غَلاطیه‌لِر 3:16 - مُقادِّس کیتاب

¹⁶ خودای ابراهیم بیلِن عَهد باغلاشدی.‏ اُل بو عَهدی بِرجای اِتجِکدیگی بارادا ابراهیما و اُنونگ نِسلینه واعدا بِردی.‏ مُقادِّس یازغیلاردا ‏«‏سِنینگ نِسیل‍لِرینگه»‏ دییّپ کَنلیک بارادا دَل-ده، ‏«‏سِنینگ اِدیل اُز نِسلینگه»‏ دییّپ، یِکِجه بیری بارادا واعدا بِرلِندیر، یَعنی عیسی مسیحدیر.‏

غَلاطیه‌لِر 3:16 ပူးပေါင်းရင်းမြစ်များ

مَتّیٰ 1:1

ابراهیم و داوود اُغلی بُلان عیسی مسیحینگ نِسلی اینه، شِیلِدیر:‏

رِسول‍لار 3:25

سیز شُل پیغامبارلارینگ نِسیل‍لِریسینگیز و خودایینگ آتا-بابالارینگیز بیلِن باغلاشان عَهدینینگ میراثچیلاریسینگیز.‏ خودای ابراهیما:‏ ‏”‏یِر یوزونینگ هِمّه میلِّتلِری سِنینگ نِسلینگ اوستو بیلِن بِرِکِت آلارلار!‏“‏ دییدی.‏

رومیلار 12:5

بیز باباتدا هِم شِیله:‏ کَن بُلساق-دا، مسیحینگ اوستو بیلِن بیر بِدِندیریس، اُنونگ ‌اعضالاری حُکمونده بیری-بیریمیزه باغلیدیریس.‏

رومیلار 4:13

خودای ابراهیما و اُنونگ نِسلینه دونیَه‌نی میراث بِرمِگی واعدا بِردی.‏ بو واعدا ابراهیما شِریغاتی بِرجای اِدِندیگی اوچین دَل-ده، ایمان گِتیریپ، خودایینگ ناظاریندا تاقوالی حاساپلاناندیغی اوچین بِریلدی.‏

رومیلار 4:16

شُنگا گُرَه-ده، بِرلِن واعدانی ایمانینگ اوستو بیلِن آلیپ بُلیاندیر.‏ واعدا مِرحِمِتلی سُوغات بُلوپ، ابراهیمینگ هِمّه نِسلینه – دینگه شِریغاتا اِیه بُلانلارا دَل، شِیله بُلسا ابراهیم یالی ایمان گِتیریَنلِرینگ بارینا دِگیشلیدیر.‏ مُقادِّس یازغیدا خودایینگ ابراهیما:‏ ‏«‏سِنی کَن میلِّتلِرینگ آتاسی اِتدیم»‏ دییشی یالی، ابراهیم خودایینگ ناظاریندا هِمَّه‌میزینگ آتامیزدیر.‏ سِبَبی اُل اُلولِری دیرِلدیَن و یُق زاتلاری بارلیغا چاغیریان خودایا ایمان گِتیردی.‏

۱ قُرِنتُس‌لار 12:12

بِدِن بیر بُلسا-دا، ‌اعضالاری کَندیر.‏ ‌اعضالاری کَن بُلسا-دا، اُلار هِمّه‌سی بیر بِدِنی عِمِله گِتیریَرلِر.‏ مسیح باباتدا هِم شِیلِدیر.‏

۱ قُرِنتُس‌لار 12:27

سیزینگ هِمَّه‌نگیز عیسی مسیحینگ بِدِنیسینگیز و هِر بیرینگیز بِدِنینگ بیر ‌اعضاسیسینگیز.‏

۲ قُرِنتُس‌لار 11:22

اُلار عِبرانیمی؟ مِن-ده عِبرانیدیرین!‏ اُلار اسرائیل‌لیمی؟ مِن-ده اسرائیل‌لیدیرین!‏ اُلار ابراهیمینگ نِسلیمی؟ مِن-ده ابراهیمینگ نِسلیدیرین!‏

غَلاطیه‌لِر 3:19

اُندا شِریغات نَمه گِرِک بُلدی؟ اُل گونَه‌نینگ نَمِدیگینی گُرکِزمِک اوچین اوستونه قُشوپ بِرلیپدی.‏ شِریغات خودایینگ واعداسی و ابراهیمینگ نِسلی بُلان مسیح گِلیَنچَه حِرِکِت اِتدی.‏ بو شِریغات پِریشده‌لِرینگ اوستو بیلِن تُوِلّاچی موسانینگ قاتناشماغیندا بِرلیپدی.‏

غَلاطیه‌لِر 3:8

خودای ابراهیما:‏ ‏«‏هِمّه خالقلار سِنینگ اوستونگ بیلِن بِرِکِتلِنِر»‏ دییّپ، اُنگا اُزال-باشدا بوشلاپدی.‏ مُقادِّس یازغیلارینگ شو سُزلِری خودایینگ خالقلاری ایمانلارینا گُرَه آقلاجاقدیغینی اَوَّلدِن خابار بِریپدی.‏

اِفِسُسلار 5:32

بو سیر قاتی اولودیر، یُنه مِن موندا مسیح و کِلیسا بارادا گورّونگ اِدیَرین.‏

کولُسیلِر 2:19

شِیدیپ، اُل آدام بِدِنینگ باشی بُلان مسیح بیلِن باغلانیشیغینی ییتیرِندیر.‏ بو بِدِن هِر بیر بُغونونگ و بِندینگ کُمِگی بیلِن بیریگیپ، باشدان اییمیتلِنیَر و خودایینگ بِرِن اُسوشی بیلِن اُسیَندیر.‏

کولُسیلِر 3:11

بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏