عِبرانیلار 1:9 - مُقادِّس کیتاب

⁹ سِن عادالاتی سُیوپ، تِلِکه‌لیگی ییگرِنیَرسینگ.‏ شُنونگ اوچین خودای، سِنینگ خودایینگ، سِنی دُستلارینگ ایچیندِن سِچیپ سایلادی، باشینگا شاتلیق یاغینی سویکِدی.‏»‏

عِبرانیلار 1:9 ပူးပေါင်းရင်းမြစ်များ

لوقا 4:18

‏«‏خودایینگ روحی اوستومدِدیر.‏ قاریپلارا خوش خاباری بیلدیرمِگیم اوچین، اُل مِنی سِچیپ سایلادی؛ زیندانیلارا آزادلیغی، کُرلِره گُزونینگ آچیلجاقدیغینی خابار بِرمَگه اُل مِنی ایبِردی.‏ ظولوم آشاغیندَکیلِری آزادلیغا چیقارماغا،

یوحنا 1:41

آندرِیاس اَوَّل دُغانی شمعونی تاپیپ، اُنگا:‏ ‏«‏بیز مسیحی تاپدیق»‏ دییدی.‏ مسیح – خودایینگ سایلاپ-سِچِنی دییمِکدیر.‏

یوحنا 10:17

‏«‏مِن جانیمی قایتادان آلماق اوچین فِدا اِدیَرین.‏ شُل سِبَپدِن آتام مِنی سُییَر.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

یوحنا 3:34

خودایینگ ایبِرِنی خودایینگ سُزلِرینی آیدیاندیر، سِبَبی خودای اُنگا مُقادِّس روحی اُلچِگسیز بِریَر.‏

رِسول‍لار 10:38

خودایینگ ناصِره‌لی عیسانی مُقادِّس روح و گویچ-قودرات بیلِن دُلدوریپ، اُنی سایلاپ-سِچِندیگینی بیلیَنسینگیز.‏ عیسی دُرت طارافا آیلانیپ، کَن یاخشی ایشلِر اِتدی، شِیطانینگ حُکومدارلیغیندان عاذاپ چِکیَنلِرینگ بارینا شِفا بِردی، سِبَبی خودای اُنونگ بیلِندی.‏

رِسول‍لار 4:26

خودایا و اُنونگ مسیحینه قارشی دونیَه پادیشاهلاری آیاغا قالیار، حُکومدارلار بیریگیَر و باش قالدیریار.‏

رِسول‍لار 4:27

حاقیقاتدان-دا، باشغا میلِّتلِر و اسرائیل خالقی بیلِن بیرلیکده هیرودیس و پُنتیوس پیلاتُس بو شَهرده اُز سایلاپ-سِچِن مُقادِّس بِنده‌نگ عیسی قارشی آیاغا قالدیلار.‏

رومیلار 12:9

سُیگینگیز ایکی‌یوزلی بُلماسین.‏ یامانلیغی ییگرِنیپ، یاخشیلیغا قاتی یاپیشینگ.‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

۱ قُرِنتُس‌لار 1:9

سیزی اُز اُغلی، تانگریمیز عیسی مسیح بیلِن قاتناشیقدا بُلماغا چاغیران خودای اِمیندیر.‏

۲ قُرِنتُس‌لار 11:31

باقی بِییکلیگَه میناسیپ خودای و تانگری عیسانینگ آتاسی مِنینگ یالان آیتمایاندیغیمی بیلیَندیر.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

اِفِسُسلار 1:3

تانگریمیز عیسی مسیحینگ آتاسی خودایا اُوگولِر بُلسون!‏ اُل بیزی مسیحده آسمانداقی روحانی بِرِکِتلِرینگ هِمّه‌سی بیلِن بِرِکِتلِدی.‏

فیلیپیلِر 2:9

شُنگا گُرَه خودای اُنی خاص بِیگِلتدی:‏ اُنگا هِمّه آددان اوستون بیر آدی بِردی،

عِبرانیلار 2:11

اینسانلاری مُقادِّس اِدیَن عیسی و اُنونگ اوستو بیلِن مُقادِّس اِدیلِنلِر ایندی بیر ماشغالا باغلیدیر.‏ شُنونگ اوچین هِم عیسی اُلارا دُغان و آیال دُغان دییمِکدِن اوتانمایار.‏

عِبرانیلار 2:9

اِمّا بیز حُرمات و بِییکلیک تاجینینگ عیسی گِیدیریلِندیگینی گُریَریس، سِبَبی اُل بیزینگ اوچین اُلومه جیدادی.‏ هاووا، اُل پِریشده‌لِردِن بیرآز واقتلیق آشاق توتولیپ، خودایینگ مِرحِمِتی بیلِن هِمّه اینسانلار اوچین عاذاپ چِکیپ اُلدی.‏

عِبرانیلار 7:26

بیزه اِدیل شونونگ یالی مُقادِّس، گونَه‌سیز و پَک باش کاهین گِرِکدی.‏ اُل گونَه‌کَرلِردِن آیریلیپ و آسماندان هِم یُقاری گُتِریلِندیر.‏

۱ پِطرُس 1:3

تانگریمیز عیسی مسیحینگ آتاسی خودایا اُوگیلِر بُلسون!‏ اُل اُز بِییک مِرحِمِتینه گُرَه، عیسی مسیحینگ اُلومدِن دیرِلمِگینینگ اوستو بیلِن بیزی تَزه دُغولماغا و دیری اومیدینا قاوشوردی.‏

۱ یوحنا 1:3

سیزینگ-ده بیزینگ بیلِن شِریکلیگینگیز بُلار یالی، گُرِنیمیزی، اِشیدِنیمیزی سیزه آیدیاریس.‏ بیزینگ شِریکلیگیمیز بُلسا آتا و اُنونگ اُغلی عیسی مسیح بیلِندیر.‏

آیانلیق 2:15

شِیله-ده، آرانگیزدا نیکولاچیلارینگ تَعلیماتینگ ایزینا دوشیَنلِر هِم بار.‏