غَلاطیه‌لِر 2:19 - مُقادِّس کیتاب

¹⁹ شِریغاتینگ اُزی مِنی اُلومه مَحکوم اِتدی.‏ شُنگا گُرَه-ده، مِن شِریغات اوچین اُلی بُلوپ، ایندی خودای اوچین یاشایاندیرین.‏

غَلاطیه‌لِر 2:19 ပူးပေါင်းရင်းမြစ်များ

رومیلار 4:15

سِبَبی بو شِریغاتینگ پُزولماغی خودایی غاضابلاندیریار.‏ اِمّا شِریغاتینگ بُلمادیق یِرینده شِریغاتی پُزماقلیق-دا یُقدور.‏

رومیلار 5:20

گونَه‌نینگ اَشکَر بُلماغی اوچین، شِریغات آرا گیردی.‏ یُنه آداملار گونَه‌نی کَندِن-کَن اِتدیگیتچَه، خودایینگ مِرحِمِتی خاص-دا آرتدی.‏

رومیلار 6:11

شُنگا گُرَه-ده، سیز هِم اُزونگیزی گونَه گُرَه اُلی، اِمّا عیسی مسیح بیلِن بیرلِشِندیگینگیز سِبَپلی خودایا گُرَه دیری حاساپلانگ.‏

رومیلار 6:14

شُندا گونَه سیزه اُز حُکومینی یُریتمِز، سِبَبی سیز شِریغاتینگ ایختییاریندا دَل-ده، مِرحِمِتینگ ایختییارینداسینگیز.‏

رومیلار 6:2

اِلبِتّه، یُق!‏ بیز گونَه باباتدا اُلدوک آخیرین.‏ اُنسُنگ نَهیلی گونَه ایچینده یاشاپ بیلِریس؟

رومیلار 7:14

بیز شِریغاتینگ روحانیدیغینی بیلیَریس.‏ یُنه مِن نِفسانی بُلوپ گونَه‌نینگ قولی حُکمونده ساتیلاندیرین.‏

رومیلار 7:4

اِی عزیزلِریم، سیز باباتدا هِم شِیلِدیر.‏ سیز عیسی مسیحینگ اُلومینینگ اوستو بیلِن شِریغات اوچین اُلوسینگیز.‏ خودایا یاخشی ایشلِرینگیزینگ حاصیلینی گِتیرِر یالی، سیز ایندی باشغا بیرینه، یَعنی اُلومدِن دیرِلِن عیسی مسیحه باغلیسینگیز.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

۱ قُرِنتُس‌لار 10:31

شونلوقدا، اییسِنگیز-ده، ایچسِنگیز-ده، هِر نَمه اِتسِنگیز-ده – بولارینگ بارینی خودایینگ بِییکلیگی اوچین اِدینگ.‏

۱ قُرِنتُس‌لار 9:20

یَهودیلِری مسیح طارافا گِتیرجِک بُلوپ، اُلار اوچین یَهودیلِر یالی بُلدوم.‏ مِن شِریغاتینگ قولی بُلماسام-دا، شِریغاتا گُرَه یاشایانلاری مسیح طارافا گِتیرجِک بُلوپ، شِریغاتینگ قولی بُلدوم.‏

۲ قُرِنتُس‌لار 5:15

هاووا، عیسی مسیح هِمّه‌لِرینگ اوغروندا اُلدی.‏ اُل مونی یاشایانلار ایندی اُزلِری اوچین دَل-ده، اُلارینگ اوغروندا اُلِن و دیرِلِن مسیح اوچین یاشاسینلار دییّپ اِتدی.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 3:10

اِمّا هِمّه شِریغاتی بِرجای اِتمِلیدیپ فیکرلینیپ، اُنگا دایانیانلار لَعنِت آشاغیندادیر.‏ چونکی:‏ ‏«‏بو شِریغات کیتابینی تامام یِرینه یِتیرمِدیک آداما، قُی، لَعنِت بُلسون!‏»‏ دییّپ یازیلاندیر.‏

غَلاطیه‌لِر 3:24

شونلوقدا، بیز ایمانینگ اوستو بیلِن تاقوالی بُلار یالی، مسیح گِلیَنچَه، شِریغات بیزینگ تِربیِتچیمیز بُلدی.‏

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

کولُسیلِر 2:20

سیز مسیح بیلِن اُلوپ، بو فانی دونیَه‌نینگ قالان دِستورلاریندان آزاد بُلدونگیز.‏ اُندا نَمه اوچین هِنیزِم بو دونیَه باغلی یالی، ‏«‏مونی داتما»‏، ‏«‏مونی اییمه»‏، ‏«‏مونگا اِل دِگیرمه»‏ دییِن اینسان عاداتلارینینگ ایزینا دوشیَرسینگیز؟

کولُسیلِر 3:3

چونکی سیز اُلِنسینگیز، یاشاییشینگیز بُلسا مسیح بیلِن بیله خودایدا گوزگِنِندیر.‏

۱ تِسالونیکیلِر 5:10

عیسی مسیح بیزینگ اوچین اُلدی.‏ اُل مونی بیز یاشاساق-دا، اُلسِک-ده، اُنونگ بیلِن یاشاپ بیلمِگیمیز اوچین اِتدی.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۱ پِطرُس 4:6

شُنونگ اوچین هِم خوش خابار حتّیٰ اُلولِره-ده واغیظ اِدیلدی.‏ چونکی بِدِن تایدان اینسانلارا گُرَه اِدِن ایشلِری اوچین حُکوم اِدیلِن بُلسالار-دا، اِمّا روح تایدان خودایدا یاشاپ بیلِرلِر.‏