غَلاطیه‌لِر 5:22 - مُقادِّس کیتاب

²² اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

غَلاطیه‌لِر 5:22 ပူးပေါင်းရင်းမြစ်များ

مَتّیٰ 12:33

‏«‏قاوی باغ اِکینگ، اُنونگ میوه‌سی-ده قاوی بُلار، تِلِکه باغ اِکسِنگیز، تِلِکه میوه آلارسینگیز، سِبَبی باغ میوه‌سیندِن تانیلیاندیر.‏

لوقا 13:9

گِلجِک ییل میوه بِرسَه نه یاخشی، بِرمِسه-ده، اُنی کِسیپ زینگارسینگ“‏ دییَّر.‏»‏

یوحنا 15:16

سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

یوحنا 15:2

اُل مِنینگ میوه بِرمِیَن هِر بیر شاخامی کِسیپ زینگیار، میوه بِریَنینی بُلسا کَن میوه بِرِر یالی اُل اُنی پَکلِیَر.‏

یوحنا 15:5

‏«‏مِن اوزوم باغیدیرین، سیز شاخالاریسینگیز.‏ کیم مِنده و مِن هِم اُندا یاشاسام، اُل بُل میوه بِرِر.‏ سیز مِندِن آیری هیچ زات اِدیپ بیلمِرسینگیز.‏

رومیلار 14:17

چونکی خودایینگ پادیشاهلیغی اییمِک-ایچمِک دَل-ده، مُقادِّس روحونگ ناغمات بِریَن تاقوالیغی، پاراحاتلیغی و شاتلیغیدیر.‏

رومیلار 15:14

اِی عزیزلِریم، مِن سیزینگ یاخشیلیقدان دُلودیغینگیزا، هِمّه زادی بیلیَندیگینگیزه و بیری-بیرینگیزه ناصیحات بِرمِگی باشاریاندیغینگیزا قاتی اینانیارین.‏

رومیلار 15:3

سِبَبی ‏«‏سانگا تُهمِت اوریانلارینگ کِپی باشیما ایندی»‏ دییّپ یازیلیشی یالی، حتّیٰ عیسی مسیح هِم اُز ایسلِگینینگ ایزیندا بُلان دَلدیر.‏

رومیلار 15:30

اِی عزیزلِر، تانگریمیز عیسی مسیحینگ و مُقادِّس روحونگ سُیگوسینینگ خاطیراسینا یالباریارین:‏ مِنینگ اوچین دُغا اِتمِک بیلِن، مِنینگ گُرِشیمه قُشولینگ.‏

رومیلار 6:22

یُنه ایندی گونَه‌نینگ ایختییاریندان آزاد اِدیلیپ، خودایینگ قولی بُلدونگیز.‏ مونونگ نِتیجه‌سی مُقادِّس یاشاماقلیق، سُنگی بُلسا اِبِدی یاشاییشدیر.‏

رومیلار 7:4

اِی عزیزلِریم، سیز باباتدا هِم شِیلِدیر.‏ سیز عیسی مسیحینگ اُلومینینگ اوستو بیلِن شِریغات اوچین اُلوسینگیز.‏ خودایا یاخشی ایشلِرینگیزینگ حاصیلینی گِتیرِر یالی، سیز ایندی باشغا بیرینه، یَعنی اُلومدِن دیرِلِن عیسی مسیحه باغلیسینگیز.‏

رومیلار 8:5

چونکی اینسان هُوِسلِرینه گُرَه یاشایانلار بو هُوِسلِرینگ حالایان زاتلاری بارادا فیکر اِدیَرلِر.‏ اِمّا روحا گُرَه یاشایانلار بُلسا اُنونگ حالایان زاتلاری بارادا فیکر اِدیَندیر.‏

۱ قُرِنتُس‌لار 13:13

حَضیر شو اوچوسی قالیار:‏ ایمان، اومید و سُیگی.‏ اِمّا بولارینگ اینگ اولوسی بُلسا سُیگودیر.‏

غَلاطیه‌لِر 5:13

اِی عزیزلِریم!‏ سیز آزاد بُلماغا چاغیریلانسینگیز.‏ یُنه بو آزادلیغینگیزی اینسان هُوِسلِرینگیزی راضی اِتمِک اوچین پِیدالانمانگ.‏ قایتام، بیری-بیرینگیزی سُیگی بیلِن خیدمات اِدینگ.‏

اِفِسُسلار 4:23

مونگا دِرِک فیکرینگیزده و سِراِدیشینگیزده تَزه‌لِنینگ.‏

اِفِسُسلار 5:9

دُغرودان هِم، نورینگ میوه‌سی هِر هیلی یاخشیلیقدان، تاقوالیقدان و حاقیقاتدان عیباراتدیر.‏

فیلیپیلِر 1:11

قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

۲ تِسالونیکیلِر 3:2

ظالیم و یامان آداملاردان خالاص بُلوپ بیلمِگیمیز اوچین-ده دُغا اِدینگ.‏ چونکی خودایا آداملارینگ هِمّه‌سی اینانیان دَلدیر.‏

۱ تیموتاوس 3:11

شُنونگ یالی، کِلیسانینگ خیدماتچی آیال‍لاری هِم حُرماتلانیان، غیبات اِتمِیَن، تِرسینه، اُز نِفسینی ساقلایان و هِر زاتدا اِمین بُلمالیدیر.‏

۱ تیموتاوس 4:12

یاش ییگیت بُلانینگ اوچین سانگا هیچ کیم اَسگِرمِزلیک اِتمِسین.‏ سِن هِم سُزده، یاشاییشدا، سُیگوده، ایماندا و پَکلیکده ایمان گِتیرِنلِره نِمونه بُل.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 1:8

سیز مسیحی گُرمِدیک بُلسانگیز هِم، اُنی سُییَرسینگیز.‏ حتّیٰ اُنی شو واقت گُرمِسِنگیز-ده، اُنگا ایمان گِتیریَرسینگیز و سُز بیلِن تعریفلاپ بُلماجاق بِییک شاتلیقدان دُلوپ-آقیارسینگیز.‏

۱ پِطرُس 5:12

بو قیسغا نامه‌می سیزه وِفالی دُغانیم سیلاسینگ اوستو بیلِن یازدیم.‏ مونونگ بیلِن سیزی گُوونلیک بِریپ، خودایینگ حاقیقی مِرحِمِتینه شاهاتلیق اِتدیم.‏ شُندا قاییم دورونگ.‏