غَلاطیه‌لِر 3:1 - مُقادِّس کیتاب

¹ اِی عاقیلسیز غَلاطیه‌لِر!‏ سیزینگ گُزونگیزی کیم باغلادی؟ مِن سیزه خوش خاباری واغیظ اِدِنیمده، صلیبه چویلِنِن عیسی مسیحی اِدیل اُز گُزونگیز بیلِن گُریَن یالیدینگیز آخیرین!‏

غَلاطیه‌لِر 3:1 ပူးပေါင်းရင်းမြစ်များ

مَتّیٰ 24:24

چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر.‏

مَتّیٰ 7:26

مِنینگ بو سُزلِریمی اِشیدیپ، اُلاری بِرجای اِتمِدیک هِر بیر کیشی اُیونی چَگَه‌نینگ اوستونده قوران آحماق آدام یالیدیر.‏

لوقا 24:25

عیسی اُلارا:‏ ‏«‏واخ، سیز عاقیلسیزلار!‏ پیغامبارلارینگ آیدانلارینا گیچ اینانیانلار!‏

رِسول‍لار 16:6

مُقادِّس روح طارافیندان خودایینگ سُزونی آسیا وِلایاتینا واغیظ اِتمِکلیگی ساقلانان سُنگ، پولس شُندا فریجیه و غَلاطیه اولکه‌سیندِن گِچدیلِر.‏

رِسول‍لار 6:7

شِیلِلیکده، خودایینگ خوش خاباری خاص-دا یایراپ و اورشلیمده شَگیرتلِرینگ سانی باردیقچا کَنِلیَردی و کَن کاهینلار-دا ایمان گِتیردیلِر.‏

رومیلار 10:16

یُنه بو خوش خاباری هِمّه‌لِر قابول اِتمِدی.‏ اِشعیا پیغامبار هِم بو بارادا:‏ ‏«‏اِی خودای، بیزینگ خاباریمیزا کیم ایناندی؟»‏ دییّپ سُرایار.‏

رومیلار 2:8

اِمّا اُز خاییرینی گُزلِیَنلِر و حاقیقاتی رِد اِدیپ، یامانلیغینگ ایزینا دوشیَنلِر بُلسا قاهار-غاضابا دوچار بُلارلار.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

۱ قُرِنتُس‌لار 11:26

شُنگا گُرَه-ده، سیز هِر گِزِک بو چُرِگی اییِنینگیزده و بو کَسه‌دِن ایچِنینگیزده، عیسی دُلانیپ گِلیَنچَه، اُنونگ اُلومینی اِعلان اِدیَرسینگیز.‏

۱ قُرِنتُس‌لار 2:2

مِن سیزینگ آرانگیزداقام، عیسی مسیحدِن و اُنونگ صلیبه چویلِنمِگیندِن باشغا هِمّه زادی اونوتماغی یورِگیمه دوووپدیم.‏

۲ قُرِنتُس‌لار 10:5

بو یاراغلار بیلِن خودای باراداقی بیلیمه قارشی چیقیان هِر بِییکلیگی وِیران اِدیَریس و هِر فیکری اِسیرلیگه آلیپ، اُنی عیسی مسیحه موطیع اِدیَریس.‏

۲ قُرِنتُس‌لار 11:3

یُنه ییلانینگ حَوّانی مِکرلیک بیلِن آلدایشی یالی، سیزینگ-ده آلدانماغینگیزدان قُرقیارین.‏ مِن فیکرلِرینگیزینگ بولاشدیریلیپ، مسیحه بُلان پَک صادیقلیغینگیزدان آیریلارمیقانگیز دییّپ قُرقیارین.‏

غَلاطیه‌لِر 1:6

مِن عیسی مسیحینگ مِرحِمِتی بیلِن سیزی چاغیران خودایدان بِیله تیز دَنیپ، باشغا بیر خوش خاباری قابول اِدیشینگیزه خاص حایران قالیارین.‏

غَلاطیه‌لِر 2:14

مِن اُلارینگ اِدیَن حِرِکِتلِرینینگ خوش خابارینگ حاقیقاتینا لاییق دَلدیگینی گُردوم.‏ شُندا مِن هِمّه‌لِرینگ اُوونده پِطرُسینگ یوزونه گِلیپ، شِیله دییدیم:‏ ‏«‏سِن یَهودی بُلسانگ-دا، یَهودیلِر یالی یاشامایارسینگ.‏ سِن یَهودی دَل‍لِر یالی یاشایارسینگ.‏ اُنسُنگ سِن نَمه اوچین یَهودی دَل‍لِری یَهودیلِر یالی یاشاماغا مِجبور اِدیَرسینگ؟»‏

غَلاطیه‌لِر 3:3

سیز مُقادِّس روح بیلِن باشلاپ، ایندی-ده اُز اینسان گویجونگیز بیلِن کَمیل بُلجاق بُلیانگیزمی؟ اُندا سیز شِیله عاقیلسیزمی؟

غَلاطیه‌لِر 4:9

ایندی بُلسا سیز خودایی تانییارسینگیز، دُغروسی خودایدا سیزی تانییاندیر.‏ شوندان سُنگ سیز نَدیپ شُل اِجیز و بیدِرِک دِستورلارا دُلانیارسینگیز؟ یا-دا قایتادان اُلارینگ بِنده‌سی بُلماق ایسلِیَرسینگیزمی؟

غَلاطیه‌لِر 5:11

اِی عزیزلِریم!‏ اِگِر مِن هِنیز-ده سونِّتلِنیلمَنی واغیظ اِدیَن بُلسام، اُندا مِن نَمه اوچین آزارلانیارقام؟ اِگِر دُغرودان-دا شِیله بُلیان بُلسا، اُندا عیسانینگ صلیبی باباتداقی واغظیم بودریمه داشی بُلمازدی.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

اِفِسُسلار 5:15

شِیلِلیکده، نَهیلی یاشایاندیغینگیزا هِیوِره خاباردار بُلونگ.‏ نادانلار یالی دَل-ده، دانالار یالی یاشانگ.‏

۲ تِسالونیکیلِر 1:8

خودایی تانیمییانلاری و تانگریمیز عیسی باراداقی خوش خابارا موطیع بُلمادیقلاری جِزالاندیرار.‏

۱ تیموتاوس 6:4

اُندا اُل هیچ زادا دوشونمِیَن مَغروردیر.‏ اُل جِدِلِّشمِک و سُزلِرینگ مَعنیسی بارادا داعوالاشماق دِردینه دوشوپ، باخیلّیغینگ، چِکیشمِلیگینگ، تُهمِتلِرینگ و یامان شِکلِرینگ دُرِمِگینه سِبَپ بُلیار.‏

عِبرانیلار 11:8

میراث اِدیپ بِرِن یوردونا ایبِرمِک اوچین خودای ابراهیمی چاغیراندا، اُل ایمانینگ اوستو بیلِن اُنگا موطیع بُلدی، نیرَه باریاندیغینی بیلمِزدِن یُلا دوشدی.‏

عِبرانیلار 5:9

شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّه‌سینی اِبِدیلیک نِجات بِرمِگی باشاریار.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 4:17

چونکی حُکوم خودایینگ اُی ایچِریسیندِن باشلانمالی واقتی گِلیپ یِتدی.‏ حُکوم اَوَّل بیزدِن باشلانسا، اُندا خودایینگ خوش خابارینا موطیع بُلمایانلارینگ آخیری نَمه بُلار؟

۲ پِطرُس 2:18

چونکی اُلار یالنگیش یُلدان تَزه قاچیپ آزاد بُلانلاری بُش و غُرورلی سُزلِری بیلِن تِلِکه کِیپه گویچلِندیریپ، اینسان هُوِسلِری بیلِن اُلاری دوزاغا دوشوریَرلِر.‏

آیانلیق 18:3

چونکی هِمّه میلِّتلِر اُنونگ زینا هُوِسلِرینینگ شِرابینی ایچدیلِر.‏ دونیَه‌نینگ پادیشاهلاری اُنونگ بیلِن زینا اِتدیلِر و تاجِرلِری اُنونگ هایباتلی عایش-عِشرِتیندِن باییدیلار.‏»‏

آیانلیق 2:20

اِمّا سانگا قارشی بیر آیتجاق زادیم بار:‏ سِن اُزونی نِبیه حاساپلایان ایزابِل آدلی آیالینگ اِدِنلِرینه جیداملیلیق اِدیَرسینگ.‏ اُل مِنینگ بِنده‌لِریمی اُز تَعلیماتی بیلِن آزدیریپ، اُلارا زینا اِتدیرجِک بُلیار و بُتلارا هُدورلِنِن قربانلیقلاردان اییدیرجِک بُلیار.‏