غَلاطیه‌لِر 2:20 - مُقادِّس کیتاب

²⁰ مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 2:20 ပူးပေါင်းရင်းမြစ်များ

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَتّیٰ 4:3

شُل واقت اُنونگ یانینا شِیطان گِلیپ:‏ ‏«‏اِگِر سِن خودایینگ اُغلی بُلیان بُلسانگ، اُندا شو داشلارینگ چُرِگه اُورولمِگینی بویور»‏ دییدی.‏

یوحنا 1:49

ناتاناییل اُنگا:‏ ‏«‏اُستاد، سِن خودایینگ اُغلوسینگ!‏ سِن اسرائیل‌ینگ پادیشاهسیسینگ!‏»‏ دییدی.‏

یوحنا 10:11

‏«‏مِن قاوی چُپاندیرین.‏ قاوی چُپان قُیونلار اوچین جانینی فِدا اِدیَندیر.‏

یوحنا 15:13

کیم جانینی دُستلاری اوچین فِدا اِتسه، موندان بِییک سُیگی یُقدور.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

یوحنا 3:35

آتا اُغلی سُییَر و اُل هِمّه زادی اُنونگ اِلینه تابشیراندیر.‏

یوحنا 6:57

مِنی دیری آتا ایبِردی و مِن اُنونگ اوستو بیلِن یاشایارین.‏ اِدیل شونونگ یالی، مِندِن اییمیتلِنیَن-ده مِنینگ اوستوم بیلِن یاشار.‏

یوحنا 6:69

بیز سِنینگ خودایینگ مُقادِّسیدیگینگه اینانیاریس و مونی آچیق بیلیَریس»‏ دییّپ جُغاپ بِردی.‏

رِسول‍لار 8:36

اُلار یُلدا باریارقا، بیر سولی یِرینگ اوستوندِن گِلدیلِر.‏ آغتا آدام:‏ ‏«‏اینه، بو یِرده سو بار.‏ مِنینگ تَعمید آلماغیما نَمه قینچیلیق بار؟»‏ دییدی.‏ ‏[‏

رِسول‍لار 9:20

شُل واقتدا کِنیسه‌لِره باریپ، ‏«‏عیسی خودایینگ اُغلی»‏ دییّپ واغیظ اِتمَگه باشلادی.‏

رومیلار 1:17

خوش خابار خودایینگ آداملاری نَدیپ تاقوالی حاساپلایاندیغینی آیان اِدیَر.‏ اُل ایمان گِتیریَنلِری، هاووا، دینگه ایمان گِتیریَنلِری آقلایار.‏ چونکی مُقادِّس یازغیلاردا:‏ ‏«‏تاقوالی آدام ایمان بیلِن یاشار»‏ دییّپ یازیلاندیر.‏

رومیلار 14:7

هیچ بیریمیز اُزومیز اوچین یاشایان دَلدیریس و هیچ بیریمیز اُزومیز اوچین اُلیَن دَلدیریس.‏

رومیلار 3:22

عیسی مسیحه ایمان گِتیرمِگینگ اوستو بیلِن هِمّه ایماندارلار خودایینگ حوضوریندا آقلانیاندیرلار.‏ شو باباتدا آداملارینگ آراسیندا هیچ تَفاوُتی یُقدور.‏

رومیلار 4:25

عیسی مسیح بیزینگ گونَه‌لِریمیز اوچین اُلومه تابشیریلیپ، خودایینگ ناظاریندا آقلانیلماغیمیز اوچین دیرِلدیلدی.‏

رومیلار 5:2

عیسی مسیح بیزه خودایینگ مِرحِمِتینینگ قاپیسینی آچیپ بِردی.‏ بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس.‏

رومیلار 5:6

بیزینگ اُزومیزی آقلاماغا گویجومیز یُقّا، عیسی مسیح بِلِّنِن واقتیندا بیز خودایسیزلار اوچین اُلدی.‏

رومیلار 5:8

اِمّا عیسی مسیح هِنیز گونَه‌کَرکَک، بیزینگ اوچین اُلدی.‏ شِیدیپ، خودای بیزه بُلان سُیگوسینی گُرکِزدی.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

رومیلار 6:8

اِگِر بیز مسیح بیلِن اُلِن بُلساق، اُندا اُنونگ بیلِن یاشاجاقدیغیمیزا هِم اینانیاریس.‏

رومیلار 8:10

اِگِر عیسی مسیح قالبینگیزدا مِسکِن توتان بُلسا، اُندا گونَه سِبَپلی اُلمِلی بُلسانگیز-دا، روح سیزه یاشاییش بِرِر، سِبَبی سیز خودایینگ حوضوریندا آقلانانسینگیز.‏

رومیلار 8:37

یُنه بیز اُزومیزی سُییَنینگ اوستو بیلِن بو قینچیلیقلارینگ بارینی یِنگیَریس.‏

۱ قُرِنتُس‌لار 6:17

اِمّا مسیح بیلِن بیرلِشِن هِم روحدا اُنونگ بیلِن بیر بُلار.‏

۲ قُرِنتُس‌لار 1:24

بیز سیزینگ ایمانینگیزینگ اوستوندِن حُکوم سورمِکچی بُلامزُق، تِرسینه، شاتلیغینگیزینگ خاطیراسینا سیز بیلِن هِمکَرلیک اِدیَریس، چونکی سیز ایماندا قاییم دورسونگیز.‏

۲ قُرِنتُس‌لار 10:3

بیز بو دونیَه‌ده یاشاساق-دا، دونیَه‌نینگ یُل‍لارینا گُرَه اوروشمایاریس.‏

۲ قُرِنتُس‌لار 11:10

مسیحینگ مِندَکی حاقیقاتیندان قاسام ایچیَرین:‏ آخائیه‌دَکیلِرینده یاشایانلارینگ بیری-ده مِنی بو قووانمادان ماحروم اِدیپ بیلمِز!‏

۲ قُرِنتُس‌لار 13:3

سِبَبی سیز مسیحینگ مِنینگ اوستوم بیلِن گورلِیَندیگینی بِلّی اِدیَن دِلیل‍لِری طالاب اِدیَرسینگیز آخیرین.‏ مسیح سیز بیلِن آراقاتناشیغیندا اِجیز دَل-ده، اُل سیزینگ آرانگیزدا گویچلیدیر.‏

۲ قُرِنتُس‌لار 13:5

ایماندا قاییم دوروپ-دورمایانیلیغینگیزی بیلمِک اوچین، اُزونگیزی ایمتِحان اِدیپ گُرونگ.‏ اُندا سیز عیسی مسیحینگ آرانگیزدادیغینی بیلمِیَنگیزمی نَمه؟ یا-دا سیز ایمتِحاندان گِچمِیَنلِردِنمی؟

۲ قُرِنتُس‌لار 5:14

اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس.‏ شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر.‏

۲ قُرِنتُس‌لار 5:15

هاووا، عیسی مسیح هِمّه‌لِرینگ اوغروندا اُلدی.‏ اُل مونی یاشایانلار ایندی اُزلِری اوچین دَل-ده، اُلارینگ اوغروندا اُلِن و دیرِلِن مسیح اوچین یاشاسینلار دییّپ اِتدی.‏

۲ قُرِنتُس‌لار 5:7

چونکی بیز گُریَن زاتلاریمیزا گُرَه دَل-ده، ایمانا گُرَه یاشایاریس.‏

غَلاطیه‌لِر 1:4

آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

غَلاطیه‌لِر 3:11

خودایینگ حوضوریندا هیچ کیم شِریغاتینگ اوستو بیلِن آقلانیپ بیلیَن دَلدیر.‏ بو اَشکَر زات، سِبَبی ‏«‏تاقوالی ایمان اوستو بیلِن یاشار»‏ دییّپ یازیلاندیر.‏

غَلاطیه‌لِر 5:24

عیسی مسیحه باغلی بُلانلار اُز اینسان هُوِسلِرینی و ایسلِگلِرینی صلیبه چویلَندیرلِر.‏

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

اِفِسُسلار 5:25

اِی اَرلِر، مسیحینگ کِلیسانی سُیشی یالی، سیز هِم اُز آیالینگیزی سُیونگ.‏ چونکی مسیح کِلیسانی سو بیلِن یوووپ، خودایینگ سُزی بیلِن پَکلَپ، اُنی مُقادِّس اِتمِک اوچین، جانینی قربان اِتدی.‏

فیلیپیلِر 1:21

چونکی مِنینگ اوچین یاشاییش مسیحدیر، اُلوم-ده خاییرلیدیر.‏

فیلیپیلِر 4:13

مانگا قووات بِریَن عیسی مسیحده هِر زادی اِتمِگی باشاریارین.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

۱ تِسالونیکیلِر 1:10

و اُنونگ اُلومدِن دیرِلدِن اُغلی عیسانینگ آسمانلاردان گِلمِگینه قاراشیارسینگیز.‏ عیسی مسیح بیزینگ هِمَّه‌میزی گِلِجِکدَکی غاضابدان آزاد اِدیَندیر.‏

۱ تِسالونیکیلِر 5:10

عیسی مسیح بیزینگ اوچین اُلدی.‏ اُل مونی بیز یاشاساق-دا، اُلسِک-ده، اُنونگ بیلِن یاشاپ بیلمِگیمیز اوچین اِتدی.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 8:3

هِر بیر باش کاهین صاداقالار هِم قربانلیقلار هُدورلِمِک اوچین بِلِّنیلیَر.‏ شو سِبَپدِن بیزینگ باش کاهینیمیزینگ هِم قربانلیق هُدورلِمِگی گِرِکدی.‏

۱ پِطرُس 1:8

سیز مسیحی گُرمِدیک بُلسانگیز هِم، اُنی سُییَرسینگیز.‏ حتّیٰ اُنی شو واقت گُرمِسِنگیز-ده، اُنگا ایمان گِتیریَرسینگیز و سُز بیلِن تعریفلاپ بُلماجاق بِییک شاتلیقدان دُلوپ-آقیارسینگیز.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

۱ یوحنا 4:14

بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 3:20

اینه، مِن قاپیدا دورین، قاپینی قاقیارین.‏ سِسیمی اِشیدیپ، قاپینی آچانینگ اُیونه گیرِرین.‏ مِن اُنونگ بیلِن، اُل هِم مِنینگ بیلِن بیر سُفره‌دا اُتورار.‏