غَلاطیه‌لِر 3:10 - مُقادِّس کیتاب

¹⁰ اِمّا هِمّه شِریغاتی بِرجای اِتمِلیدیپ فیکرلینیپ، اُنگا دایانیانلار لَعنِت آشاغیندادیر.‏ چونکی:‏ ‏«‏بو شِریغات کیتابینی تامام یِرینه یِتیرمِدیک آداما، قُی، لَعنِت بُلسون!‏»‏ دییّپ یازیلاندیر.‏

غَلاطیه‌لِر 3:10 ပူးပေါင်းရင်းမြစ်များ

مَتّیٰ 25:41

‏«‏سُنگرا سُلونداقیلارا شِیله دییِر:‏ ‏”‏اِی لَعنِتلیلِر، مِنینگ یانیمدان آیریلینگ، شِیطان بیلِن اُنونگ پِریشده‌لِرینه تاییارلانان اِبِدی اُدا گیدینگ!‏

رومیلار 4:15

سِبَبی بو شِریغاتینگ پُزولماغی خودایی غاضابلاندیریار.‏ اِمّا شِریغاتینگ بُلمادیق یِرینده شِریغاتی پُزماقلیق-دا یُقدور.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 8:7

اینسان هُوِسلِریندِن دُرِیَن فیکرلِر خودایا دوشماندیر.‏ سِبَبی اُلار خودایینگ شِریغاتینا موطیع دَلدیر، آصلیندا موطیع بُلماغی هِم باشاریان دَلدیر.‏

۲ قُرِنتُس‌لار 3:7

هاووا، داش بُلِکلِرینه قازیلیپ یازیلان شِریغات اُلومه اِلتیَردی.‏ اِمّا مونگا باقمازدان، خودایینگ بِییکلیگی موسانینگ یوزونه نور دوشوروپدی.‏ بو نور فانی بُلسا-دا، اسرائیل خالقینینگ گُزونی یومدیریپدی.‏ اِگِر اُلومه اِلتیَن خیدماتینگ بِییکلیگی شِیله بُلسا،

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏