غَلاطیه‌لِر 5:24 - مُقادِّس کیتاب

²⁴ عیسی مسیحه باغلی بُلانلار اُز اینسان هُوِسلِرینی و ایسلِگلِرینی صلیبه چویلَندیرلِر.‏

غَلاطیه‌لِر 5:24 ပူးပေါင်းရင်းမြစ်များ

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

رومیلار 6:6

موندان بِیلَک گونَه‌نینگ قولی بُلماز یالی، بیز کُهنه طِبیغاتیمیزینگ عیسی مسیح بیلِن صلیبه چویلِنِندیگینی بیلیَریس و ایندی گونَه‌نینگ قولّوغیندان بُشاندیق.‏

رومیلار 8:13

اِگِر سیز اینسان هُوِسلِرینینگ ایسلِگلِرینه گُرَه یاشاسانگیز، اُلِرسینگیز.‏ اِمّا اینسان هُوِسلِرینینگ تِلِکه ایشلِرینی روحونگ گویجینینگ اوستو بیلِن یُق اِتسِنگیز، یاشارسینگیز.‏

رومیلار 8:9

اِگِر خودایینگ روحی دُغرودان-دا قالبینگیزدا مِسکِن توتان بُلسا، سیز اینسان هُوِسلِرینینگ ایختییاریندا دَلسینگیز، سیز روحونگ ایختییارینداسینگیز.‏ کیمده مسیحینگ روحی بُلماسا، اُل مسیحه دِگیشلی دَلدیر.‏

۱ قُرِنتُس‌لار 15:23

یُنه هِر کیم اُز نوبَتیندا دیرِلِر.‏ عیسی مسیح اَوَّلکی بُلوپ دیرِلدی.‏ مسیح گِلِنده، اُنگا دِگیشلی بُلانلار-دا دیرِلِر.‏

۱ قُرِنتُس‌لار 3:23

سیز مسیحینگکیسینگیز و مسیح بُلسا خودایینگقیدیر.‏

۱ قُرِنتُس‌لار 6:13

سیز:‏ ‏«‏اییمیت قارین اوچین، قارین-دا اییمیت اوچیندیر و خودای اُلارینگ ایکیسینی هِم یُق اِدِر»‏ دییّپ دُغری آیدیارسینگیز.‏ اِمّا بِدِن زینا اِتمِک اوچین دَل-ده، مسیحه خیدمات اِتمِک اوچین بِرلِندیر و مسیح هِم بِدِنیمیز اوچین ایشلِیَندیر.‏

۲ قُرِنتُس‌لار 10:7

مِسه-معلیم گُرنوپ دورانا سِراِدینگ!‏ اِگِر کیمدیر بیرینینگ اُزونینگ مسیحه دِگیشلیدیگی بارادا قاتی اینامی بار بُلسا، قُی، شونگا دوشونسین:‏ بیز هِم اِدیل شُنونگ یالی مسیحه دِگیشلیدیریس.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 3:26

سیزینگ بارینگیز عیسی مسیحه باغلی بُلوپ، اُنگا بُلان ایمانینگیزینگ اوستو بیلِن خودایینگ فِرزِنتلِریسینگیز.‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

غَلاطیه‌لِر 3:29

اِگِر سیز مسیحه باغلی بُلسانگیز، اُندا ابراهیمینگ نِسلیسینگیز و بِرلِن واعدا گُرَه میراثدارسینگیز.‏

غَلاطیه‌لِر 5:20

بُت‌پَرَستلیک و دُغا-جادوگَرلیکدیر، دوشمانچیلیق، کینَه، ایچیغارالیق، قاهار، قیسغانچیلیق، جِدِل، بُلونیشیک

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

اِفِسُسلار 3:1

شو سِبَپلی مِن پولس سیز یَهودی دَل‍لِر اوچین عیسی مسیحینگ اوغروندا زینداندا بُلدوم.‏ مِن سیزینگ اوچین خودایا دُغا اِدیَرین.‏

اِفِسُسلار 3:11

بو خودایینگ اُزال-باشدان بَری بَرنامه‌سی بُلوپ، اُنی تانگریمیز عیسی مسیحینگ اوستو بیلِن یِرینه یِتیردی.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

کولُسیلِر 2:11

سیز اُنونگ و بیرلِشمِگینگ اوستو بیلِن سونِّت هِم اِدیلدینگیز.‏ بو بِدِن سونِّتی دَل-ده، مسیحینگ اوستو بیلِن اِدیلِن سونِّت بُلوپ، اُوالقی طِبیغاتینگیزینگ چیقاریپ اُقلانماغیدیر.‏

۱ پِطرُس 2:11

عزیز دُستلار، روحونگیزا قارشی اوروشیان گونَه‌لی هُوِسلِردِن داش دورونگ دییّپ یالباریارین.‏ چونکی سیز بو دونیَه‌ده کِسِکی هِم بیگانه‌سینگیز.‏