدیارین، سودان و مُقادِّس روحدان دُغمادیق آدام خودایینگ پادیشاهلیغینا گیریپ بیلمِز.‏

یوحنا 8:9

مونی اِشیدیپ، یاشولیلاردان باشلاپ، هِمّه‌سی یِکه-یِکِدِن گیتمَگه باشلادی.‏ دینگه عیسی بیلِن اُنونگ اُوونده دوران آیال قالدی.‏

رِسول‍لار 22:16

ایندی نَمه دوریارسینگ؟ تور، خودایینگ آدینی چاغیریپ، تَعمیدلِن و گونَه‌لِرینگدِن پَکلِن“‏ دییدی.‏

رِسول‍لار 8:21

بو ایشده سِنینگ نه پایینگ، نه-ده حاقینگ بار، سِبَبی سِنینگ یورِگینگه دووِن نییِتینگ خودایینگ ناظاریندا دُغری دَل.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

۲ قُرِنتُس‌لار 7:1

اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

اِفِسُسلار 3:12

عیسی مسیح و اُنگا بُلان ایمانیمیزینگ اوستو بیلِن بیز خودایینگ حوضورینا اولی اینام و باتیرلیق بیلِن یاقینلاشیپ بیلیَریس.‏

اِفِسُسلار 6:5

اِی قول‍لار، یِردَکی آقانگیزینگ سُزونه اِدیل مسیحینگ سُزونه قولاق آسیان یالی، حُرمات و قُرقی بیلِن تویس یورِکدِن قولاق آسینگ.‏

۱ تیموتاوس 4:2

بو تَعلیماتلار وِجدانلارینی یوودان ایکی‌یوزلی و یالانچیلار طارافیندان یایرادیلیار.‏

تیتوس 3:5

بیز دُغرولیغا دایانیپ اِدِن ایشلِریمیزینگ اوستو بیلِن دَل-ده، اُنونگ رِحم-شِپاقاتینینگ اوستو بیلِن نِجات بِریلدیک.‏ خودای بیزی مُقادِّس روحونگ اوستو بیلِن اویتگِدیپ، قایتادان دُغلوشینگ اوستو بیلِن پَکلِدی.‏

عِبرانیلار 10:1

موسانینگ شِریغاتی گِلجِکّی قاوی زاتلارینگ اُزی دَل-ده، شُل زاتلارینگ کُلِگه‌سیدیر.‏ شو سِبَپلی شِریغات هِر ییل بُلشی یالی هُدورلِنِن شُل بیر قربانلیقلار بیلِن خودایا یاقینلاشیانلاری هیچ هاچان کَمیل اِدیپ بیلمِیَر.‏

عِبرانیلار 10:19

شُنونگ اوچین هِم، اِی عزیزلِر، عیسانینگ قانینینگ اوستو بیلِن ایندی بیز اینگ مُقادِّس جایا خاطیرجِملیک بیلِن گیریپ بیلیَریس.‏

عِبرانیلار 11:28

موسی ایمانینگ اوستو بیلِن پِسَح قربانیسینی اُلدورمِگی و اُلارینگ قانینی قاپینینگ سُیِگلِرینه چالماغی تابشیردی.‏ اُل مونی اسرائیل خالقینینگ اَوَّلکی اُغول‍لارینا اُلوم پِریشده‌سینینگ اِل دِگیرمِزلیگی اوچین اِتدی.‏

عِبرانیلار 12:24

سیز تَزه عَهدینگ بُنیاتچیسی عیسانینگ حوضورینا گِلدینگیز.‏ هابیل‌ینگ اِنتِقام آلماغا قیغیریان قانینا دَل-ده، شِیله بُلسا گونَه‌لِریمیزی یووماق اوچین سِپیلِن عیسانینگ قانینا یاقینلاشدینگیز.‏

عِبرانیلار 4:16

گِلینگ، مِرحِمِتلی خودایینگ تاختینا باتیرلیق بیلِن قُلایلاشایلینگ.‏ شُندا اُل مِرحِمِت اِدیپ، گِرِک واقتدا بیزه یاردیم بِرِر.‏

عِبرانیلار 6:11

بیز سیزینگ هِر بیرینگیزینگ اومیدینگیزینگ یِرینه یِتیرمِگینینگ اینگ آخیرقی واقتینا چِنلی خیدماتدا قایراتلیق گُرکِزمِگینگیزی ایسلِیَریس.‏

عِبرانیلار 7:19

چونکی شِریغات هیچ بیر زادی کَمیلِّشدیرمِدی.‏ ایندی مونونگ دِرِگینه بیزی خودایا یاقینلاشدیریان خاص قاوی بیر اومید بِریلدی.‏

عِبرانیلار 9:10

مونگا دینگه بِدِن بیلِن باغلی بُلان اییّپ-ایچمِک و هِر هیلی پَکلِنیش واجیپلاری گیریَر.‏ بولارینگ هِمّه‌سی تَزه تِرتیب یِرلِشدیریلیَنچه یِرینه یِتیریلیَردی.‏

عِبرانیلار 9:19

موسی شِریغاتینگ هِر بیر حُکوملِرینی هِمّه خالقا اِعلان اِتدی.‏ سُنگرا قیزیل یونگ هِم بیر زوفا اُتی بیلِن گِچیلِرینگ و تانالارینگ قانینی و سووی آلیپ شِریغات کیتابینینگ و هِمّه خالقینگ اوستونه سِپدی،

یعقوب 1:6

اِمّا اُل آدام شِک اِتمَن ایمان بیلِن دیلِسین، سِبَبی شِک اِدیَن آدام اِدیل یِلینگ اِیلَک-بِیلَک چایقایان دِریانگ مُوجی یالیدیر.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۱ پِطرُس 3:21

اینه، بو سو حَضیر سیزی نِجات بِریَن تَعمیدینگ نیشانیدیر.‏ سیز بِدِنینگیزینگ کیری یوولاندیغی اوچین دَل-ده، عیسی مسیحینگ دیرِلمِسینینگ اوستو بیلِن و پَک وِجدان بیلِن خودایا طاراف اُورولِندیگینگیز اوچین نِجات تاپدینگیز.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏