غَلاطیه‌لِر 6:2 - مُقادِّس کیتاب

² بیری-بیرینگیزه حِمایاتچی بُلونگ.‏ شِیله اِتسِنگیز، مسیحینگ یُلونی بِرجای اِتدیگینگیز بُلار.‏

غَلاطیه‌لِر 6:2 ပူးပေါင်းရင်းမြစ်များ

مَتّیٰ 8:17

شونلوقدا، اِشعیا پیغامبارینگ اوستو بیلِن آیدیلان شو سُزلِر بِرجای بُلدی:‏ ‏«‏اُل بیزینگ ناتووانلیغیمیزی اُز اوستونه آلدی و بیزینگ دِردلِریمیزی چِکدی.‏»‏

لوقا 11:46

عیسی هِم شِیله دییدی:‏ ‏«‏سیزینگ هِم وای حالینگیزا، اِی دین عُلَمالار!‏ آغیر یوکلِری آداملارا یوکلِیَرسینگیز، اُزونگیز بُلسا اُل یوکلِره بارماغینگیزی هِم دِگیرمِیَرسینگیز.‏

یوحنا 13:34

سیزه بیر تَزه حُکوم بِریَرین:‏ بیری-بیرینگیزی سُیونگ.‏ مِنینگ سیزی سُیشوم یالی، سیز-ده بیری-بیرینگیزی سُیونگ.‏

یوحنا 15:12

‏«‏مِنینگ حُکومیم شودور:‏ مِن سیزی نَهیلی سُیِن بُلسام، سیز هِم بیری-بیرینگیزی شُنونگ یالی سُیونگ.‏

رومیلار 15:1

بیز، ایماندا گویچلیلِر، دینگه اُز ایسلِیَنیمیزینگ ایزیندا بُلمالی دَل-ده، قایتام، ایمانی قاوشاق آداملارینگ اِجیزلیکلِرینی گُتِرمِلی بُلمالیدیریس.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

۱ قُرِنتُس‌لار 9:21

مِن شِریغاتسیز آداملاری مسیح طارافا گِتیرجِک بُلوپ، اُلارینگ یانیندا شِریغاتسیز یالی بُلدوم.‏ حاقیقاتدان هِم، خودایینگ شِریغاتینا گُرَه یاشاپ، مسیحینگ تابشیریقلارینا موطیع‌دیرین.‏

۱ تِسالونیکیلِر 5:14

اِی عزیزلِر، سیزه یالباریاریس:‏ بیکَر گِزیَنلِری ناصیحات اِدینگ، اومیدسیزلارا گُوونلیک بِرینگ، اِجیزلِری قُلدانگ، هِمّه‌لِر باباتدا صابیر-جِداملی بُلونگ.‏

یعقوب 1:25

اِمّا کیم آزادلیق بِریَن کَمیل شِریغاتا دیقّات بِریپ، اِشیدِنلِرینی یاددان چیقارمان، قایتام، اُنی قاوی عِمِل اِدیَن بُلسا، خودای اُنی هِر بیر اِدیَن ایشینده بِرِکِتلِر.‏

یعقوب 2:12

شُنونگ اوچین هِم، هِر بیر کِپینگیز و عِمِلینگیز آزادلیق بِریَن شِریغاتا گُرَه حُکوم اِدیلجِک آداملارینگقی یالی بُلسون.‏

یعقوب 2:8

اِگِر سیز مُقادِّس یازغیلارداقی:‏ ‏«‏هِمسایانی اُزونگی سُیشونگ یالی سُی»‏ دییِن اینگ مُهِم حُکومی یِرینه یِتیریَن بُلسانگیز، دُغری ایش اِدیَنسینگیز.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۲ پِطرُس 2:21

تاقوالیق یُلونی بیلِندِن سُنگ، اُزلِرینه تابشیریلان مُقادِّس حُکومی اینکَر اِدِنیندِن بو یُلی آصلا بیلمِزلیک اُلار اوچین خاص قاوی بُلاردی.‏

۲ پِطرُس 3:2

مُقادِّس پیغامبارلارینگ قادیمدا آیدان سُزلِرینی و تانگریمیز نِجات بِریَنچی مسیحینگ رِسول‍لارینگیزینگ اوستو بیلِن سیزه بِرِن حُکمونی یادینگیزا سالماقچی.‏

۱ یوحنا 4:21

خودای بیزه:‏ ‏«‏خودایی سُییَن آدام حُکمَن اُز دُغانینی-دا سُیسون»‏ دییّپ حُکوم بِردی.‏