غَلاطیه‌لِر 3:26 - مُقادِّس کیتاب

²⁶ سیزینگ بارینگیز عیسی مسیحه باغلی بُلوپ، اُنگا بُلان ایمانینگیزینگ اوستو بیلِن خودایینگ فِرزِنتلِریسینگیز.‏

غَلاطیه‌لِر 3:26 ပူးပေါင်းရင်းမြစ်များ

یوحنا 1:7

یحیی نور بارادا شاهاتلیق اِتمَگه و اُز شاهاتلیغی اوستو بیلِن هِمّه‌لِری ایناندیرماغا گِلدی.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 8:19

خودایینگ اُز فِرزِنتلِرینینگ بِییکلیگینی آیان اِتجِک واقتینا هِمّه یارادیلیش هِم صابیرسیزلیق بیلِن قاراشیار.‏

۲ قُرِنتُس‌لار 1:1

خودایینگ اِراداسی بیلِن عیسی مسیحینگ رِسولی بُلان مِن پولسدِن و دُغانیمیز تیموتاوس‌دان خودایینگ قُرِنتُس‌داقی کِلیساسینا، شِیله-ده هِمّه آخائیه وِلایاتینداقی ایماندارلارینگ بارینا دُغایی سالام!‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

غَلاطیه‌لِر 4:14

شُندا ساغسیزلیغیم سیزی قین یاغدایا سالسا-دا، سیز مِنی کیچِلتمِدینگیز و مِنی رِد هِم اِتمَندینگیز.‏ تِرسینه، مِنی خودایینگ پِریشده‌سی یالی، عیسی مسیحینگ اِدیل اُزی یالی قابول اِدیپدینگیز.‏

غَلاطیه‌لِر 5:24

عیسی مسیحه باغلی بُلانلار اُز اینسان هُوِسلِرینی و ایسلِگلِرینی صلیبه چویلَندیرلِر.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

اِفِسُسلار 1:1

خودایینگ اِراداسی بیلِن عیسی مسیحینگ رِسولی بُلان مِن پولسدِن اِفِسُسداقی مُقادِّسلِره، یَعنی عیسی مسیحده وِفادارلارا، دُغایی سالام!‏

اِفِسُسلار 5:1

شِیله هِم سیز سُیگولی فِرزِنتلِر کیمین خودایدان نِمونه آلینگ.‏

فیلیپیلِر 1:1

عیسی مسیحینگ خیدماتچیسی بُلان مِن پولسدِن و تیموتاوس‌دان عیسی مسیحینگ اوستو بیلِن مُقادِّسلِره باغلی بُلان فیلیپیلِرینگ بارینا، و هِم کِلیسا باشلیقلارینا و خیدماتچیلارینا دُغایی سالام!‏

فیلیپیلِر 1:8

مِن سیزی عیسی مسیحینگ سُیگوسی بیلِن گُرمَگه زاردیغیما خودایینگ اِدیل اُزی شاهاتدیر.‏

فیلیپیلِر 2:15

شُندا سیز اِگری و آزان نِسلینگ آراسیندا اِدیل جاهانداقی ییلدیزلار یالی پارلایان، خودایینگ تاقصیرسیز، پَک و عایپسیز فِرزِنتلِری بُلارسینگیز.‏

کولُسیلِر 1:4

سِبَبی بیز سیزینگ عیسی مسیحه بُلان ایمانینگیز و هِمّه مُقادِّسلِره گُرکِزِن سُیگینگیز حاقیندا اِشیتدیک.‏

کولُسیلِر 2:6

شِیلِلیکده، عیسی مسیحی تانگرینگیز حُکمونده قابول اِدیشینگیز یالی، اُنونگ گُرکِزِن یُلی بیلِن یُرینگ.‏

فیلیمون 1:1

عیسی مسیح اوغروندا زینداندا اُتوران مِن پولسدِن عزیز دُستومیز و هِمکَریمیز فیلیمونا، آیال دُغانیمیز آپفیا و جِنگده یالی یُلداشیمیز آرخیپوسا و سِنینگ اُیونگده بُلیان کِلیساسینا دُغایی سالام!‏ دُغانیمیز تیموتاوس هِم سیزه سالام آیدیار.‏

فیلیمون 1:9

یُنه سُیگینینگ خاطیراسینا سانگا یالباریارین.‏ هاووا، عیسی مسیحینگ اوغروندا زینداندا اُتوران مِن قارّی پولس،

آیانلیق 21:7

یِنگِن آدام، اینه، بولارینگ بارینی میراث آلار.‏ مِن اُنونگ خودایی بُلارین و اُل هِم مِنینگ فِرزِندیم بُلار.‏