عِبرانیلار 10:20 - مُقادِّس کیتاب

²⁰ عیسی اُز اُلومینینگ اوستو بیلِن بیزه چادیرداقی ایچکی پِرده‌دِن گِچیَن و خودایا باریان تَزه یاشاییش یُلونی آچیپ بِردی.‏

عِبرانیلار 10:20 ပူးပေါင်းရင်းမြစ်များ

مَتّیٰ 27:51

شُل واقت عیباداتخانانینگ پِرده‌سی یُقاردان آشاغینا چِنلی ییرتیلیپ، ایکَه بُلوندی، یِر تیترَپ، داشلار یاریلدی.‏

مَرقُس 15:38

شُل واقت عیباداتخانانینگ پِرده‌سی یُقاردان آشاقلیغینا ییرتیلیپ، ایکَه بُلوندی.‏

لوقا 23:45

عیباداتخانانینگ پِرده‌سی اُرتاراسیندان ییرتیلیپ، ایکَه بُلوندی.‏

یوحنا 10:7

عیسی یِنه-ده اُلارا شِیله دییدی:‏ ‏«‏مِن سیزه دُغروسینی آیدیارین، قُیون آخُرینگ قاپیسی مِندیرین.‏

یوحنا 10:9

قاپی مِندیرین.‏ کیم مِندِن گیرسه، نِجات تاپار.‏ اُل گیریپ-چیقیپ، اُزونه اُتلیق تاپار.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

اِفِسُسلار 2:15

اُل شِریغاتینگ قانونلارینی و دِستورلارینی باطیل اِتدی-ده، ایکی خالقی بیرلِشدیریپ، تَزه بیر خالق یاراتدی و پاراحاتچیلیغی بِرقارار اِتدی.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

عِبرانیلار 6:19

بو اومید لِنگِر یالی جانیمیزی قاییم هِم خاطارسیز ساقلایاندیر، اُل آسمانداقی چادیرینگ توتولان پِرده‌نینگ آنگیرسینا گِچیَندیر.‏

عِبرانیلار 9:3

چادیرینگ ایکینجی پِرده‌سینینگ آنگیرسیندا ‏«‏اینگ مُقادِّس جای»‏ دییلیپ آدلاندیریلیان یِنه بیر اُتاق باردی.‏

عِبرانیلار 9:8

بو تِرتیبلِرینگ اوستو بیلِن مُقادِّس روح شونی گُرکِزیَر:‏ چادیرینگ بیرینجی اُتاقی بارقا، اینگ مُقادِّس اُتاقا آصلا گیریپ بُلماز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 4:2

خودایینگ روحونی، اینه، شوندان بیلِرسینگیز:‏ اُنونگ روحی عیسی مسیحینگ، حاقیقاتدان هِم، اینسان بُلوپ گِلِندیگینی ایقرار اِدیَر.‏

۲ یوحنا 1:7

اِنچِمه آلداوچیلار دونیَه یایرادی.‏ اُلار عیسی مسیحینگ اینسان بُلوپ گِلِندیگینی اینکَر اِدیَرلِر.‏ بِیله آداملار یالانچیدیر و مسیحینگ دوشمانیدیر.‏