غَلاطیه‌لِر 5:1 - مُقادِّس کیتاب

¹ عیسی مسیح بیزی آزاد بُلماق اوچین آزاد اِتدی.‏ شُنونگ اوچین-ده قاییم دورونگ، بِنده‌چیلیک یوغونی قایتادان بُیونا سالدیرمانگ.‏

غَلاطیه‌لِر 5:1 ပူးပေါင်းရင်းမြစ်များ

مَتّیٰ 23:4

اُلار آغیر، گُتِرمِسی قین یوکلِری باغلاپ، آداملارینگ گِرشینه قُییاندیرلار، یُنه اُزلِری بو یوکلِری گُتِرمِک اوچین، بارماغینی هِم قیمیلداتماق ایسلِیَن دَلدیرلِر.‏

لوقا 5:38

تَزه شِراب تَزه مِشیکلِره قویولمالیدیر.‏

رِسول‍لار 15:10

بِیله بُلسا، نَمه اوچین آتا-بابالاریمیزینگ و اُزومیزینگ گُتِریپ بیلمِدیک یوغیمیزی شَگیرتلِرینگ بُینونا سالیانگیز؟ خودایی ایمتِحانلاجاق بُلیارسینگیزمی؟

رومیلار 6:14

شُندا گونَه سیزه اُز حُکومینی یُریتمِز، سِبَبی سیز شِریغاتینگ ایختییاریندا دَل-ده، مِرحِمِتینگ ایختییارینداسینگیز.‏

رومیلار 6:18

گونَه‌نینگ ایختییاریندان آزاد اِدیلیپ، تاقوالیغینگ قول‍لاری بُلدونگیز.‏

رومیلار 7:3

اِگِر آیال اَری دیریکَه باشغا بیر اَره بارسا، بو زیناکَرلیکدیر.‏ اِمّا اَری اُلسه، اُل شِریغاتدان آزاددیر، باشغا اَره بارسا هِم زیناکَر حاساپلانمایاندیر.‏

رومیلار 7:6

اِمّا بیز اُزومیزی دانگیلماقدا ساقلان شِریغات باباتدا اُلوپ، اُندان آزاد اِدیلدیک.‏ بیز ایندی شِریغاتا موطیع بُلان کُهنه یُل‍لارا گُرَه دَل-ده، شِیله بُلسا مُقادِّس روحونگ ایزینا دوشوپ تَزه یُل‍لارا گُرَه خودایا خیدمات اِدیپ بیلِریس.‏

رومیلار 8:15

خودای بیزه اُز روحونی بِردی، اُل مونی قایتادان قول بُلوپ، قُرقودا یاشاماغیمیز اوچین دَل، شِیله بُلسا اُنونگ فِرزِنتلِری بُلوپ، روحونگ اوستو بیلِن ‏«‏آبّا، آتا»‏ دییّپ چاغیرماغیمیز اوچین اِتدی.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۱ قُرِنتُس‌لار 16:13

خاباردار بُلونگ، ایماندا قاییم دورونگ، قُرقمانگ، قایراتلی بُلونگ.‏

۱ قُرِنتُس‌لار 7:22

چونکی قول واقتی خودای طارافیندان چاغیریلان کیشی اُنونگ آزاد بِنده‌سیدیر.‏ شُنونگ یالی، آزاد واقتی خودای طارافیندان چاغیریلان کیشی مسیحینگ قولودیر.‏

۲ قُرِنتُس‌لار 11:20

هاووا، سیز قول اِدیلیَندیگینگیزه، حاقینگیزینگ اییّلیَندیگینه، اُزونگیزه ظولوم اِدیلیَندیگینگیزه، سیزه باشلیقلیق اِدیَنلِره یا یوزونگیزه شاپباق اوریانلارا شِیله جیداملی آخیرین!‏

۲ قُرِنتُس‌لار 3:17

خودای روحدیر و خودایینگ روحی نیرِده بُلسا، آزادلیق هِم شُل یِردِدیر.‏

غَلاطیه‌لِر 2:4

سونِّتلِنمه مِسِله‌سی کَبیر دُغان یالیلار اوچین یوزه چیقیپدی.‏ اُلار بیزی بِنده اِتمِک اوچین، آرامیزا اُغرینچا سوملوپ، عیسی مسیحینگ اوستو بیلِن آلان آزادلیغیمیزی اُغرینلیقدا گُزلِدیلِر.‏

غَلاطیه‌لِر 3:25

بیز ایندی عیسی مسیحه ایمان گِتیریَریس.‏ شُنونگ اوچین-ده، بیز موندان بِیلَک شِریغات تِربیِتینینگ اِلینینگ آشاغیندا دَلدیریس.‏

غَلاطیه‌لِر 4:26

اِمّا آسمانداقی اورشلیم آزاددیر.‏ اُل بیزینگ اِنه‌میزدیر.‏

غَلاطیه‌لِر 4:31

شونلوقدا، اِی عزیزلِریم، بیز قیرناقینگ فِرزِنتلِری دَل-ده، آزاد آیالینگ فِرزِنتلِریدیریس.‏

غَلاطیه‌لِر 4:9

ایندی بُلسا سیز خودایی تانییارسینگیز، دُغروسی خودایدا سیزی تانییاندیر.‏ شوندان سُنگ سیز نَدیپ شُل اِجیز و بیدِرِک دِستورلارا دُلانیارسینگیز؟ یا-دا قایتادان اُلارینگ بِنده‌سی بُلماق ایسلِیَرسینگیزمی؟

غَلاطیه‌لِر 5:13

اِی عزیزلِریم!‏ سیز آزاد بُلماغا چاغیریلانسینگیز.‏ یُنه بو آزادلیغینگیزی اینسان هُوِسلِرینگیزی راضی اِتمِک اوچین پِیدالانمانگ.‏ قایتام، بیری-بیرینگیزی سُیگی بیلِن خیدمات اِدینگ.‏

اِفِسُسلار 6:14

شِیلِلیکده، حاقیقاتی بیلینگیزه قوشاق اِدیپ داقینینگ، تاقوالیغی اِگنینگیزه زِره اِدیپ گِینینگ.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

۱ تِسالونیکیلِر 3:8

سیزینگ مسیحده قاییم دورماغینگیز ایندی جانیمیزا جان قُشیار.‏

۲ تِسالونیکیلِر 2:15

شُنگا گُرَه-ده، اِی عزیزلِر، ایندی ایماندا قاییم دورونگ!‏ بیزدِن سُز یا نامه‌نینگ اوستو بیلِن اُورِنِن تَعلیماتینگیزا قاییم یاپیشینگ.‏

عِبرانیلار 10:23

ایندی ایقرار اِدِن اومیدیمیزی شِکلِنمَن قاییم ساقلایلینگ، چونکی واعدا بِرِن خودای اِمیندیر.‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

عِبرانیلار 3:6

اِمّا عیسی مسیح خودایینگ اُیونه اُغول حُکمونده اِمیندیر.‏ اِگِر قایراتیمیزی و قووانیان اومیدیمیزی ساقلاماغی باشارساق، بیز خودایینگ اُیودیریس.‏

عِبرانیلار 4:14

شِیلِلیکده، ایقرار اِدِن ایمانیمیزی قاییم ساقلایلینگ!‏ چونکی بیزینگ آسمانا چیقیپ، خودایینگ حوضورینا باران بِییک باش کاهینمیز بار.‏ اُل خودایینگ اُغلی عیسادیر.‏

۱ پِطرُس 2:16

آزاد آدام یالی یاشانگ، اِمّا اُز آزادلیغینگیزی یامانلیق اِتمِک اوچین پِیدالانمانگ.‏ خودایینگ خیدماتکَرلِری یالی یاشانگ.‏

۲ پِطرُس 2:19

اُزلِری فاسیقلیغینگ قولی بُلوپ-دا، اُلارا آزادلیغی واعدا بِریَرلِر، سِبَبی آدام نَمِدِن باسیلسا، اُنونگ قولی بُلیاندیر.‏

یهودا 1:3

اِی عزیزلِر، مِن سیزه خودایینگ مِنی و سیزی نَهیلی نِجات بِرِندیگی بارادا یازماغی خاص دُغری بیلیَردیم.‏ اِمّا مونگا دِرِک خودایینگ اُز مُقادِّس خالقینا بیر گِزِک و هِمیشه‌لیک تابشیران ایمانی اوغروندا سیزی چالیشماغا قووات بِریپ یازماغیمینگ خاص-دا واجیپدیغینا گُز یِتیردیم.‏

آیانلیق 3:3

اِشیدِنلِرینگی و اُورِنِنلِرینگی یادا سال، اُلاری بِرجای اِت-ده توبا گِل.‏ اُیانماسانگ، بیر اُغری یالی بارارین.‏ مِنینگ هایسی ساغاتدا اوستونگه بارجاغیمی-دا بیلمَن قالارسینگ.‏