غَلاطیه‌لِر 4:4 - مُقادِّس کیتاب

⁴ اِمّا بِلِّنیلِن واقت یِتیپ گِلِنده، خودای اُز اُغلونی ایبِردی.‏ اُل آیالدان دُغلوپ، شِریغاتلیغیندا یاشادی.‏

غَلاطیه‌لِر 4:4 ပူးပေါင်းရင်းမြစ်များ

مَتّیٰ 3:15

عیسی اُنگا:‏ ‏«‏دِگمه، حَضیر شِیله بُلسون، سِبَبی بیزه خودایینگ ایسلِگینی بِرجای اِتمِک گِلیشیَندیر»‏ دییّپ جُغاپ بِردی.‏

مَتّیٰ 5:17

‏«‏مانگا تُورات بیلِن پیغامبارلارینگ یازغیلارینی باطیل اِتمَگَه گِلِندیر دییّپ گومَن اِتمَنگ.‏ مِن باطیل اِتمَگَه دَل-ده، اُلاری یِرینه یِتیرمَگَه گِلدیم.‏

مَرقُس 1:15

اُل:‏ ‏«‏واقت دُلدی، خودایینگ پادیشاهلیغی قُلایلادی.‏ توبا اِدینگ، خوش خابارا اینانینگ!‏»‏ دییَّردی.‏

لوقا 1:31

سِن گُورِلی بُلوپ، بیر اُغول دُغرارسینگ.‏ اُنونگ آدینا عیسی داقارسینگ.‏

لوقا 1:35

پِریشده اُنگا:‏ ‏«‏مُقادِّس روح سِنینگ اوستونگه اینِر، بِییک خودایینگ قودراتی سِنینگ اوستونگه کُلِگه سالار.‏ شُنونگ اوچین هِم دُغجاق چاغا مُقادِّس ساییلانار، اُنگا خودایینگ اُغلی دییلِر.‏

لوقا 20:44

داوود مسیحه تانگری دییَّر.‏ سُنگرا مسیح نَهیلی داوودینگ اُغلی بُلیار؟»‏ دییدی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 10:36

اُندا نَمه مِنی خودایینگ اُغلی دییِنیم اوچین کُفر آیدیان حاساپلایارسینگیز؟ مِنی بُلسا آتام اُزی اوچین سایلاپ-سِچیپ، دونیَه ایبِردی.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

یوحنا 6:38

چونکی مِن اُز ایسلِگیمی دَل-ده، مِنی ایبِرِنینگ ایسلِگینی بِرجای اِتمِک اوچین آسماندان ایندیم.‏

یوحنا 8:42

عیسی اُلارا شِیله دییدی:‏ ‏«‏اِگِر آتانگیز خودای بُلسا، اُندا مِنی سُیِردینگیز، سِبَبی مِن خودایدان گِلدیم، اُز-اُزومدِن گِلمِدیم، مِنی اُل ایبِردی.‏

رِسول‍لار 1:7

عیسی اُلارا:‏ ‏«‏آتامینگ اُز ایختییاری بیلِن بِلَّن واقتینی یا زامانینی بیلمِک سیزینگ ایشینگیز دَل.‏

رومیلار 1:3

بو خوش خابار خودایینگ اُغلی عیسی مسیح بارادادیر.‏ اُل اینسان طِبیغاتینا گُرَه داوودینگ نِسلیندِندی.‏

رومیلار 15:8

چونکی عیسی مسیح خودایینگ صادیقلیغینی آیان اِدیپ، آتا-بابالارا بِرلِن واعدالاری تاصدیقلاماق اوچین یَهودیلِرینگ خیدماتکَری بُلدی.‏

رومیلار 5:6

بیزینگ اُزومیزی آقلاماغا گویجومیز یُقّا، عیسی مسیح بِلِّنِن واقتیندا بیز خودایسیزلار اوچین اُلدی.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

رومیلار 9:5

اُلار بِییک آتا-بابالاریمیزینگ نِسلیدیر.‏ عیسی مسیح هِم اینسان طِبیغاتی بُیونچا اُلاردان گِلیپ چیقاندیر.‏ هِمّه زاتدان یُقاری بُلان خودایا اِبِدی بِییکلیک بُلسون!‏ اَمین!‏

اِفِسُسلار 1:10

واقتی گِلِنده، خودای بو نییِتینی یِرینه یِتیریپ، یِردَکی و آسمانداقی هِمّه زاتلاری بیر باشا، یَعنی مسیحده، بیرلِشدیرِر.‏

کولُسیلِر 2:14

اُل بیزه قارشی یازیلان بِرگیلیک یازغیسینی باطیل اِتدی و اُنی صلیبه چویلَپ، آرادان آییردی.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

عِبرانیلار 2:14

بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی.‏ اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،

عِبرانیلار 9:10

مونگا دینگه بِدِن بیلِن باغلی بُلان اییّپ-ایچمِک و هِر هیلی پَکلِنیش واجیپلاری گیریَر.‏ بولارینگ هِمّه‌سی تَزه تِرتیب یِرلِشدیریلیَنچه یِرینه یِتیریلیَردی.‏

۱ یوحنا 4:14

بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس.‏

۱ یوحنا 4:2

خودایینگ روحونی، اینه، شوندان بیلِرسینگیز:‏ اُنونگ روحی عیسی مسیحینگ، حاقیقاتدان هِم، اینسان بُلوپ گِلِندیگینی ایقرار اِدیَر.‏