غَلاطیه‌لِر 5:13 - مُقادِّس کیتاب

¹³ اِی عزیزلِریم!‏ سیز آزاد بُلماغا چاغیریلانسینگیز.‏ یُنه بو آزادلیغینگیزی اینسان هُوِسلِرینگیزی راضی اِتمِک اوچین پِیدالانمانگ.‏ قایتام، بیری-بیرینگیزی سُیگی بیلِن خیدمات اِدینگ.‏

غَلاطیه‌لِر 5:13 ပူးပေါင်းရင်းမြစ်များ

لوقا 4:18

‏«‏خودایینگ روحی اوستومدِدیر.‏ قاریپلارا خوش خاباری بیلدیرمِگیم اوچین، اُل مِنی سِچیپ سایلادی؛ زیندانیلارا آزادلیغی، کُرلِره گُزونینگ آچیلجاقدیغینی خابار بِرمَگه اُل مِنی ایبِردی.‏ ظولوم آشاغیندَکیلِری آزادلیغا چیقارماغا،

رِسول‍لار 20:35

اُز اِل‍لِریم بیلِن قاتی ایشلَپ، مَحتَجلیک چِکیَنلِره کُمِک اِتمِکده مِن سیزه نِمونه گُرکِزدیم.‏ تانگریمیز عیسانینگ اِدیل اُزونینگ:‏ ‏”‏بِرمِک آلماقدان خاص کَن خوشواقتلیق گِتیریَر“‏ دییِن سُزلِرینی یاددا ساقلانگ.‏»‏

۱ قُرِنتُس‌لار 8:9

اِمّا اُز آزادلیغینگیزا خاباردار بُلونگ.‏ سیزینگ آزادلیغینگیز وِجدانی ناتووان بُلان ایماندارلارینگ بودریمِگینه سِبَپ بُلماسین!‏

۱ قُرِنتُس‌لار 9:19

مِن آزاد بُلسام-دا، هِر کیمی مسیح طارافا گِتیرجِک بُلوپ، هِمّه‌لِرینگ قولی بُلدوم.‏

۲ قُرِنتُس‌لار 12:15

مِن سیزه دینگه هِمّه زادیمی دَل، حتّیٰ جانیمی هِم اولی شاتلیق بیلِن بِرِرین.‏ مِن سیزی شِیله سُییَرین!‏ اُندا نَمه اوچین سیز مِنی بِیله آز سُییَرسینگیز؟

۲ قُرِنتُس‌لار 2:8

خاییش اِدیَرین:‏ اُنی دُغرودان-دا سُییَندیگینگیزی تاصدیقلانگ.‏

۲ قُرِنتُس‌لار 3:17

خودای روحدیر و خودایینگ روحی نیرِده بُلسا، آزادلیق هِم شُل یِردِدیر.‏

۲ قُرِنتُس‌لار 4:5

بیز اُزومیز بارادا دَل-ده، عیسی مسیحینگ تانگریدیغی بارادا واغیظ اِدیَریس.‏ اُزومیزی بُلسا عیسانینگ خاطیراسینا سیزینگ خیدماتکَرینگیز دییّپ حاساپلایاریس.‏

غَلاطیه‌لِر 2:4

سونِّتلِنمه مِسِله‌سی کَبیر دُغان یالیلار اوچین یوزه چیقیپدی.‏ اُلار بیزی بِنده اِتمِک اوچین، آرامیزا اُغرینچا سوملوپ، عیسی مسیحینگ اوستو بیلِن آلان آزادلیغیمیزی اُغرینلیقدا گُزلِدیلِر.‏

غَلاطیه‌لِر 4:22

تُورات‌دا ابراهیمینگ ایکی اُغلونینگ بُلاندیغی بارادا یازغیلیدیر.‏ اُلارینگ بیری قیرناقدان، بِیلِکیسی بُلسا آزاد آیالینداندی.‏

غَلاطیه‌لِر 5:1

عیسی مسیح بیزی آزاد بُلماق اوچین آزاد اِتدی.‏ شُنونگ اوچین-ده قاییم دورونگ، بِنده‌چیلیک یوغونی قایتادان بُیونا سالدیرمانگ.‏

غَلاطیه‌لِر 5:14

چونکی هِمّه شِریغات:‏ ‏«‏هِمسایانگی اُزونگی سُیشونگ یالی سُی»‏ دییِن بیر حُکومده جِملِنِندیر.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

غَلاطیه‌لِر 6:2

بیری-بیرینگیزه حِمایاتچی بُلونگ.‏ شِیله اِتسِنگیز، مسیحینگ یُلونی بِرجای اِتدیگینگیز بُلار.‏

اِفِسُسلار 5:21

عیسی مسیحه حُرمات قُیماق بیلِن بیری-بیرینگیزه موطیع بُلونگ.‏

۱ تِسالونیکیلِر 1:3

ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس.‏

۱ پِطرُس 2:16

آزاد آدام یالی یاشانگ، اِمّا اُز آزادلیغینگیزی یامانلیق اِتمِک اوچین پِیدالانمانگ.‏ خودایینگ خیدماتکَرلِری یالی یاشانگ.‏

۲ پِطرُس 2:19

اُزلِری فاسیقلیغینگ قولی بُلوپ-دا، اُلارا آزادلیغی واعدا بِریَرلِر، سِبَبی آدام نَمِدِن باسیلسا، اُنونگ قولی بُلیاندیر.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏